Mateo 21:22 - Kulina New Testament Brazil

²² Rrehe, Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape arri ticcadeni uatinarra Deorrine narrarossa inananitoui –nade Zeso.

Culina Mádija

²² Jehe, Diodsa huati tiquinadsapi tibodidenidsa: “Jehe, Diopa nema inananijine pajirahi” tiquinadsapi aji ticcadeni huatinaja Diojine najarossa inananitohui −nade Jeso.

Mateo 21:22 Iomraidhean Croise

Mateo 18:19

Parrissera tiadeniza uati onapomarraro. Arrirraro namiza tipamehe Deoza uati tiquenaniuarrine rrehe ticanirezape occa Abi memeuarri madirraripa ticcadeni uatinarra mittauitoui. Pouapa ticcadeni uatinarra tiadeniza inananitoui.

Mateo 7:11

Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Nazapa ticcadeni Abi Deo memeuarri madirrari Pouaza uati tiquenezape tiadeniza bica tauicca dade denima nacassa taui, onarraro −naui nade Zeso.

Mateo 7:7

—Rrehe, Abi Deoza uati uati titiquena narri, onarraro. Deo Pouaza uati tiquenezape tiadeniza ticcadeni uatinarrassa nehe da inanitoui. Pina touini tanicca qquide damera tinezape bacco tinanitoui. Narrarossa narraroa Deoza uatide damera tinezape Pouapa ticca uatinarra tiaza inaparrirenissa tanitoui. Pina madirracca ozaza tiqquezimaniuarrine touini tezape oza rrinedeza uaua teza tiaza totoqquezima icataborrizanitoui. Narrarossa narraroa Deoza uati uati tiquenezape ticcadeni uatinarra mittaui.

Maraco 11:24

Narraroa ouatti: Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape ticcadeni uatinarra Deorrine narrarossa inananitoui, onarraro −naui nade Zeso.

Huano 14:13

Deoza uati tiqueneza oua onima uati uati titiquena nezape da da onanitoui. Nani Abi Deocca deni torrehe tiadeniza auato onananiuarrine.

Huano 15:7

—Naraha oua tinebomana-rreraza occa marinarra naqui tinebomane-rrerezape touini tiquenaniccatoui ouaza uati uati titiquena nana. Nazapa ticcadeni uatinarra tiadeniza torrauitoui, onarraro.

Huano 16:24

Tiadenipe oua onima Abiza uati uati titiquena nerreraccani. Nezape oua onima Abiza uati uati titiquena narri, ticarrimananiuarrine. Nani ticcadeni uatizehe parrirenissa taniuarrine −nade Zeso.

Satiacocca 5:16

Nezape Deocca tonanomie touini tiquenezape ticcadeni uimasiri timecotedeniza tecomeremanarri. Poccadeni naqui tiadeniza ecomeremananiuarrine. Tocanomireuiuarrine timecotedenitoui Deoza uati uati tiquenarri. Pouadeni naco titouideni Deoza uati uati toquenauiuarrine. Madirra bica tarrari Deoza uatide damera tazapa pocca uatinarra dacorehe carrirrari.

1 Zouao 3:22

Pouaza uati ineza naqui icca uatinarra iaza da da inarraroparri. Icca uatinarra iaza torrarrarope pocca zossenirriza iboraqquiri inerre, Poua nacassa tarrarissa inanerre narrarorrine.