Mateo 21:26 - Kulina New Testament Brazil

²⁶ —Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.

Culina Mádija

²⁶ —Naraha “Huanocca topanijipi madijacca dosseniji” inadsapi madija iadsa huadimanarana. Aja madija huapima attidenipa: “Huanopa Dio icadossejari. Dio Atti cacomerabotedija” quiquinanade −quinajari taminedeni, madijadeni noppine cappinamanadsa.

Mateo 21:26 Iomraidhean Croise

Mateo 11:9

Nazapa nerrecotouira naniuarri rrarraui tirra narrarotte? Deo Atti cacomerabotecca marinarra mittade rrarraui tirra narrarottaqui? Rrehe parrissa! Pocca marinarratoui rrarraui tirra narraroa. Zouaopa pina Deo Atti cacomeraqquiri narraridenissa naraha pouapa deni torrarrari. Poua zepe irrirraripa uima deni torranicca carrirrari. Narraro uimape otauimari Cristo-Mesia tiadeni Idinide orrarraroparri. Narraro uima inanarrora-rizaporraroparri.

Mateo 14:5

Nazapa tamine Erodipa Zouao Batista zoqqueuiuarrine touini naraha madirra noppinedeni cappinarrari. Arrana, madirradeni bazimapa: Zouao Batista attipa parrissa! Pouapa Deo Atti cacomerabote −quenarrari bazima.

Mateo 21:11

Naraha madirra Zeso pouaza rrauirronarraripa ecomeremanarrari: —Rrehe, arrarraripa Zeso! Pouapa Deo Atti cacomerabote. Zama Carireauarricca oza onini Nazareticca madirra. Narraria! −quenade.

Mateo 21:25

—Rrari, Zouaopa nerrecorrari icazosseza passo dopaniza niqui izanabaqquirraritta? Deorrine ttarana, madirrarrine ttarana? −nade Zeso. Naraha taminedenipa pouadenira uati tocanirere canade: —Rraho “Zouaocca passo dopaniza niquinarra Deocca zossenirri” inezape Zesopa: “Nerrecotoui pouaza rrehe tiquenerrerarrarotte?” nauitoui iaza −quenade.

Mateo 21:27

Nama quenanarra Zesoza: —Ssamomo inani −quenade. Nazapa Zesoa: —Oua naqui oua Cazossede onipa tiadeniza ouacomera-rraraui −nade pouadeniza.

Mateo 21:46

Nazapa Zesoza boquemanaza: —Zeso tozepe inanana −quenaraha madirra noppinedeni cappinemanarrari, arra madirra bazima: —Zesopa Deo Atti cacacomerabote −quequenanaza.

Maraco 11:32

—Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Parrissa Deo Atti cacomerabote” quequenanade −quenarrari taminedeni, madirradeni noppine cappinemanaza.

Maraco 12:12

Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenaui nade. Nazapa Zesoza boquemanaza: —Zeso tozepe inanana −quenaraha madirra noppinedeni cappinemanazapa paparra quenaza rraui torranirrari.

Maraco 6:20

Erodi cappinaza: —Zouaopa bica taui. Deocca zossenirri –nanarra nazapa ecauauissa tarrari. Nazapa Zouaocca marinarra mittazapa pouaza bica taraha ibo tazapa: —Nerrecoma onapazerre? −narrari. Naraha nama naha Zouaocca marinarra mittauiuarrine pouatoui uaua uaua zanaporrari.

Roca 20:19

Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenarrari. Nazapa Zesoza uadimanaza: —Rrari, rridapana Zeso tozepe inanana! −quenaraha madirra noppinedeni cappinemanaza dama iquena-rrararrari.

Roca 20:6

—Naraha “Zouaocca passo dopaniza niquinarrape madirracca zossenirri” inezape madirra sibaza ia toquenabaqquirana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.

Roca 22:2

Dada toqquimade taminedeni, zodeodenicca marinarra maridedeni quenarraridenipa Zesoza nacasseraqquiri naza attidenia: —Zeso nerrecoma inanaza zoqqueuiuarrine? −quenarrari. Naraha pocca madirra noppine cappinemanarrari. —Zeso dama inaui qqui toquenazapa moua moua quenarana −quenarrari.

Huano 5:35

Zouao Batistapa pina rrorrororo toqueuessiza rrororo canaporrarissa narrari. Poua rrororonepa arra pocca uatinarra tiadeniza bica tade. Pouaza tetetizemana neraha amossi nazapa peperri tiquenade.

Huano 9:22

Arra imehi imenidenipa cappinemanarrarirrine: —Pouazara uati tiquenarri −quenarraride. Zodeodenicca taminedeni atti nauatoto taporra narrari. Arra madirra Zesoza: —Narraripa parrissa Cristo-Mesia −nazapa ettarrouitoui. —Icca Deo Atti mamariuarri qquezimapoma-rrarauiuarrine −quenaporra narrari.

Tahimarideni 5:26

Nanarra Deoza dada toqquimacca oza cacauadedenicca tamine, pocca zozosse tabaqqui tezerre uima mittemanazapa Zesocca zozosse tabaqquitoui rraui torrarrari. Bacco inabaqquimanazapa mouaraza rrina inanibaqquimanarrari. Sibaza pouadeni iquenabaqquimanaui noppine cappinemanazapa Zesocca zozosse tabaqqui inarrizobaqquimana-rrararrari.