Mateo 20:27 - Kulina New Testament Brazil

²⁷ Deocca cacaueheza deni tirraniuarrinepe titesse birrideni acco ticanarizarro. Pina poccadeni zozosse tirrarrarossa taniuarrine.

Culina Mádija

²⁷ Diocca cacahuehedsa deni tijanijinepi titesse bijideni acco ticamaridsajo. Pina poccadeni medse tijajarossa tanijine.

Mateo 20:27 Iomraidhean Croise

Mateo 18:4

Deocca cacaueheza madirra denima bica tarraripa: “Deni orrani” narrararrari. Pouapa pina arrarrari erredenissa narrari. Poua bodipa: “Ouape arrimani orrani, Deozara ibora onani” nanarra narrarina deni torrarrari Deoza.

Mateo 20:26

Neraha arri ouaza tiquerrenarrarope nema tiquenaniuarrine bica terrerani. Naraha titessedeni orrariapa: “Ouana deni orrana” nazapa pouana bazima birrideni acco icanarizabaqquiuiuarrinena bica tani.

Mateo 20:28

Arri oua Madirra Bedi orrarrarope madirra zosse zosse onaniuarrine occarrona-rrerarraro. Madirra acco ocanabaqquiuiuarrinena occarronarraro. Madirra poccadeni uimasiri manaconi pouadeniza ssonari-rreraniuarrine poccadeni uimasiri manaconipe ouana oua ouaccoranitoui −nade Zeso.

Roca 22:26

Naraha arri ouaza tiquerrenarrarope pina narrari taminedenissa tiquenerrerarri. Arri tiadeni deni tirrerre canimarrarope pina zabisso zosseheza ibora tarrarissa tiquenezana bica tani. Madirra zossede tirreza naqui: “Ouana deni orrani” terrerarri. Ticca madirra birrideni acco ticanabaqquirizauina bica tarraro.

Romanodenidsa 1:14

Zeso Cristo otoui uaua narraripa: —Madirra zama bazimacca otauimari mittemanauiuarrine maride ticcarizarri −narraride. Nezape pina oza pananiza madimanarrarideniza, zama dopeza madimanarrarideniza naco poua tauimari mittemanauiuarrine maride occarizarraro. Arra papeo nauatoqquiri narrarideniza, papeo ssamoqquiri narrarideniza naqui Zeso Cristo tauimari mittarizemanauiuarrine maride onebo-rrerarraro.

2 Corintodeniza 11:5

Narrari maizehe mamaridedenipa: —Iape Zeso Cristocca zozosse tabaqqui iquerrenani −quenaraha pouadeni attiza pouadeni deni tonanemanarrari. Naraha ouape pouadeniza arrimani orrarrerani.

2 Corintodeniza 12:15

Nezape oua ocarrirrarocca nemanehe tiadeniza dade nacassa onani. Tiadeniza uima bicani torraniuarrine ouassire naqui tiadeniza ouaccorarraro. Tiadeniza accora oneraha ticcadeni uima ouaza rriza tarraro. Ouape titouideni denima ouati uana zanaporaha tiadenina ouaza tetideni touanerarronarraro.

2 Corintodeniza 4:5

Iape icca uima ehecomera nerrerani. Ia Zozossede Zeso Cristo poua tauimarina ehecomera narraro. Pouaza eti uanaqquiri naza tiadeni acco icanabaqquiniuarrine imadirraro.