Mateo 19:4 - Kulina New Testament Brazil

⁴ Naraha Zeso pouadeniza uati tade: —Deo Atti dozo nani ua ua titiquena neraha arrirraro uima tetideni rrimemanarrarorane? Maittaccazama Deo zama inauatoponipe Pouarrinena madirra toquerrenapozapa arrima narraro: “Maqquiderre, amonerre tazarrani inauatobaqquirrari.

Culina Mádija

⁴ Naraha Jeso pohuadenidsa huati tade: —Dio Atti dsodo nani hua hua titiquina naraha ¿ajijaro ima tetideni ajimamanajarorane? Maittaccadsama Dio dsama inahatoponipi Pohuajinena madija toquejenapodsapa ajima najaro: “Maqquideje, amoneje tadsajani inahatobaqquijari.

Mateo 19:4 Iomraidhean Croise

Mateo 12:3

Nazapa Zeso pouadeniza uati tarrari: —Neraha tiadenipe arri Deo Atti maittaccazama dozo naniccaza Dabicca uima ua ua titiquena neraha tetideni rrimemanarrarorane? Narraro uimape Dabipa poua tessedeni tezerre pemimanazapa pao Deoza da tauicca oppina taraha rripemanarrari.

Mateo 21:42

Nazapa Zeso poua tauimari pouadeniza auato taniuarrine pouadeniza denima uati tarrari: —Tiadenipe Deo Atti dozo nanicca ua ua titiquena neraha siba uauattarro torrarraro tauimarini tetideni rrimemanarraroqui? Uimape arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Neraha zotodepe narraro sibana oza daco carriraniuarrine torrarraro. Arri siba uauattarro torrarrarope ia Zozossede Deorrine deni torrarraro. Narraro uimarrine Deoza etizerraro” nani Deo Atti dozo naniza −nade Zeso.

Mateo 21:6

Nazapa pocca zozosse tabaqqui pamahapa Zeso poua attissa inanemananiuarrine touedarrari.

Mateo 22:31

—Nazama Deorrine madirra nauatonimanauicca uimape Deo Poua Atti dozo naniza dozo naporraro. Poua Atti dozo nani ua ua titiquena neraha narraro uimape tetideni rrimemanarraroqui?

Maraco 12:10

Nazapa Zeso poua tauimari pouadeniza auato taniuarrine Deo Atti dozo nanicca uati tarrari: —Tiadenipe Deo Atti dozo nanicca ua ua titiquena neraha siba uauattarro torrarraro tauimarini tetideni rrimemanarraroqui? Uimape arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Naraha zotodepe narraro sibana oza daco carriraniuarrine torrarraro.

Maraco 12:26

—Nazama Deorrine madirra nauatonimanauicca uimape Poua Atti cacomerabote Moize dozo inaporraro. Narraro Deo Atti dozo nani ua ua titiquena naraha narraro uimape tetideni rrimemanarraroqui? Arri aua dirri taniza Deopa Moizeza uati tarrari: “Ouape Deo, ticca idideni Abarahao, poua bedi Izaqui, poua bedi Zaca quenarraridenicca Deo orrani” naui nade.

Maraco 2:25

Naraha Zeso pouadeniza uati tarrari: —Naraha tiadenipe arri Deo Atti maittaccazama dozo naniccaza Dabicca uima ua ua titiquena naraha tetideni rrimemanarrarorane? Narraro uimape Dabipa poua tessedeni tezerre zamatapa cappiremanaza pemimanazapa pao Deoza da tauicca oppina taraha rripemanarrari.

Roca 10:26

Naraha pouaza Zeso uati tarrari: —Nerreco uima ua ua tatte Deocca zossenirri dozo naniza? Ua tezape nerreco uimara tiaza auato tatte? −narrari Zeso.

Roca 6:3

Naraha Zeso pouadeniza uati tarrari: —Naraha tiadenipe arri Deo Atti maittaccazama dozo naniccaza Dabicca uima ua ua titiquena neraha tetideni rrimemanarrarorane? Narraro uimape Dabipa poua tessedeni tezerre pemimanazapa pao Deoza da tauicca oppina taraha rripemanarrari.