Mateo 21:41 - Kulina New Testament Brazil

⁴¹ Nazapa ecomeremanarrari: —Rrehe, uizarra rrinede poua bacco nanizapa uizarra cacauadedeni uaidiraqquiri narra narrari inarricabaqquiuitoui. Pocca uizarrape madirra ouahadenizana da inanitoui. Pouadenina pocca uizarra ecauemaneza pina rrinede attissa inanemanezape uva bono rradaza motapa rrinedeza da inanimanauitoui −quenade.

Culina Mádija

⁴¹ Nadsapa ecomeramanajari: —Jehe, huidsaja jinede pohua bacco nanidsapa huidsaja cacahuadedeni tabaccoraqquiri naja najari inajicabaqquihitohui. Pocca huidsajapi madija ohuahadenidsana da inanitohui. Pohuadenina pocca huidsaja ecahuamanadsa pina jinede attissa inanamanadsapi uva bono jadadsa motapa jinededsa da inanimanahitohui −quinade.

Mateo 21:41 Iomraidhean Croise

Mateo 21:34

Uva bono rradauicca abazico bacco tazapa uizarra rrinede uarri taniza madiraha pocca uva bonotoui pocca zozosse tabaqqui zosse inanibaqquirrari.

Mateo 21:40

Nazapa pouaza queriqquimanarrarideniza uati tarrari: —Rrari, tibodideni uatorri. Uizarra rrinede bacco nanizapa nerrecoma napazarra uizarra cacauadedeniza? −nade Zeso.

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Mateo 3:12

—Rrehe, ccarronabote narraripa madirra icatterriza-baqquiuiuarrine. Pina madirra arroi rrizaza tirico uisso tauiuarrine qquero quissa, qquero quissa, qquero quissa inamacossarrari. Naui tirico etero, eppe, ede narraripa rrorrodeza toccauiuarrine. Nazapa noccona ecauarrari pocca ozauarri. Naraha tirico etero, eppe, ede narraripa dirri tauiuarrine bobottauarri ua izimauitoui. Narraria arra Deoza iboraqquiri narrararraridenipa rrororoni rriquerreraniuarri ua izimabaqquiuitoui. Narraro rrororonipe ouiuira tani −naui nade Zouao.

Roca 20:16

Pouapa uima mittazapa pocca uizarrauarri toccanipomauitoui. Manaco pocca uizarra cacauadedeni inarricarizauitoui. Pocca uizarrape madirra ouahadenizana da inanitoui −narrari Zeso. Naraha pouaza queriqquimanarraridenia narraro uima mittemanazapa: —Rraho, narraro uima iaza torra-rrerana! −quenarrari.

Tahimarideni 15:7

Nazapa bazima arrauarri uati, arrauarri uati, arrauarri uati quenanarra manaco Pedoro totema naza pouadeniza uati tarrari: —Ouimecotedeni, occa uima tiadeniza rrizera tapode. Arra madirra ouahadeni naco zodeo querrena-rrararaha pouadeniza Poua Atti ouaccoraniuarrine Abi Deopa oua tocatterrizarraride. Zeso tauimari bicani icassiuaueraniuarrineccaza parrissa quenauiuarrine oua cazosserraride.

Tahimarideni 18:6

Naraha Zeso tauimariza nacasseraqquiri nazapa Paoro itamassoqquimanarrari. Nazapa Paoro pouadeniza paparra naui auato tauiuarrine pocca etero ppoto ppoto naza uati tarrari: —Peperri! Nema tiquenezape tirrinedenina uimasiri tiadeniza tinassonarimanarraro. Deo tiadeni tonarrizo-baqquizapa orrine rrerani. Rridapanapa zodeo querrena-rrararrarira mari ocanabaqquina −narrari Paoro.

Tahimarideni 28:28

—Rrehe occa madirradeni, nauatoqquiri tiquenaniuarrine tiadeniza uati onarraro. Rridapanapa zodeo querrena-rrararraridenizana Deo ia tonassiuauabaqquiuiuarrinecca uima torrarizanitoui. Narraridenina mittemanauissa tauitoui −nade.

Tahimarideni 28:8

Naraha Pobrio imehipa coma taha porirrari. Uapi ppocorarra, mirri mirri tarra narraride. Narrari qquide Paoro toqquezimazapa Deoza uati tarrari. Poua zepeza bara inazapa tonomide.

1 Tesaronicadeniza 2:16

Nezape Zeso Cristo tauimari icassiuaueraniuarrinecca zodeo querrena-rrararrarideni mari icanabaqquiuiuarrineraha arra zodeodeni Zesoza nacasseraqquiri narraridenina iaza moua moua quequenanarrariparra. Narraridenipa zodeo querrena-rrararrarideni Zeso Cristocca uimaza tocassiuauerauiuarrine nacasseraqquiri narrari. Nezape poccadeni uimasiri denima torrazanaporraroparri. Narraro poccadeni uimasirirrinena Deocca uadie pouadeniza torranitoui. Niza narrizoue oppina taniccape pouadeniza ssonarinitoui.

Ebreodenidsa 12:25

Nema nezape Deo tiadeniza uati tazapa timittemananissa tarri. Poua Atti tettarromana-rrerarri. Arrana maittaccazama madimanarraridenipa Moize pouadeniza Deo Atti uati uati tarrariraha ettarromanezape Deocca narrizoue zori tocanire-rrararrari. Nema nezape Deo memeuarri iaza uati naronaza Atti ettarrozape pocca narrizoue denima oppina tanicca zori icanire-rreranitoui.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.