Mateo 20:34 - Kulina New Testament Brazil

³⁴ Nazapa Zeso touideni uati uana taza noccodeni bara inabaqquizapa amazati noccodeni ssire-re nade. Nazapa Zesoza touedade.

Culina Mádija

³⁴ Nadsapa Jeso tohuideni huati huana tadsa noccodeni bara inabaqquidsapa amadsati noccodeni ssire-re nade. Nadsapa Jesodsa tohuedade.

Mateo 20:34 Iomraidhean Croise

Mateo 14:14

Nazapa Zeso darroni uana tocaneza toqquemorarrari. Nanarra madirra pouatoui rraui torrarrarideni bacco toquenapoza domo uaui qqui inabaqquirrari. Nazapa pouadenitoui uati cauanari canazapa comaqquiri narrarideni inanomiriza-baqquirrari.

Mateo 15:32

Nezape ia pocca zozosse tabaqqui iquerrenarraro Zeso itoui uaua napomazapa iaza uati tarrari: —Madirra bazimatoui ouati cauanariri canani. Uada 3 nehe ouaza rrauirizazapa pouadeni tapari rricarrari. Nema nanipe pouadeniza: “Rraui tirranirri” onaniuarrine nacassera onarraro. Pouadenipa pemi uatiacossarra quenarana −nade Zeso.

Mateo 20:33

Nazapa: —Ia Zozossede, inocco ssire tinanabaqquirri, inarraro −quenade.

Mateo 21:1

Nezape Zesoza madirra bazima rrauirrade. Oza panani Zerozareuarri ia rrauirrarizezape oza capamema narraro onini Betapaqueza bacco inaporraro. Betapaquepe ssono onini Rritona quenauiza anirraro. Nauizana Zeso pocca zozosse tabaqqui pamahaza uati tarraride:

Mateo 8:15

Nazapa Zeso poni zapaniza bara nazapa uapini tonauiui narraro. Nezape totemeza Zeso pocca mamari tabaqquima inarripabaqquirrari.

Mateo 9:29

Nazapa nocco siri pamaha nocco bara inabaqquiza Zesopa: —Rrehe, ouaza parrissa tiquenezape tinoccodeni ssire tanitoui −nade.

Mateo 9:36

Zeso madirra pouatoui rrauirronana canaui qqui inabaqquizapa pouadenipa pina eueue pouadeni cacauade rriraha pouama mamadiri narizemanarrarissa quenarrari. Nama quenazapa Zeso poua bodiza: —A, touati nauanaqquiri naui −naza pouadenitoui uati cauanariri canarizarrari. Madirra bazimapa pouadeni acco canade, pouadeni maride cappiremanazapa pina eueue pouadeni cacauade noueraza nanarrizo toquerrenarrarissa quena taui.

Maraco 7:33

Nazapa Zeso arra uaribo didibote madirra sibema domo uauizapa iacca-cca naza poua zepeza uaribo odini ororo icanarraro. Poua ebeno naqui poua zepeza ppito naza ebeno bara inarrari.

Roca 18:43

Nazapa Zesorrine amazati poua nocco ssire tazapa Zesoza toccarrari. Deoza uatizeri zanaporrari. Madirra bazima naco poua nocco tonomiui qqui toquenazapa uatizemanaza: —Deopa bica taui, bica taui! −quenarrari.

Roca 22:51

Naraha Zeso attia: —Peperriua, denima ca terrerarri! −narrari. Nazapa taminecca zozosse uaribo bara icanazapa uaribo tocabiquemanirrari.

Roca 7:13

Naraha Zesopa poniza uati uana tazapa: —Orri terrerarri −narrari.

Tahimarideni 26:18

Pouadenipa pina ziziniza rrauirizaraha tia zosse onarrarope noccodeni ssire tinanabaqquiuiuarrine. Naui zizini nebomanazapa Deo ssiuerrenezana madimanauiuarrine. Uimasiri totonanade Tocorime-Taminecca zosseheza toquerrenaraha nebomanazapa Deozara toquerrenauiuarrine. Ouaza parrissa quenazapa poccadeni uimasiri onanamossiniuarrine. Bodideni onauissobaqquiza naco niza memeuarri Deoza toquerrenazapa pocca zozosse bicaqquiri narrarideni tezerre pocca biquehe carrimanauitoui” nade Zeso ouaza −narrari Paoro.

Ebreodenidsa 2:17

Pouapa pina iassa narrarirrine ia acco canade parrireuissa tarrari. Nama nazapa poua poua ccaccoraza zoqquezapa icca danirri Deoza torrarrari. Narraria icca uimasiri manaconi torrarrari. Pouaza parrissa inezape Deopa iaza: —Peperri, tiaza ouadi-rrerani. Ticca uimasiri ouati rrimani −narrari. Narrarorrine —Zesopa icca danirri Deoza dada toqquimade deni torrauicca −inarraro. Pouapa iaza uati uana, Imehi Deoza uati uana tarrari. Maizera tarrari, Imehi Deoza damera tarrari.

1 Pedoro 3:8

Rrehe, tiadeni bazimape ticarronerara caneza timadimananissa tarri. Tibodideni orrariqquinissa teza rrehe ticanirere canarizerarri. Tetideni cauanerara caneza pina timecotedeniza tetideni uanaqquiri narrarossa tiquenarri. Bazimaza bicaqquiri tiquenarri. —Ouape deni orrani −tiquenerrerana, onarraro.