Mateo 21:42 - Kulina New Testament Brazil

⁴² Nazapa Zeso poua tauimari pouadeniza auato taniuarrine pouadeniza denima uati tarrari: —Tiadenipe Deo Atti dozo nanicca ua ua titiquena neraha siba uauattarro torrarraro tauimarini tetideni rrimemanarraroqui? Uimape arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Neraha zotodepe narraro sibana oza daco carriraniuarrine torrarraro. Arri siba uauattarro torrarrarope ia Zozossede Deorrine deni torrarraro. Narraro uimarrine Deoza etizerraro” nani Deo Atti dozo naniza −nade Zeso.

Culina Mádija

⁴² Nadsapa Jeso pohua tahimari pohuadenidsa ahuato tanijine pohuadenidsa denima huati tajari: —Tiadenipi Dio Atti dsodo nanicca hua hua titiquina naraha siba huahuattajo tojajaro tahimarini ¿tetideni ajimamanajaroqui? Imapi ajima najaro: “Odsa sibadsa icanahatomananijinepi nanahatodedenipa siba ojariepi ettajomanani nade. Naraha dsotodepi najaro sibana odsa daco cajiranijine tojajaro. Aji siba huahuattajo tojajaropi ia Medsede Diojine deni tojajaro. Najaro imajine Diodsa etidsejaro” nani Dio Atti dsodo nanidsa −nade Jeso.

Mateo 21:42 Iomraidhean Croise

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Tahimarideni 4:11

Narrari Zesopa tettarromanaraha Deorrine madirra bazimaza deni torrarrari. Zeso tettarromanauipa pina arrirraro uimassa narraro. Narraro uimape Deo Atti dozo naniza arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Naraha zotodepe narraro sibana oza daco carriraniuarrine torrarraro.” Zeso attiza teribodeni didiqquiri nezape narraro uimassa tinanemanarraro. Zesopa tettarromanaraha Deorrine deni torrarrariparra!

Romanodenidsa 9:33

Narrarope Deo Atti dozo naporraroza arrima narraro: —Ticattomama canarri! Oza panani Siouarripe siba ouattarraro. Narraro sibape madirra inassonaribaqquiuitoui. Narraro sibaza parrissa quenarraridenipa niza zotode ponicca mamaiza tabaqqui toquerrena-rrarauitoui −naponi nade Deo Atti dozo naniza.

Epesodeniza 2:20

Deorrine Zeso Cristoza tirrariqquimanarraro. Zeso Cristo pocca zozosse tabaqquina Zeso poua tauimari mari mari ihicanabaqquimana narrari. Deo Atti cacomeraqquiri narrarideni naco poua tauimari ehecomeremana neza timittemanezape parrissa tiquenarraro. Uima nema narrarope pina oza canauatoniuarrinecca uimassa narraro. Oza sibaza canauatoniuarrinepe taide poni cauittanicca nami narroraporraro. Zotodena siba ua tamarouarranizape oza tocarrarraro. Zeso Cristocca zozosse tabaqquideni, Deo Atti cacomeraqquiri narrarideni tezerrepa pina oza cauittanicca namissa quenarrari. Tiadenipe pina siba ua tamarouarraninissa tiquenarraro. Zeso Cristopa pina siba bicabotessa narrari.