Mateo 18:22 - Kulina New Testament Brazil

²² Naraha Zesopa: —Parri, nema terrerarri. Nacasserehe onihi onihi onihi tassaqquini 70 denima 70 denima 70 zanaporaha “Manaco” terrerana. Titessecca uimaza teti rrima zanapona, onarraro −nade Zeso.

Culina Mádija

²² Naraha Jesopa: —Paji, nema tejeraji. Nacasserehe onihi onihi onihi tassaqquini 70 denima 70 denima 70 dsanaporaha “Manaco” tejerana. Titessecca imadsa teti ajima dsanapona, onajaro −nade Jeso.

Mateo 18:22 Iomraidhean Croise

Mateo 18:23

Zesopa arrirraro namiza imadinicca uima tazarrani mari icanabaqquirrari. Poua attipa: —Rrehe, Deocca cacauehecca uimape pina tamine poua birri accodedenicca conta icattemarizaniuarrinecca uimassa narraro.

Maraco 11:25

—Deoza uatide tiquerreneza naqui madirra tiadeniza uima inanaporrarotoui tibodideni uatozape: “Narraro uimaza ouati rrimana. Pouaza ouadi-rrerana” tiquenarri, onarraro. Nema tiquenezana ticcadeni Abi Deo memeuarri madirraripa ticcadeni uimasiriza uati rramauitoui.

Romanodenidsa 12:21

Uima uaidira tarraro tiadeni arrimani tonana-rreraniuarrine dameraqquiri tiquenarri. Uima bicani tinanemanezape uaidirehena arrimani torraniuarrine.

Epesodeniza 4:26

Tedimanezape uimasiri tinanemanarrerarri. Tedimaneraha narraro uadaza tetideni ssonani bica tani.

Epesodeniza 4:31

Ocasserani temanezape orri tizanapomana terrerarri. Ticcadeni uadie denima dacoranicca naqui tinebomanarri. Uadie arrimanicca naqui tecauemanazanapo-rrerarri. Amossiniza atti atti tiquenarraro, tatamasso tiquenarraro naqui tinebomanarri. Uaidirehe onihi onihi naqui tiadeniza noueraniuarrine tinebomanarri, onarraro.

Corosadeniza 3:13

Madirrarrine tiadeniza bica terreranicca inanemanezape mouaraza tinauanemanarri. Tedimana-rrereza: —Tirrinedeni ouaza bica terreraraha peperri ouati rrimani −titiquena narri. Pouadeniza tirrinedeni bica terreraza naqui nama quenazana bica tani. Pina ia Zozossede Deo ticcadeni uimasiriza: —Peperri, ouati rrimani −narrarissa tiquenarri, onarraro.

1 Timoti 2:8

Rrehe, nazama maqquiderredeniza ouatti arrima onani: Madirra Deoza totoqueriqquimana nauiuarri toqueriqquizapa Deoza uati uati totoquena nana, onarraro. Deotouira quenarrari bodideni naco uissoqquiri narrarina pouadeni zepe memeuarri Deoza da tamacossemanana, onarraro. Uadie rrirehe Deoza uati uati totoquena nauiuarrine, madirra ouaha tezerre naco arrauarri atti arrauarri atti quena-rrarazana Deoza uati uati totoquena nana, onarraro.