Mateo 20:18 - Kulina New Testament Brazil

¹⁸ —Arri, Zerozareuarri rrauirremorarrarope nauatoqquiri tiquenani. Ouape Madirra Bedi orrarraroa niza Zerozare bacco inezape dada toqquimade taminedeni, zodeodenicca marinarra maridedeni quenarrarideni zepedeniza orranitoui. Ouaza: “Zoqquena, zoqquena” quenauitoui.

Culina Mádija

¹⁸ —Aji, Jerosarehuaji jaijemorajaropi nahatoqquiri tiquinani. Ohuapi Madija Bedi ojajaroa nidsa Jerosare bacco inadsapi dada toqquimade taminedeni, jodiodenicca marinaja maridedeni quinajarideni dsepedenidsa ojanitohui. Ohuadsa: “Dsoqquena, dsoqquena” quinahitohui.

Mateo 20:18 Iomraidhean Croise

Mateo 10:4

Madirra ouaha naco Simao, pouaza rromanodeni momouade quequenanarrari. Madirra ouahapa Zoda Iscariote. Narraripa Zeso ccaccorade. Nezape 12 inarraro Zesoza iquerrenarrarode.

Mateo 16:21

Zotode Zeso pocca zozosse tabaqqui ia mari tocanabaqquizapa arrama narraride: —Occa Abicca zossenirriza oza panani Zerozareuarri occanitoui. Naniza zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenirrine narrizoue imeni ocasserani onauananitoui. Nezape oua inanazoqque-mananitoui. Neraha oua ppa izemaneraha uada pama torrari nezape Abi Deo oua nauatoniuitoui −nade Zeso.

Mateo 26:2

—Nauatoqquiri tiquenani uada pama nezape errete Pascoa torranitoui. Ouape Madirra Bedi orrarraroa niza narraro errete torrezape tozepe orranitoui. Aua porimacossaniza oua inanazoqque-mananiuarrine −nade.

Mateo 26:66

Rrari, tettideni nerrecoma tiquenani? −naui nade Caipa. Naraha bazima: —Rrehe, poua atti nama nazapa zoqquena inarraro! −quenaui nade.

Mateo 27:1

Ssiuarrezape dada toqquimade taminedeni, ime rrocouideni tezerre queriqquimanaza pouadenira uimahaha canarrari. Rrehe canirezapa Zeso zoqqueuiuarrine uima narroremanarrari.

Roca 22:71

Nazapa pouadeni attia: —Rridapanape pocca uima uati toquenauiuarrine madirra ouahatoui uaua inerrerana. Peperri! Poua, poua cacomeraza poua atti oppina tanicca imittanissa tani −quenarrari. Nazapa narraro uimaza zoqqueuiuarrine narroremanarrari.