Mateo 18:4 - Kulina New Testament Brazil

⁴ Deocca cacaueheza madirra denima bica tarraripa: “Deni orrani” narrararrari. Pouapa pina arrarrari erredenissa narrari. Poua bodipa: “Ouape arrimani orrani, Deozara ibora onani” nanarra narrarina deni torrarrari Deoza.

Culina Mádija

⁴ Diocca cacahuehedsa madija denima bica tajaripa: “Deni ojani” najarajari. Pohuapa pina ajajari ejedenissa najari. Pohua bodipa: “Ohuapi ajimani ojani, Diodsara ibora onani” nanaja najarina deni tojajari Diodsa.

Mateo 18:4 Iomraidhean Croise

Mateo 18:1

Nezape ia Zesocca zozosse tabaqqui Zeso pouaza uati inarrarode. Ettipe: —Deo memeuarri madirraricca cacauehezape nerrecorrarina deni torrarrari? −inarrarode.

Mateo 18:3

Nazapa Zeso uati tarrari: —Parrissehera tiadeniza uati onana: Tibodi pina erredeni bodissa naniuarrine tecarriqquimera-rrerezape Deocca cacaueheza tirra-rreranitoui.

Mateo 18:5

Arrarrari erredenissa narrariza tetideni uanaqquiri nezape ouaza naqui tetideni uanaqquiri narraro −nade Zeso.

Maraco 10:43

Naraha arri ouaza tiquerrenarrarope nema tiquenaniuarrine bica terrerani. Naraha titessedeni orrariapa: “Ouana deni orrana” nazapa pouana bazima birrideni acco icanarizabaqquiuiuarrinena bica tani.

Roca 14:11

Narraro uimazana Deocca cacauehecca madie ticauatteraniuarrine. Madirrapa: “Ouape deni orrani” naza narrari arramani inanauitoui. Naraha madirrapa: “Peperriua, arrimani orrani naqui bica tani” nazapa narrarina Deo deni inanauitoui −narrari Zeso.

Roca 9:48

Nazapa pouadeniza uati tarrari: —Arrarrari erredenissa narrariza tetideni uanaqquiri nezape ouaza naqui tetideni uanaqquiri narraro. Ouaza tetideni uanaqquiri neza naqui oua Cazossede Abi Deoza tetideni uanaqquiri narrarossa narraro. Arra madirra erredeniza uati uana tazapa poua tesseza naco uati uana tarrari. Narraripa madirra bazimaza acco canade damera tazapa poua atti naco: “Ouape arrimani orrani, Deozara ibora onani” nanarra narrarina Deoza bica tarrari. Pocca uima bica tezape pocca deni torrehe parrissehecca auato tarraroparri −narrari Zeso.

Satiacocca 4:10

Ticattezamaneza ia Zozossede Deoza uati tiquenarri: —Iape ssamoqquiri inani, arrimani iquerrenani −tiquenarri. Nazana tiadeni tonatemabaqquiza tiadeni deni tonanabaqquiuitoui.

1 Pedoro 5:5

Zabissodeni tiadeni naqui Zesoza rrehe quenarrarideni cacauade attideniza iboraqquiri tiquenarri, onarraro. Bazima tiadeni deni tinanemana-rreraza mouaraza timecotedeniza arriuarri ibora arriuarri ibora tiquenana. Arri Deo Atti dozo naporrarozape arrima narraro: —Deopa madirra: “Ouana deni orrani, nauatorride orrirani” quenarrarideniza nacassera taui. Naraha madirra: “Ouape arrimani orrani” quenarraridenizana uati uana taza acco icanabaqqui taui.