Mateo 2:4 - Kulina New Testament Brazil

⁴ Nazapa tamine Erodipa dada toqquimade taminedeni, zodeodenicca marinarra maridedeni naco inaqueriqquiuiuarrine ua inabaqquirrari. Queriqquimanazapa pouadeniza uati tarrari: —Arri Deo Atti dozo naniza ia Idinide Cristo-Mesia tossonauicca uimape nerrecoma naporrarotte? Nerrecouarrina Cristo-Mesia tossonauitoui naporrarotte? −naui nade Erodi.

Culina Mádija

⁴ Nadsapa tamine Herodepa dada toqquimade taminedeni, jodiodenicca marinaja maridedeni naco inequeriqquihijine huahua inabaqquijari. Queriqquimanadsapa pohuadenidsa huati tajari: —Aji Dio Atti dsodo nanidsa ia Idinide Cristo-Mesia tossonahicca imapi ¿nejecoma napojarotte? ¿Nejecohuajina Cristo-Mesia tossonahitohui napojarotte? −nahi nade Herode.

Mateo 2:4 Iomraidhean Croise

Mateo 13:52

Nazapa iaza Zeso attia: —Nema nezape zodeodenicca marinarra maridedeni Deocca cacauehe tauimarini zatiza toquerrenazapa pina oza rrinedessa quenarrari. Oza rrinedepa poua zepetarri oza bodiuarri ecauarrari. Tozepetarri rradaui carri, tozepetarri zati naco carri narrari. Nazapa poua bodi nauato taza tozepetarri rradaui zorro inine taui. Tozepetarri zati naco zorro inine tani. Nazama arra Deo Atti maridedeni madirra maride toquerrenazapa Deo Atti dozo naporrarocca, Deocca cacauehe tauimarini zati tazarrani maride nauatoqquiri narrari −nade Zeso.

Mateo 2:3

Nazapa tamine Erodi narraro uima mittazapa bodi nacassera tarrari. Pocca madirra naui Zerozareza madimanarrarideni uima mittemanaza naco bodideni cappinemanarrari.

Mateo 2:5

Tamine Erodiza uima ecomeremanarraro: —Zodeauarricca oza panani Bereiazana tossonauitoui. Narraro uimape Deo Atti cacomerabote Miqueo dozo inaporraro.

Mateo 21:15

Naraha dada toqquimade taminedeni, zodeodenicca marinarra maridedeni quenaza Zeso canauatori canaza madirra tocanomireui qqui toquenazapa nacasseraqquiri nade. Erredenideni naco narraro ozacca boroniza Zesoza uatizemanaza rroua rroua quenarrari. Erredeni attidenipa: —Tiape tamine Dabi Potemaui! Deni tirrani, deni tirrani! −quenaui mittemanazapa Zeso deni torrarrari accone boquemanarrari.

Mateo 21:23

Nani zotode Zerozareuarri bacco inanipomezape Deoza dada toqquimauarri rrauirrezimapomarraro. Nauiza Zeso maride torraraha pouaza nacasseraqquiri narrarideni arra dada toqquimade taminedeni, zodeodeni ime rrocouideni quenaza Zesoza touarriressimanaza pouaza uati toquenarrari: —Iaza ticca uima tecomerarri. Nerrecorraricca dacorehe ticarrirraro? Nerrecorrari attiza dadadedeni moua tininebaqquirrari? −quenade, Zeso poua cacomerauiuarrine touini quenaza.

Mateo 26:3

Nazapa Zesoza nacasseraqquiri narrarideni arra dada toqquimade taminedeni, zodeodeni ime rrocouideni tezerre poccadeni tamine deni torrarrari onipa Caipa pocca oza imeniza queriqquimanarrari.

Mateo 26:47

Zeso uati uati naccaraha Zoda bacco narronarrari. Zodapa Zesocca zozosse tabaqqui 12 quenarrarideni orraria. Pouana madirra uapi taha eccarronabaqquirrari. Rrazirecca massito eccarronemana, uauacca eccarronemana narraro. Pouadenipa dada toqquimade taminedenicca zossenirri, ime rrocouidenicca zossenirri rrauirronarrari.

Mateo 27:1

Ssiuarrezape dada toqquimade taminedeni, ime rrocouideni tezerre queriqquimanaza pouadenira uimahaha canarrari. Rrehe canirezapa Zeso zoqqueuiuarrine uima narroremanarrari.

Mateo 7:29

Zeso pocca marinarra mari icanabaqquizapa pouana nauatorride rarrari, atti carri tarraria. Arra zodeodenicca marinarra maridedeni attissa narrararrari.

Maraco 8:31

Zesopa poua uatimadedeni mari icanabaqquizapa arrama narrari: —Arri ouape Madirra Bedi orrarraroa niza zotode narrizoue imeni ocasserani ouanitoui. Zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenipa oua ettarromananitoui. Nezape oua inanazoqque-mananitoui. Naraha oua ppa izemaneraha uada pama torrari nezape Abi Deo oua nauatoniuitoui −naui nade Zeso.

Roca 20:19

Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenarrari. Nazapa Zesoza uadimanaza: —Rrari, rridapana Zeso tozepe inanana! −quenaraha madirra noppinedeni cappinemanaza dama iquena-rrararrari.

Roca 23:10

Naraha nauiuarri naco dada toqquimade taminedeni, zodeodenicca marinarra maridedeni tezerrepa damamera taza uima onihi, uima onihi uati toquenazapa: —Zesopa uaidira taui! Tinarrizorro, tinarrizorro! −quenarrari.

Huano 18:3

Nauiuarrina Zodapa rromanodenicca isso teppeppe, dada toqquimauarricca cacauadedeni tezerre eccarronabaqquirraride. Dada toqquimade taminedeni, marinarra onini parizeoza rrehe quenarrarideni tezerre zosse inarronabaqqui-manarrari. Bacco narronemanazapa zepedenima rrauirronade. Rrorrororo, uauacca, uauarrina, massito cauidiqquimera nani narronemanarraride.

Huano 3:10

Manaco Zeso poua cacomerade: —Tiape Izarraeo potemaui zodeodeni maride tirreraha narraro uima ssamo tinarraroqui?

Huano 7:32

Madirra —Zesopa Cristo-Mesia −quenarrari uimahaha canaza zodeodeni mota marinarra onini parizeoza rrehe quenarrarideni mittemanazapa dada toqquimade taminedeni tezerre nauiuarricca cacauadedeni Zeso dama iquenauiuarrine zosse inabaqquimanarrari: —Zeso dama tiquenaza teccanimanana −quenarrari.

Huano 8:3

Nauizana zodeodenicca marinarra maridedeni, marinarra parizeoza rrehe quenarrarideni tezerrepa amonerre eccarronemanarraro. Ponipe maqqui carriraha maqquiderre ouaha narrade torreza qqui toquenazapa rroua icanabaqquimanarrari. Nazapa amonerre dama iqueneza Zesoza eccarronemanarraro. Zeso boroniza mari mari nauiuarri inauemana narrarode.

Tahimarideni 23:9

Nazapa sadoseodeni parizeodeni tezerre poccadeni marinarra acconi cauadirezapa rrazirema zaua zaua canarrari. Nazapa zodeodenicca marinarra maridedeni mota arra marinarra parizeoza rrehe quenarraridenina Paoro atti acco icanemanauiuarrine totememana narrari. Nazapa uati toquenarrari: —Arrarrari madirrapa uimasiri cappiraui. Nerrecotoui tinarrizomanauiuarrine? Tocorime uitide, Deocca zozosse memeuarricca uitide pouaza uati tarrari −quenarrari.

Tahimarideni 4:5

Uada ssiuarrapa uimahaha canauiuarrine zodeodeni taminedeni, ime rrocouideni, zodeodenicca marinarra maridedeni quenaza Zerozareza queriqquimanarrari.

Tahimarideni 6:12

Nazapa uimasiri uauatidedeni rraui torrarizazapa narraro uima madirra bazimaza uati narizemanarrari. Ime rrocouideniza, zodeodenicca marinarra mamaridedeniza naco uati toquenarrari. Nazapa boquemanaza domo ccarronarrari, Estevao dama iquenazapa zodeodenicca uima cacattemadedeni deni toquerrenarrarideniuarri iaqquemanarrari, izauemanaui uarrine.