Mateo 2:2 - Kulina New Testament Brazil

² Zerozareza bacco narronemanaza attidenipa: —Nirra? Nerrecouarri Izarraeo potemaui arra zodeodenicca tamine tossonarraritta? −narronemanarrari. —Iape marri ccarronauiuarri imadiza amoua zati qqui icanade. Narraro uimape tamine deni torrarrari tossonauitoui quenaporraricca uima torrarraro. Narrari qquide rrauirrarronarraro. Ipitoza rrassi ineza pouaza: “Icca tamine” inaniuarrine −quenarrari.

Culina Mádija

² Jerosaredsa bacco najonamanadsa attidenipa: —¿Nija? ¿Nejecohuaji Isaraeri potemahi aja jodiodenicca tamine tossonajaritta? −najonamanajari. —Iapi maji ccajonahihuaji imadidsa abadsico bedi dsati qqui icanade. Najaro imapi tamine deni tojajari tossonahitohui quinapojaricca ima tojajaro. Najari qquide jaijajonajaro. Ipitodsa jassi inadsa pohuadsa: “Icca tamine” inanijine −quinajari.

Mateo 2:2 Iomraidhean Croise

Mateo 2:3

Nazapa tamine Erodi narraro uima mittazapa bodi nacassera tarrari. Pocca madirra naui Zerozareza madimanarrarideni uima mittemanaza naco bodideni cappinemanarrari.

Mateo 21:5

—Oza panani Sioza madimanarrarideniza arrima tarri: “Qqui tiquenanarra, ticcadeni tamine bicabote tiadeniuarri bacco naui. Pouapa rrone taui, rrazire toui narraraui. Arrana, borro imehiza uittarirrona-rraraui. Borro namizaza tozepetarri rrorrorede bedi ideza uittarirronaui” −napoui nade Zacaria.

Mateo 27:11

Tamine Piratouarri Zeso iaqquemanaza naui Pirato baccouarri inauemanarrari. Nazapa Pirato Zesocca uima mittauiuarrine pouaza uati tarrari: —Tiape zodeodenicca tamine tirraqui? −narrari. —Rrehe, tetti nema tarraroparri −narrari Zeso.

Roca 19:38

Attidenipa: —Ia Zozossede onima ccarronarrariza biquehera torrana, torrana! Pouapa ia Izarraeo potemauideni icca tamine! Pouaza biquehera torrana, torrana! −zanapomanarrari. —Memeuarri Deo icca uimaza carroneri canaui, canaui, narraro rronehe torrarizaniuarrine. Memeuarri Deoza madimanarrarideni pouaza: “Tiana deni tirrani!” quenana, quenana! −quenarrari, uaua zanapomanaza.

Roca 2:11

—Rridapanapa tiadeni Tonassiuauade tossonaui, tamine Dabicca zamabote Bereiaza. Pouapa ia Idinide Cristo-Mesia narrari.

Roca 23:3

Nazapa Pirato Zesoza uati tarrari: —Tiape zodeodenicca tamine tirraqui? −narrari. —Rrehe, tetti nema tarraroparri −narrari Zeso.

Roca 23:38

Zeso tati tetepiuarri naqui dozo nani coba izanemanarraro. Narraro dozo nanipe: —Arrarraripa Zodeodenicca Tamine −narraro.

Huano 1:49

Naraha Natanaeopa: —Ia Maride, tiape Deo Bedi tirrani! Tiape Izarraeo potemauidenicca tamine tirrani! −nade.

Huano 12:13

Nazapa poccadeni uatizehe bica taniuarrine birirrari eppe ti quenaza —Zeso bacco irrizana −quenaza rrauirronarrari. Madirra motapa birirrari eppeza rraui bina inarronemanarraro, —Rraui bica taniuarrine –quenaza. Madirra motapa birirrari eppe zorrorro zorrorro canarronaza uaua narronemanarrari: —Deopa deni torraui, deni torraui! Ia Zozossede onima ccarronarrariza biquehera torrana, torrana! −narronemanarrari. —Pouapa ia Izarraeo potemauideni icca tamine! Pouaza biquehera torrana, torrana! −narronemanarraride.

Huano 18:37

Naraha Pirato attia: —Tetti nema tezape tamine tirraqui? −nade. Naraha Zeso poua cacomerade: —Parrissa ouape tamine, arri uati tinarraroparri. Nazama ouape arrirraro zamaza ossonarrarope parrissehera uati uati ohonabaqqui nauiuarrine occarronarrarode. Bazima parrisseheza nacassaqquiri narraridenina ouatti mittemanarrari −nade Zeso.

Huano 19:19

Nezape uima dozo nani tamine Pirato zosse inarroneza Zeso tetepiuarri coba izanemanarrarode. Narraro dozo nanipe: —Zesopa Nazaretiuarricca, Zodeodenicca Tamine −narrarode.

Huano 20:28

Nazapa Tome atti: —A, oua Zozossede, occa Deo! −nade.

Huano 5:23

Nazana zama bazimacca madirrapa Deo Bediza: “A, nauato taui” quenauiuarrine. Pina Imehiza: “A, nauato taui” quenarrarissa quenauiuarrine. Naraha Poua Bediza: “Nauato taui” quena-rrarazapa pocca Abi poua Cazossedeza naco: “Nauato taui” quena-rrararrarissa narrari −nade Zeso.

Huano 9:38

Nazapa nocco ssire nimaniui poua nocco ssire tonanade baccouarri poua pitoza uitta naza: —Rrehe oua Zozossede, tiaza parrissa onani −nade Zesoza uatizeza.

Ebreodenidsa 1:6

Pocca erredeni taidecca pina madirra iassa naha tossonauiuarrine iauarri zosse inaronarrari. Nazapa Poua Attipa: —Occa zozosse tabaqqui bazimapa occa erredeniza: “Deni tirrani” quenana. Pouazana uauatizemana nana, onarraro −naui nade Deo.

Apocalipsis 22:16

—Ouape Zeso, otauimariza titiqueriqquirizemana narrarodeniza occa zozosse memeuarricca zosse onaronarrari, narraro uima nemanehe timittemananiuarrine −nade. —Ouape maittaccazama Izarraeo potemauidenicca tamine Dabi Potemaui orrani. Ouape pina izamassacca amoua ssiuarra tocanarrarissa onarraro −nade Zeso.