Mateo 21:44 - Kulina New Testament Brazil

⁴⁴ Nazama siba dacorehe carrirrarocca uima onihi naqui arrima nani: Narraro sibaza madirra touedimemanazapa poccadeni uima tossamozape assiredeni tarroririzemanarrarissa quenauitoui. Narraro siba madirraza ssonarizape mere tocanirezapa rramiromanauissa tauitoui −nade Zeso, poua tauimari uati taza. (Arra madirra pouaza parrissa quena-rrarazapa parra rricariui nauitoui, narrari.)

Culina Mádija

⁴⁴ Nadsama siba dacorehe cajijarocca ima onihi naqui ajima nani: Najaro sibadsa madija tohuedimamanadsapa poccadeni ima tossamodsapi assiredeni tajoriridsamanajarissa quinahitohui. Najaro siba madijadsa ssonaridsapi mere tocaniredsapa jamiromanahissa tahitohui −nade Jeso, pohua tahimari huati tadsa. (Aja madija pohuadsa pajissa quina-jaradsapa paja jicarihi nahitohui, najari.)

Mateo 21:44 Iomraidhean Croise

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Mateo 21:45

Nazapa dada toqquimade taminedeni, marinarra parizeoza rrehe quenarrarideni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenade.

Mateo 26:24

Rrehe, ouape Madirra Bedi orrarraroa niza ozoqquenitoui. Pina maittaccazama otezerremacca uima Deo Atti cacomeraqquiri narrarideni dozo iquenaporrarossa onanitoui. Neraha oua ccaccoradeza oppina tehe torranitoui. Rraho, narrari maqquiderre tossona-rrarazapa bica teraha, oppina tanicca zori tauitouiraha −nade Zeso.

Mateo 27:25

Nazapa madirra bazima attidenipa: —Rrehe, peperri! Ettirrine zoqqueza poua emene toccarraro manaconipe iaza, icca erredeniza torrani bica tani −quenade.

Roca 2:34

Naraha Simiaopa pouadeniza denima uati uati tarrari: —Deocca biquehe tiadeniza torrazanapona, onarraro −narrari. Nazama Maria poniza naco uati uati tarrari Simiao: —Deopa arrarrari erredeni zosse inaronarrari, Izarraeo potemauideni pouadenira pouadenira narizemanaui toui. Mota uapi taha pouaza nacasseraqquiri naza Deo pouadeni ettarrobaqquizapa ocasserani auemanauitoui. Naraha pouaza nacassaqquiri narraridenipa niza zotodepa uima bicani carrimanauitoui, Deoza madimana-zanapouiuarrine. Rrehe, arrarrari erredenipa Izarraeodeni inassiuauabaqquiuiuarrine Deo zosse inaronaraha madirra motapa pouaza rrara rrara quequenanauitoui. Pocca marinarraza naco uattarrorro tauitoui.

Roca 20:18

Nazama narraro siba dacorehe carrirraroza madirra touedimemanazapa poccadeni uima tossamozape assiredeni tarroririzemanarrarissa quenauitoui. Narraro siba madirraza ssonarizape mere tocanirezapa rramiromanauissa tauitoui −narrari Zeso, poua tauimari uati taza. (Arra poua atti nama narraripa madirra pouaza parrissa quena-rrarazapa parra rricariui nauitoui, narrari.)

Huano 19:11

Naraha Zesopa poua cacomerade: —Tiape ouaza deni tirra-rrereraha Deo tia cazosseza deni tirreza tetti ticarrirraro −nade. —Tirrine ouaza uaidira teraha arra oua ccaccarronadedenicca uimana denima uaidira tarraro −nade.

Romanodenidsa 9:33

Narrarope Deo Atti dozo naporraroza arrima narraro: —Ticattomama canarri! Oza panani Siouarripe siba ouattarraro. Narraro sibape madirra inassonaribaqquiuitoui. Narraro sibaza parrissa quenarraridenipa niza zotode ponicca mamaiza tabaqqui toquerrena-rrarauitoui −naponi nade Deo Atti dozo naniza.

1 Tesaronicadeniza 2:16

Nezape Zeso Cristo tauimari icassiuaueraniuarrinecca zodeo querrena-rrararrarideni mari icanabaqquiuiuarrineraha arra zodeodeni Zesoza nacasseraqquiri narraridenina iaza moua moua quequenanarrariparra. Narraridenipa zodeo querrena-rrararrarideni Zeso Cristocca uimaza tocassiuauerauiuarrine nacasseraqquiri narrari. Nezape poccadeni uimasiri denima torrazanaporraroparri. Narraro poccadeni uimasirirrinena Deocca uadie pouadeniza torranitoui. Niza narrizoue oppina taniccape pouadeniza ssonarinitoui.

1 Pedoro 2:8

Deo Atti dozo nani onihi naqui: —Narraro sibape madirra inauedimabaqquiuitoui −naponi nade Deo Atti dozo naniza. Rrehe, Deopa nama naporraria arra madirra Zeso Cristo tauimariza parrissa quena-rrarazapa pina sibaza touedime-manarrarissa quenauitoui. Deopa nama quenauiuarrine taide nauato tapozapa pouadeni tezerremacca uima inanarroraporraro.