Mateo 20:22 - Kulina New Testament Brazil

²² Naraha pouadeniza Zesoa: —A, narraro uimape ssamomo tinani. Ouape ocasserani ouabote nani. Ouaza narrizoue ssonarinitoui. Arri tiadenipe narrizoue tinauanemananiuarrine tiparriremanaqui? −nade. Naraha pouadenipa: —Rrehe, ia naqui iparrireni −quenade.

Culina Mádija

²² Naraha pohuadenidsa Jesoa: —A, najaro imapi ssamomo tinani. Ohuapi ocasserani ohuabote nani. Ohuadsa najidsohue ssonarinitohui. Aji tiadenipi najidsohue tinahanamananijine ¿tipajiramanaqui? −nade. Naraha pohuadenipa: —Jehe, ia naqui ipajirani −quinade.

Mateo 20:22 Iomraidhean Croise

Mateo 26:35

Naraha Pedoroa: —A, ouape nema onerreranitoui −nade. —Uima oppina teza naqui tiaza: “Onocco rriza tani” onerreranitoui. Tiazama ozoqqueniuarrine bica tani −nade Pedoro. Ia poua uatimade bazima naqui etti nema nade.

Mateo 26:39

Nazapa Zeso tocca-cca naza poua baccouarri namiza pona naza Imehiza uati tarrari: —Abi, arri madirra tocassiuauerauiuarrinecca uima onihi noueraqui? Nouerezape peperri. Madirra bazimacca uimasiri manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine touini onerrereraha, oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade.

Mateo 26:42

Nazapa toccanipomaza Imehiza uati tapomaza naco: —Abi, nauato tinani. Madirra bazimacca uimasiri manaconi ocasserani ouaniuarrine nacassera oneraha tia nacassa tinaniccazana ibora onarraro −naui nade Zeso.

Mateo 26:56

Neraha peperri, ouaza uima tinanemananiuarrinepe pina arri Deo Atti cacomeraqquiri narrarideni dozo iquenaporrarossa narraro torraniuarrine −nade Zeso. Naraha ia pocca zozosse tabaqqui bazimape Zeso ineboza idomo toccade. Nazapa Zeso poua motta orrari naha iaccanimanaui nade.

Maraco 14:36

Imehiza uati tapomaza naco: —Abi, nauato tinani. Madirra bazimacca uima manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine nacassera oneraha oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade Zeso.

Roca 12:50

Arri oua uimasiri manaconi orraniuarrinepe narrizoue imeni onauanaccanitoui. Narraro uimape nauato oneraha narraro uima ouaza torra-rreraccazape arri nacassera onarraroparri.

Roca 22:42

Arrama narrari: —Abi, nacassa tinezape otezerremacca uima oppina tanicca ouaza torra-rrerana, oneraha. Madirra bazimacca uima manaconi narrizoue ouaza torrezape ocasserani ouanitoui Pina zeze bidabote ze onaniuarrinessa narraro. Narraro onauananiuarrine nacassera oneraha oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −narrari Zeso.

Huano 18:11

Naraha Zesopa Pedoroza uati tade: —Ticca massito tinacoriza zo tizimanirri. Arrirraro uimape occa Abicca zossenirri ocasserani ouaniuarrine. Poua Attiza ibo onerrerani −nade Zeso.

Romanodenidsa 8:26

Rrehe, uima bicani touini imadizape ia acco canarraro. Narrarossa narraro ocasserani eza icca rrehenirri torraparizape Deo Corime ia acco cana taui. Deoza uatide inassamoqquiza naqui Deo Corime poua ssa naha Deoza atti rriraha icca uima uati toqquima taui.

Satiacocca 4:3

Pouaza uati tiquenaza naqui tiadeniza da inerrerani, ticcadeni uatinarra bica terrereza. Uaidirehe touini tiquenanicca toui, tetizemananiuarrine touira uati uati tiquenezape tiadeniza da inerrerani.