Mateo 22:17 - Kulina New Testament Brazil

¹⁷ —Nazama ibodi acco ticanabaqquirri. Nerreco uimana bica tani tarraro? Rromanodenicca tamine deni torrauicca pocca zossenirriza icca ziniro mota pouaza da inaniuarrine bica taqui? Bica terrererane? Moizecca marinarraza oppina taqui? Oppinera terane? Tetti nerrecoma tani? −quenade.

Culina Mádija

¹⁷ —Nadsama ibodi acco ticamabaqquiji. ¿Nejeco imana bica tani tajaro? Romanodenicca tamine deni tojahicca pocca dossenijidsa icca dsiniro mota pohuadsa da inanijine ¿bica taqui? ¿Bica tejerarane? Moisesicca marinajadsa ¿oppina taqui? ¿Oppinera tarane? ¿Tetti nejecoma tani? −quinade.

Mateo 22:17 Iomraidhean Croise

Mateo 17:25

Naraha Pedoropa: —Rrehe, da da naui pouapa −naui nade. Zotode Pedoro ozauarri qquezimanizapa Zeso zinirocca uima Pedoroza taide uati taporrari: —Nirra Simao, nerrecoma tani tibodi? Arrirraro namicca taminedeni poccadeni madirracca ziniro mota ihinaqquemana narraroqui? Madirra ouahadeni poccadeni zamaza madimanarraricca ziniro motana ihinaqquemana narrarorane? −nade.

Mateo 22:18

Zesoza attideni bica taza uati uati toquenaraha poccadeni uaidirehe pouaza auato teza pouadeniza uati tarrari: —Timaizemanarraro! Nerrecotoui occa uima tossamoniuarrine ouaza uati tiquenarraro?

Roca 2:1

Zeso tossona-rraraccazapa zama bazimacca uimape arrima narraro: Taidepa rromanodenicca tamine deni torrauicca onipa Acosto poua bodipa: —Nerrecoma naha madirra madimanaui occa cacaueheza anina naza madirra onideni bazima dozo narizemanauiuarrine pocca zossenirri ccarizarraro.

Roca 20:22

—Nazama iape rromanodenicca tamine deni torrauicca pocca zossenirriza icca ziniro mota pouaza da inaniuarrine bica taqui? Bica terrererane? Moizecca marinarraza oppina taqui? Oppinera terane? Tetti nerrecoma tani? −quenarrari maizeheza.

Roca 3:1

Zacariacca erredeni Zouaopa Deo poua icazosserrariza zepe irribote naza zama cacauadedeni arrama quenarrari: Oza panani Rromauarri madimanarraridenicca tamine deni torrauicca onipa Tiberio. Pouapa zama bazima ecauarizarraro. Pocca cacauehepe uarrano 15 bacco tarrari. Pocca zossenirrizapa madirra ouaha, madirra ouaha tamine toquerrenarizarrari. Nazama narraridenipa pocca zossenirriza zama cacauade madirizemanarrari. Izarraeo potemaui zodeodeni madimanauicca zama oninipe Zodea. Nauicca taminepa Ponsio-Pirato. Izarraeo potemaui mota madimanauicca zama oninipe Carirea. Nauicca taminepa Erodi. Erodi poua ouaha Piripepa zama onini Itorea ecauarraro. Itorea uinorinicca naqui ecauarraro. Narraro zama oninipe Taraconite. Itorea uinorini onihiuarricca zama oninipe Abirinia. Nauicca taminepa Risania.

Tahimarideni 17:7

Arra Zason rroca izimarraripa pocca ozaza ecauabaqquiui! −quenarrari, rrouaua rrouaua canaza. —Arra madirra ouaha rrauirronarraripa icca tamine deni torrauicca marinarraza iboqquiri narrari. Icca madirra mota naco pouadeni attirrine touibomanauitoui. “Rridapanapa tamine ouaha torraui, poua onipa Zeso” quenaui imittani −quenarrari maizemanaza.

Tahimarideni 25:8

Nazapa Paoro manaco uati tarrari: —Ouape zodeodenicca marinarra onarrizo nerrerade. Zerozareuarricca Deoza dada toqquimauarri naqui onarrizo nerrerade. Rromanodenicca tamine deni torrauicca pouaza naqui uima onana nerrerade −narrari.

Tahimarideni 28:22

Naraha arri uima zati mari mari tarrarope zama bazimaza: “Bica terrerani” nanarizemana naui ihimitta narraro. Nama quenazapa: Ticca uima imittaccaraho, ihinanarrarode –quenarrari zodeodenicca taminedeni.

Tahimarideni 5:37

—Naui zotode madirra onideni dozode toquerrenaza naco Carireauarricca Zoda ccarronarrari. Rromanodeni moua inabaqquimanauiuarrine madirra inaqueriqquiraha zoqquezapa torraribaqquirrari.