Mateo 20:19 - Kulina New Testament Brazil

¹⁹ Zotodepe madirra ouaha zodeo querrena-rrararrarideniza oua da iqueneza narraridenina oua rrarra icanaqquimanarraro, oua cossi inaqquimanarraro nanitoui. Nezape aua porimacossaniza oua inanazoqque-maneza oua ppa izemananitoui. Naraha uada pama torrari neza onauatoninitoui −nade Zeso iaza.

Culina Mádija

¹⁹ Dsotodepi madija ohuaha jodio quejena-jarajaridenidsa ohua da quinadsa najaridenina ohua jaja icanaqquimanajaro, ohua cossi inaqquimanajaro nanitohui. Nadsapi ahua porimacossanidsa ohua inanadsoqque-manadsa ohua ppa idsamananitohui. Naraha huada huatinimade tojari nadsa onahatoninitohui −nade Jeso iadsa.

Mateo 20:19 Iomraidhean Croise

Mateo 12:40

Narraroa arri Zona pina uatiarrarissa naza aba imehi bodiza uada pama torrari nehe madizarrarissa narrari arri oua Madirra Bedi orrarrarope niza ouatiheza nami bodiuarri uada pama torrari nehe omadinitoui. Pina Zonacca uimassa narraro ouaza torranitoui −nade Zeso.

Mateo 16:21

Zotode Zeso pocca zozosse tabaqqui ia mari tocanabaqquizapa arrama narraride: —Occa Abicca zossenirriza oza panani Zerozareuarri occanitoui. Naniza zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenirrine narrizoue imeni ocasserani onauananitoui. Nezape oua inanazoqque-mananitoui. Neraha oua ppa izemaneraha uada pama torrari nezape Abi Deo oua nauatoniuitoui −nade Zeso.

Mateo 17:23

Nezape oua inanazoqque-mananitoui. Oua ppa izemaneraha uada pama torrari nezape Abi Deo oua nauatoniuitoui −nade Zeso. Narraro uima uati tazapa ibodi qqueza nade.

Mateo 27:26

Naza tamine Piratopa Barraba qquenauiuarrine uati tarrari. Nazapa pocca isso teppeppedeni Zeso cossi inaqquimanauiuarrine icazossebaqquirrari. Cossi inaqquimanaha rricazapa icazossebaqquipomarrari: —Aua porimacossaniza coba tizanemanauiuarrine tiaqquemanarro −nade Pirato.

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Maraco 14:65

Nazapa pouaza ppito-to ppito-to canarrari, nocco ssoque iquenazapa idaqquimanarrari. Nazapa attidenia: —Rrari nerrecorrari tia idarrari? Tecomerarro! −quenaui nade. Nazapa dada toqquimauarricca cacauadedeni Zeso pouadeniza torrazapa pouadeni naco Zeso idaqquimanarrari nade.

Maraco 15:1

Ssiuarrezape dada toqquimade taminedeni, ime rrocouideni, zodeodenicca marinarra maridedeni, zodeodenicca uima cacattemadedeni bazima queriqquimanaza pouadenira uimahaha canarrari. Rrehe canirezapa Zeso birri rrore iquenaza tamine Piratouarri iaqquemanarrari, —Zeso zoqquena −quenauiuarrine. Tamine Piratopa rromanodeni. Pouapa zodeodenicca zama cacauade torrarrari.

Maraco 15:15

Nazapa tamine Pirato pouaza madirra bazima uatizemanauiuarrine Barraba ineqquenarrari. Nazapa pocca isso teppeppedeni Zeso cossi inaqquimanauiuarrine icazossebaqquirrari. Cossi inaqquimanaha rricazapa icazossebaqquipomarrari: —Aua porimacossaniza coba tizanemanauiuarrine tiaqquemanarro −naui nade Pirato.

Roca 18:32

Ouape madirra ouaha zodeo querrena-rrararrarideni zepedeniza orranitoui. Narraridenina oua rrarra icanaqquimanarraro, oua itamassoqquimanarraro, oua ppito inaqquimanarraro nanitoui.

Roca 23:11

Nazapa Erodi pocca isso teppeppedeni tezerre Zeso momoua inanemanarrari. Zesoza maizemanazapa etero bica taniccaza oro izimemanarrari. Pina taminessa inanemanaza pouaza rriza rriza quenarrari. Nazapa Erodipa tamine Piratouarri Zeso zosse inanipomarrari.

Roca 24:46

Poua atti naco: —Rrehe, Deo Atti dozo nanizape otauimari. Narraroa arri madirra Idinide Cristo-Mesia quequenanarrari ccarronazapa ocasserani imeni inauananitoui. Madirra inanazoqque-manaza ppa izemanaraha uada 3 naza nauatoniuitoui.

Tahimarideni 21:11

Nazapa iaza bacco narronaza Paorocca ssoquepe dicca ineza Acabo poua birri pouarrine rrore, poua isso rrore naza Paoro tezerremacca uima iaza uati uati tarraride: —Deo Corime ouaza uati tarrari arrama naui: “Niza Zerozareuarri bacco tiquenezape arrirraro ssoque rrinedepa zodeodeni dama iquenaza birri rrore, isso rrore iquenaza zodeo querrena-rrararrarideniza da iquenazapa tozepe torrauitoui” narrari. Arri, oua rrore onarrarope ssoque rrinede nama inanemanauitoui −nade Acabo atti.

Tahimarideni 4:27

Narraro uimassa narraro torrarrarode. Arri Zerozareza queriqquimanaza tamine Erodi, tamine Ponsio-Pirato, zama onihicca madirra, icca madirra Izarraeodeni quenaza naco ticca Erredeni Bicabote inanazoqque-manauiuarrine uima narroremanarraride. Narraria arra Zeso tiaza ibora tarrari ticatterrizaporrari, ia Tonassiuauade Cristo-Mesia torrauiuarrineraha pouaza boqueqquiri nade.