Mateo 2:23 - Kulina New Testament Brazil

²³ Rraui torrazapa Carireauarri bacco toquenarrari. Nazapa oza panani Nazaretiza madimanarrari. Narraro uimape pina Deo Atti cacomeraqquiri narrarideni madirra Idinide Cristo-Mesia tauimari uati toquenaporrarissa narraro: —Pouaza: “Nazaretiuarricca” quequenanauitoui −quenapoui nade Deo Atti dozo naniza.

Culina Mádija

²³ Jai tojadsapa Carireahuaji bacco toquinajari. Nadsapa odsa panani Nasaretidsa madimanajari. Najaro imapi pina Dio Atti cacomeraqquiri najarideni madija Idinide Cristo-Mesia tahimari huati toquinapojarissa najaro: —Pohuadsa: “Nasaretihuajicca” quiquinanahitohui −quinapohui nade Dio Atti dsodo nanidsa.

Mateo 2:23 Iomraidhean Croise

Mateo 1:22

Narraro uima bazima uima torraponiuarrinepe maittaccazama Deopa Poua Atti cacomerabote Izaiaza uati taza Izaiana uati iqquimarraro.

Mateo 21:11

Naraha madirra Zeso pouaza rrauirronarraripa ecomeremanarrari: —Rrehe, arrarraripa Zeso! Pouapa Deo Atti cacomerabote. Zama Carireauarricca oza onini Nazareticca madirra. Narraria! −quenade.

Mateo 26:71

Nazapa Pedoro narraro boronicca qqueqquezimauarri toccaza narraro ozacca zozosse onihi poua qqui teza bazimaza uati tarraro: —Arrarraripa Zeso Nazaretiuarriccaza ccarizaderra −nani nade.

Maraco 1:24

—Nazaretiuarricca Zeso! Nerrecotouira ticcarronarraro? Icca uima tinarricaniuarrine ticcarronarraroqui? Ticca uima nauato onani. Tiape Deocca Erredeni Bicabote tirrani −naui nade.

Maraco 1:9

Nazapa Zeso zama arobeni onini Carireacca oza Nazaretiza madiraha ueni Zorodaouarri qquezipparrari. Bacco zippazapa Zouao Zeso passo dopaniza niqui izanarrari.

Roca 1:26

Nezape Izabeo rriuanicca abazico 6 canaza oza onihiuarri Deo pocca zozosse Poua Atti ccaccaronade Cabirieo zosse inaronapomarrari. Narraro oza oninipe Nazareti, zama arobeni Carireauarricca.

Roca 18:37

Naraha pouaza uati toquenarrari: —Zeso Nazaretiuarricca uarrirarronaui −quenarrari.

Roca 2:39

Nazapa Zoze Maria tazarrani erredeni tossonezaticca uima arri Deocca zossenirri dozo narrarossa inanemanehe rriquezape Carireauarri rraui torranirrari, naui poccadeni oza Nazaretiza tomadinimanauiuarrine.

Huano 18:5

Naraha pouadeni cacomeremanade: —Zeso Nazaretiuarriccatoui rrauirrarronarraro −quenade. Naraha Zeso poua cacomerade: —Ouape arri −nade. Arra Zeso poua ccaccorade Zoda naco pouadenizama carrimanade

Huano 18:7

Naraha Zeso pouadeniza uati tapomade: —Nerrecorraritoui rraui tirrarronarraro? −napomade. Naraha pouadenipa: —Zeso Nazaretiuarriccatoui −quenade.

Huano 19:19

Nezape uima dozo nani tamine Pirato zosse inarroneza Zeso tetepiuarri coba izanemanarrarode. Narraro dozo nanipe: —Zesopa Nazaretiuarricca, Zodeodenicca Tamine −narrarode.

Tahimarideni 2:22

Nazapa denima uati uati tarrari: —Rrehe ouimecote Izarraeo potemaui zodeo iquerrenarrarodeni, ouatti titauaribobo canarri. Arra Nazaretiuarricca Zesopa Deorrine parrissa canauatori canaui qqui tiquenade. “Pouapa parrissa Deo zosse inaronarrari” titiquena naniuarrineraha tinanazoqquemanarrari. Naraha Abi Deopa taide nauato taporrari: “Arrima nanitoui” naporrari: “Occa erredeni madirra uaidiraqquiri narrarideni dama iquenaza aua porimacossaniza inanazoqque-manauitoui” napoui nade. Narraro uimaha arri ia imadiza qqui inarraroparri. Tirrinedeni narrarossa tinanemanarraroparri.

Tahimarideni 24:5

—Arrarrari madirrapa uima ponima inanarizarraro. Pouarrine zama uapimacca zodeodeni uadimanaza moua moua narizemanarrari. Pouapa Nazaretiuarricca Zesoza toquerrenarrarideni arra Nazareno quequenanarraridenicca tamine torrarrari.