Mateo 21:46 - Kulina New Testament Brazil

⁴⁶ Nazapa Zesoza boquemanaza: —Zeso tozepe inanana −quenaraha madirra noppinedeni cappinemanarrari, arra madirra bazima: —Zesopa Deo Atti cacacomerabote −quequenanaza.

Culina Mádija

⁴⁶ Nadsapa Jesodsa huadimanadsa: —Jeso todsepe inanana −quinaraha madija noppinedeni cappinamanajari, aja madija huapima: —Jesopa Dio Atti cacacomerabote −quiquinanadsa.

Mateo 21:46 Iomraidhean Croise

Mateo 21:11

Naraha madirra Zeso pouaza rrauirronarraripa ecomeremanarrari: —Rrehe, arrarraripa Zeso! Pouapa Deo Atti cacomerabote. Zama Carireauarricca oza onini Nazareticca madirra. Narraria! −quenade.

Mateo 21:26

—Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.

Mateo 21:45

Nazapa dada toqquimade taminedeni, marinarra parizeoza rrehe quenarrarideni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenade.

Mateo 22:1

Nazapa Zeso pocca marinarra arrirraro namiza imadinicca uima tazarrani madirra bazimaza uati tapomarrari.

Maraco 11:18

Naraha dada toqquimade taminedeni, zodeodenicca marinarra maridedeni tezerre narraro uima mittemanazapa Zesoza nacasseraqquiri narrari. Madirra bazimapa Zesocca marinarratoui dameraqquiri nazapa taminedeni, mamaridedeni tezerre Zeso deni torraui noppine cappinemanarrari. —Zesopa deni torraza arrimani iquerrenerana −quenaza Zeso zoqqueuiuarrine rrara rrara quenarrari: —Nerrecoma inanaza Zeso inanazoqqueuiuarrine? −quenarrari nade.

Roca 7:16

Madirra bazima Zesorrine zabisso camittemaniui qqui toquenazapa cappinemanaraha Deoza uatizemanarrari: —Iaza Deo Atti cacomerabote nauato tarrari bacco naui, bacco naui! −narizemanarrari bazima. —Iape Deocca madirra iquerrenerre narraro rridapanape Deocca nauatoue arri ia qqui inarraroccape Deo ia acco tocanabaqquiuitoui inarraro −quenarrari.

Roca 7:39

Naraha arra parizeo Zesoza uaua narraripa narraro amonerre Zesoza nema nani qqui taza poua bodipa: —Arrana, Zesopa Deo Atti cacomeraqquiri narraridenissa nazapa madirra bodidenicca uima nauato tanarra. Narraro amonerre pouaza mari zanarrarope madierini uaidira tarraro. Poniza: “Uarri tinarri” nauitouiraha −narrari.

Huano 7:30

Nazapa nauiza Zeso pouadeni zepeza torrauiuarrine dama iquenauitouiraha dama iquena-rrarade. Zeso zoqqueuiuarrinecca uima Deorrine narro taccarraro.

Huano 7:7

—Nazama tiadenizape arrirraro zamacca madirra nacasseraqquiri narraraui. Naraha ouazana nacasseraqquiri narrari, ouape poccadeni uimasiri cacomera oneza.

Tahimarideni 2:22

Nazapa denima uati uati tarrari: —Rrehe ouimecote Izarraeo potemaui zodeo iquerrenarrarodeni, ouatti titauaribobo canarri. Arra Nazaretiuarricca Zesopa Deorrine parrissa canauatori canaui qqui tiquenade. “Pouapa parrissa Deo zosse inaronarrari” titiquena naniuarrineraha tinanazoqquemanarrari. Naraha Abi Deopa taide nauato taporrari: “Arrima nanitoui” naporrari: “Occa erredeni madirra uaidiraqquiri narrarideni dama iquenaza aua porimacossaniza inanazoqque-manauitoui” napoui nade. Narraro uimaha arri ia imadiza qqui inarraroparri. Tirrinedeni narrarossa tinanemanarraroparri.