Mateo 19:29 - Kulina New Testament Brazil

²⁹ —Nazama tiadenipe occa madirra tiquerrenarrarorrinea ticcadeni oza tiquenebomana, timecotedeni tinebobaqquimana, ticcadeni abi, ami tinebobaqquimana, ticcadeni erredeni tinebobaqquimana, ticcadeni zama tinebomana nezape niza zotode arri bazima tineborize-manarrarossa nehe Deo tiadeniza manaco da inarizazapa denima ticarrimananitoui. Tetizemaneri nanitoui, camittehe rriquerreranicca naqui ticarrimananitoui −nade Zeso.

Culina Mádija

²⁹ —Nadsama tiadenipi occa madija tiquejenajarojinea ticcadeni odsa ticanebomana, timecotedeni tinebobaqquimana, ticcadeni abi, ami tinebobaqquimana, ticcadeni ejedeni tinebobaqquimana, ticcadeni dsama tinebomana nadsapi nidsa dsotode aji huapima tineboridsa-manajarossa nehe Dio tiadenidsa da inaridsadsapi denima ticajimananitohui. Tetidsemaneri nanitohui, camittehe jiquejeranicca naqui ticajimananitohui −nade Jeso.

Mateo 19:29 Iomraidhean Croise

Mateo 10:22

Occa madirra tiquerrenezape madirra bazima tiadeniza nacasseraqquiri nauitoui. Neraha tiadenipe dacoco tirrirarri! Narraro uadie tinauanemana-zanapozape zama rricani bacco tiquenaza tiadenina ticassiuaueranitoui.

Mateo 13:23

Naraha madirra ouaha bodidenicca uimape pina arri nami bica tarrarocca uimassa narraro. Deo Atti mittemanazapa rrehe quenauissa tarrari. Poccadeni rrehenirri napizape pina arra nocco nami bicaniza moro tauissa tazapa bono carrirrari. Ede orrariapa bono 100 naha carririzarrari. Ede ouahaccapa bono 60 naha carrirrari. Ede ouahaccapa bono 30 naha carrirrari. Arra Deoza rrehe quenauissa tarraripa madirra mari icanabaqqui-rizazapa madirra ouaha ouaha quenaha Deoza inanabaqqui-manauitoui −nade Zeso.

Mateo 13:8

Naraha nocco mota uira narizarraripa nami bicaniza catorrarizazapa mororo canarizaza bica taha napirrari. Bono carririzazapa ede orrariapa bono 100 naha carrirrari. Ede ouahaccapa bono 60 naha carrirrari. Ede ouahaccapa bono 30 naha carrirrari.

Mateo 16:25

Tiadenipe ticcadeni madie ouaza teccoremanezape madirra tiadeni tonarricabaqqui-manaraha camittehe rriquerreranicca ticarrimana-zanaponitoui. Naraha madirra ouahapa pocca madie ouaza eccoccozape, pina arrirraro namiza madizanapouiuarrine touinira nazapa narraripa zoqqueuitoui. Zoqquezapa camittehe rriquerreranicca carri-rrarauitoui –nade Zeso.

Mateo 19:16

Zesopa denima toccaraha madirra pouauarri ccarronarrari attipa: —Nirra Mamaride nerreco uima bicani onanezana camittehe rriquerreranicca bacco onaniuarrine? −nade.

Mateo 25:34

—Nezape oua tamine orreza arra madirra obirri nauatoniuarri domo uarrarideniza uati onanitoui: “Nirra, occa Abi tiadeniza uima bicani inanarizarraro. Pocca cacauehe tiadeniza torrani. Narrarope zama nauato-rreraqquezama tiadeniza narroraporraro.

Mateo 25:46

—Rrehe, uaidiraqquiri narraridenipa narrizoue rriquerreraniccaza madimana-zanapouitoui. Naraha madirra bicaqquiri narrari Deo Poua nacassa tauicca inanemanarrarodenina camittehe rriquerreraniuarri madimana-zanapouitoui −nade Zeso.

Mateo 5:11

—Occa madirra tiquerrenarrarorrinepe madirra tiadeni totamasso-baqquimanaza, tiadeni tonarrizo-baqquimanaza, ticcadeni uima touaidiraniuarrine maiza maiza quenaza naco Deopa tibodideniza uatizeheri inanarraro.

Mateo 6:33

Deocca cacauehecca uimaza tibodideni uatomarizaniuarrine Deotouira tatarizemana narri. Deo Poua nacassa tauiccazara tetetizemana narri, onarraro. Nema tiquenezana Deorrine ticappiremananicca tiadeniza inanarizanitoui, onarraro −naui nade Zeso.

Roca 14:26

—Madirrapa ouaza torrauiuarrine touini naraha pouapa pocca madirrazana denima uati uana taza, ouazapa arramani uati uana tazapa narraripa occa torrauiuarrine parrire-rraraui. Madirrapa pocca abi, pocca ami, pocca amonerre, pocca erredenideni naco, pocca ato naco, pocca asi naqui, poua imecotedeni naco, orrari uitide, uapi tauitide, uima onihi pina ouattissa nerreranicca pouaza uati toquenaza pouadeni attizana ibora tazapa occa madirra torrauiuarrine parrire-rraraui. Occa madirrapa ouattizana iboraqquiri narrari. Madirra naco poua pocca madieza denima uati uana tazapa ouaza arramani uati uana tarrari. Pina ouattissa inane-rrerezape occa madirra torrauiuarrine parrire-rraraui.

Roca 5:11

Nazapa ori nanimanarrari. Coriza inidi bacco nanimanaza darronipe ssoqueque icazanemanarraro. Nazapa Zesoza rraui torrauiuarrinepa poccadeni darroni, poccadeni tarrapa, poccadeni aba, poccadeni madierrine bazima naqui inebomaneza Zesozana rraui torrarrari.

Roca 6:22

—Ouape Madirra Bedi orrarraroa occa madirra tiquerrenarrarorrinepe madirra ouaza nacasseraqquiri narraridenipa pouama tiadeniza naco nacasseraqquiri nauitoui. Narraro uima tiadeniza torrezape Deopa tibodideniza uatizeheri inanarraro. Madirra ouaza nacasseraqquiri narraridenipa arra tiadeniza naco: “Iaza ticarrimemana terrerarri” quenazapa tiadeni zosse zosse tatanibaqquimana nauitoui. Narraro uima tiadeniza torrezape Deopa tibodideniza uatizeheri inanarraro. Nazama madirra tiadeni totamasso-baqquimanaza naco Deopa tibodideniza uaitizeheri inanarraro. Nazama tiadenipe oua oniza tecanimanarrarorrine arra ouaza nacasseraqquiri narraridenipa tiadeni oniza naco: “Imittana inerrerani, uaidiraqquiri naui” quequenanauitoui. Narraro nacasserehe tiadeniza torreza naqui Deopa tibodideniza uatizeheri inanarraro.

Huano 15:19

Tiadenipe arrirraro namicca uimaza timadimanezape pouadenipa tiadeniza nacassaqquiri nauitouiraha nema tiquenerrerarraro. Arrirraro namicca uimaza timadimanaporaha ouape tiadeni ocatterrizabaqquirraro, arrirraro namicca uimatoui timadimana-rreraniuarrine. Rridapanape arrirraro namicca uimatoui timadimana-rrerarrarorrine tiadeniza nacasseraqquiri narrari.

Huano 4:36

Madirra uizarracca ppa taui bono bitede zepedeni ihirrimana narraripa uima bicani cacarrimana narrari. Pouadenirrinena madirra camittehe rriquerreranicca cacarrimana narrari. Nazapa uizarra ppadedeni, bono bitededeni tezerrepa uatizemana taui.

Tahimarideni 9:16

Pouapa otauimari maride torrarizaraha ocasserehe oppina tanicca inauanarizanitoui. Narraro uima naqui niza pouaza noue onanitoui −narrari Zeso Ananiaza.

1 Corintodeniza 2:9

Naraha arri Deo Atti dozo naporrarozape arrima narraro: —Deo inanarroraporrarope pina arra qqui toquenapo-rrararraricca, mittemanapo-rrararraricca, bodideni uatouiuarrine ssamoqquiri naporraricca narraro uima bicani bazima Pouaza uatideni uanaqquiri narrarideniza inanarroraporraro −nani nade Deo Atti dozo naniza.

2 Corintodeniza 5:16

Rridapanape Cristocca touati uanehe nauatoto inezape madirradenicca uima arrirraro namicca deni torreheza nattome inerrerarraro. Taide Cristoza ssamoqquiri inaqquezape pouaza nema inade. —Pouapa Deo Bedi, deni torraui −inerrerade. Naraha rridapanape pouaza nema inerrerani.

Piripodeniza 3:8

Arri ouaza uima deni torraporrarope rridapana ouaza pina nouerarrarossa nani. Zeso Cristoza orrarrarocca uimana ouaza denima bica tani orrari narraro. Rridapanape Zeso Cristo touina onezape occa uima taideccaza occa madirra: —Bica tani −quequenanarraripa oneborizehe rricani. Pina zamatapa tabotto neborrarissa nani. Rridapanape Zeso Cristoza onocco torrizera-zanaponiuarrine touini onarraro.

1 Pedoro 4:14

Nazama Zeso Cristo oniza tiquerrenarrarorrine madirra tiadeniza attideni uaidira taza atti atti quenaza naco nema nehe tetizemanarri. Deo tiadeniza uima bicani inanarraro. Deo Corime Dacorabote tiadeniza torrazapa madi-zanapouitoui.

3 Zouao 1:7

Arra pouadenipa Zeso tauimari madirra mittarizemanauiuarrine maride rraui torrarrari. Naraha Deoza nacasseraqquiri narrarideni naco —Mamaridedeni acco icanabaqquina −quenaraha mamaridedenipa poccadeni danirriza: —Rrehe, iaza −quena-rrararrari.