Mateo 21:11 - Kulina New Testament Brazil

¹¹ Naraha madirra Zeso pouaza rrauirronarraripa ecomeremanarrari: —Rrehe, arrarraripa Zeso! Pouapa Deo Atti cacomerabote. Zama Carireauarricca oza onini Nazareticca madirra. Narraria! −quenade.

Culina Mádija

¹¹ Naraha madija Jeso pohuadsa jahijonajaripa ecomeramanajari: —¡Jehe, ajajaripa Jeso! Pohuapa Dio Atti cacomerabote. Dsama Carireahuajicca odsa onini Nasareticca madija. ¡Najaria! −quinade.

Mateo 21:11 Iomraidhean Croise

Mateo 2:23

Rraui torrazapa Carireauarri bacco toquenarrari. Nazapa oza panani Nazaretiza madimanarrari. Narraro uimape pina Deo Atti cacomeraqquiri narrarideni madirra Idinide Cristo-Mesia tauimari uati toquenaporrarissa narraro: —Pouaza: “Nazaretiuarricca” quequenanauitoui −quenapoui nade Deo Atti dozo naniza.

Mateo 21:10

Nazapa Zeso Zerozareuarri bacco tozimazapa naui oza pananicca madimanarrarideni bazima uatizemanaza arrauarri uaua arrauarri uaua narizemanarrari: —Nerrecorrariza uatizerrone-manarrarinarra? −quenarraride.

Mateo 21:26

—Naraha “Zouaocca passo dopaniza niquinarrape madirracca zossenirri” inezape madirra iaza uadimanarana. Arra madirra bazima attidenipa: “Zouaopa Deo icazosserrari. Deo Atti cacomerabotederra” quequenanade −quenarrari taminedeni, madirradeni noppine cappinemanaza.

Mateo 21:46

Nazapa Zesoza boquemanaza: —Zeso tozepe inanana −quenaraha madirra noppinedeni cappinemanarrari, arra madirra bazima: —Zesopa Deo Atti cacacomerabote −quequenanaza.

Maraco 6:15

Naraha madirra ouaha attidenipa: —Zesopa maittaccazamacca Deo Atti cacomerabote madiporrari Eria ccanipomarrari uitiderra −quenaui nade. Madirra ouaha attideni naco: —Arra Zesopa pina maittaccazamacca Deo Atti cacomeraqquiri narraridenissa narrari −quenaui nade.

Roca 13:33

—Nema nehe nani occanitoui. Occa uimape narrorapode. Rridapanape arriza ozepe irriccani. Izamassana denima occanitoui. Uada ssiuarrape denima occapomanitoui. Uada onihiccaza naqui nema ozanaporraroa Zerozare bacco onanitoui. Arra Deo Atti cacomeraqquiri narrarideni naco Zerozareuarrina rrirriquemana narrari. Oza onihiuarri ozoqqueniuarrinepe bica terrerani −narrari Zeso.

Roca 24:19

—Naraha uimape nerrecoma narraro? −narrari Zeso. Naraha Creopa poua tesse tezerre uati toquenarrari: —Zeso Nazaretiuarricca pouaza uima inanemanarraro tauimarinipe arrima narraro: Pouapa Deo Atti cacomerarride rabote. Deocca dacoreherrine pocca marinarra bica tarraro. Deocca dacoreherrine canauatori canarizarrari naco bica tarrari. Madirra bazimaza, Deoza naco pocca uima bica tade.

Roca 7:16

Madirra bazima Zesorrine zabisso camittemaniui qqui toquenazapa cappinemanaraha Deoza uatizemanarrari: —Iaza Deo Atti cacomerabote nauato tarrari bacco naui, bacco naui! −narizemanarrari bazima. —Iape Deocca madirra iquerrenerre narraro rridapanape Deocca nauatoue arri ia qqui inarraroccape Deo ia acco tocanabaqquiuitoui inarraro −quenarrari.

Roca 7:39

Naraha arra parizeo Zesoza uaua narraripa narraro amonerre Zesoza nema nani qqui taza poua bodipa: —Arrana, Zesopa Deo Atti cacomeraqquiri narraridenissa nazapa madirra bodidenicca uima nauato tanarra. Narraro amonerre pouaza mari zanarrarope madierini uaidira tarraro. Poniza: “Uarri tinarri” nauitouiraha −narrari.

Huano 1:21

Naraha pouaza uati toquenapomade: —Nezape nerrecorrari tirrani? Maittaccazamacca Deo Atti cacomerabote Eria tirraqui? −quenade. Naraha Zouaopa: —Ouape Eria orrarrerani −nade. Nazapa: —Moizecca dozonirriza arra Deo Atti cacomerabote zotode ccarronauitoui quequenanarrari tirraqui? −quenade. Naraha Zouaopa: —Ouape narrari orrarrerani −nade.

Huano 1:25

Pouadeni attipa: —Tettipe: “Cristo orrarrerani. Eria orrarrerani. Deo Atti cacomeraqquiri narrarideni orraria orrarrerani” tezape nerrecotoui passo dopaniza madirra niqui niqui titizanabaqqui narraritta? −quenade.

Huano 4:19

Nanerre amonerre attinipe: —Tiape Deo Atti cacomerabote tirrani −nani nade.

Huano 6:14

Nazapa Zeso canauatori canaui qqui toquenazapa uimahaha canade: —Parrissa arrarraripa Deo Atti cacomerabote. Maittaccazama uima imittaporrarope: “Arrirraro zamaza bacco nauitoui” quequenanapode −quenade bazima.

Huano 7:40

Zeso uati uati taui mittemanazapa madirra mota pouadenira uimahaha canade: —Parrissa arrarrari madirrapa Deo Atti cacomeraboteua −quenade.

Huano 9:17

Nazapa nocco ssire nimaniuiza uati toquenapomade: —Tiape nerrecoma tani tinocco ssire tonanadezape? −quenade. Naraha nocco ssire nimaniui attipa: —Ouattipe Deo Atti cacomerabote, onarraro −nade.

Tahimarideni 7:37

Icca idideni Izarraeodeniza arrama naporrari: “Niza Deorrine icca madirra orraria Poua Atti cacomerabote torrauitoui, pina ouassa inanauitoui” naui nade.