Mateo 18:29 - Kulina New Testament Brazil

²⁹ Naraha poua tessepa poua pitoza uitta naza orriema uati uati tarrari: “Rraho, otesse, niza tia paca onanitoui, omaize-rrerani” narrari.

Culina Mádija

²⁹ Naraha pohua tessepa pohua pitodsa huitta nadsa ojiema huati huati tajari: “Jaho, otesse, nidsa tia paca onanitohui, omaidsa-jerani” najari.

Mateo 18:29 Iomraidhean Croise

Mateo 18:26

Naraha tamine birri accode ziniro imeni dirri narrari pocca tamine atti mittazapa naui tamine baccouarri poua pitoza uitta naza orriema uati uati tarrari: “Rraho, oua zozossede, niza ia da tinabaqqui-rreraccarri. Tia paca onanissa tanitoui, omaize-rrerani” narrari.

Mateo 18:28

—Nazapa tamine birri accodepa toccaniraha poua tesse pouaza dirri narrari bacco irrizarrari. Narraripa pouaza bazira tehe dirri narrari, pina ziniro ccarara 100 narraro. Naraha tamine birri accodepa poua tesse pouaza dirri narrari bacco irrizazapa pouaza dirri narrari acconi ssiporiza dama niqui inaza uadihema pouaza uati tarrari: “Rrari, ouaza ticca conta paca tarri!” narrari.

Mateo 18:30

Naraha pouaza dirri narrari attiza rrehe narrarazapa: “Poni! Oua paca terrerade. Nezape toponi cocoroza tezarri. Ticca conta paca tanissa tezana tiqquenaniuarrine” narrari. Nazapa coro izimarrari.

Mateo 18:33

Neraha tiape titesse tiaza dirri narraricca dirrinarraza peperri terrerarraro. Ouape tiaza ouati uana tade. Tia naqui pina ouassa tezape titessecca dirrinarraza peperriua tanitouiraha” narrari pocca tamine.

Mateo 6:12

Madirra iaza uaidirehe inanemaneza poccadeni uaidireheza: ‘Peperriua, uadi onerrerani’ inezape manaco icca uaidirehe peperri tinanarri, Abi Deo. Icca uaidirehe manaconi narrizoue iaza tinana-rrerarri, inarraro.

Corosadeniza 1:7

Imecote bicabote Epafra pouana Zeso Cristo tauimari tiadeni mari tocanabaqquirraride. Poua naco Zeso Cristocca zozosse torrarrari, iazama zepe irrirrari. Epafrapa Zeso Cristoza damera tazapa tiadeni tonauattabaqquiuiuarrine zepe ihirri narraride.

Corosadeniza 4:7

Imecote Tiquico pouaza eti uana tarraro. Narrarina tiadeniuarri zosse onaza otauimari tiadeniza uati tauitoui. Pouapa obirri accode bica tade. Poua tezerre ia Zozossede Deoza izepe irrirrarode.