Mateo 18:17 - Kulina New Testament Brazil

¹⁷ Naraha narrarideni atti mitta-rrarazapa otauimariza quequeriqquimana narrarideni tezerre pouaza uati tiquenarri. Pouadeni atti mittazapa pocca uima tobicanitoui. Naraha otauimariza quequeriqquimana narrarideni atti mitta-rrarazapa pina Deoza rrehe quena-rrararraridenissa nauiuarrine. Uimasiri carrirrari. Pouapa pina rromanodenicca taminecca zossenirri ziniro nanaccadedenissa narrari −nade Zeso.

Culina Mádija

¹⁷ Naraha najarideni atti mitta-jaradsapa otahimaridsa quequeriqquimana najarideni tedseje pohuadsa huati tiquinaji. Pohuadeni atti mittadsapa pocca ima tobicanitohui. Naraha otahimaridsa quequeriqquimana najarideni atti mitta-jaradsapa pina Diodsa jehe quina-jarajaridenissa nahijine. Imasiri cajijari. Pohuapa pina romanodenicca taminecca dosseniji dsiniro nanaccadedenissa najari −nade Jeso.

Mateo 18:17 Iomraidhean Croise

Mateo 10:3

Madirra ouahadeni naco Piripi, Batoromeo, Tome, quenarrari. Ouape Mateo rromanodenicca taminecca zossenirri ziniro nanaccade orrarrarode. Madirra ouahapa Tiaco. Tiacopa Arapeo bedi. Ouaha naco Tadeo (poua oni ouahapa Zoda).

Mateo 11:19

Nani zotode oua Madirra Bedi orrarraroa erretecca rripaqquiecca rrirripa orripa, zeze ze onazapa ouaza rroua rroua quenarrari attidenipa: “Rraho, madirraza rripa narizarride raui, zezerride raui. Rromanodenicca taminecca zossenirri ziniro nanaccadedeniza ccarizarrari. Madirra uimasiri carrimanarrari tezerre naco ccarizarride raui” quequenanarrari ouaza. Attidenipa Zouaoza, ouaza nama quenaraha niza uimasiri carrimanarraridenipa ettiza iboraqquiri naza bodideni cacarriqquimera, uimarideni cacarriqquimera nazapa Deocca nauatohe, pocca parrissehe auato tanitoui −nade Zeso.

Mateo 5:46

Tiadeniza ouatti arrima narraro: Madirra tiadeniza uatideni uanaqquiri narraridenizara tetideni uanaqquiri nani orrari nezape pina madirra bazimacca uimassa tinanemanarraro. Narrarossa tinanemanezape niza memeuarri Deo tiadeniza: “Rrehe bicaqquiri tiquenani” narrarauitoui. Arrana, uimasiri carrimanarrarideni pina rromanodenicca taminecca zossenirri ziniro nanaccadedenipa arra pouadeniza uatideni uanaqquiri narraridenizara uatideni uanaqquiri naui orrari narrari. Parri, pouadenissa tiquenerrerana. Tiadenipe touati uanehe denima bica tanicca ticarrimanezana bica tani.

Mateo 6:7

—Deoza uatide tirreza naqui ticca uatinarra uati tinezape uati tinarraro, uati timanipomarraro, uati timanipomarraro terrerarri, onarraro. Arrana, Deoza toquerrena-rrararraridenipa nama nama quequenanarrari. Touini quenauicca toui pouadeni cacauade uatide toquerrenazapa uati toquenarrari, uati nimanimana-pomarrari, uati nimanimana-pomarrari quequenanarrari. “Nema ineza etti mittauiuarrine” quequenanaraha pouama uati uati toquenarrari.

Roca 15:1

Nazapa arra rromanodenicca taminecca zossenirri ziniro nanaccadedeni, uimasiri sseqquiri narrarideni tezerrepa: —Zesocca marinarra imittana −quenaza Zesouarri rrauirronarrari.

Roca 18:11

Nazapa marinarra parizeoza rrehe narrari uaza Deoza uati tazapa arrama narrari: “Rrehe Abi Deo, tiaza bica onarraro, ouape pina madirra ouahadenissa onerrerani. Pina bobotidedenissa, pina mamaizadedenissa, pina amonerrecca cauassibotedenissa onerrerarraro. Pina arrarrari rromanodenicca taminecca zossenirri ziniro nanaccadessa onerrerani. Bica onarraro” narrari.

1 Corintodeniza 5:9

Nazama arri occa uima teppe tiadeniza dozo onaporrarope arrima onarraro: Nauicca madirra uananeheza dameraqquiri narraridenizape ticarrimemana terrerarri, onarrarode.

1 Corintodeniza 6:1

Nazama timecotedeni orrariapa poua imecote tezerre uima carrimanaza nerrecotoui timecote Deoccaraha arrirraro zamacca uima cacattemadeuarri poua imecote iaccarrari? Narraridenipa Deoza rrehe quena-rraraui. Deoza rrehe quenarraridenizana poccadeni uima cattemade touedezimauiuarrinena bica tarraro.

2 Tesaronicadeniza 3:6

Imecotedeni, ia Zozossede Zeso Cristo onima tiadeniza dozo inarraro. Arra timecote Zeso Cristoccaraha zepe irriuiuarrine nacassera taui qqui tiquenazapa poua tezerre ticabera terrerarri. Pocca madie pina icca marinarra tiadeni mari icanabaqquiporrarossa nerrerezape tiadeniza carrima-rrarana, inarraro.

1 Timoti 6:5

Pouadenipa cauadirere cacana narrari. Uadierrine bodideni tossamomanarrari. Deocca parrissehe pouadeniza touatorarrarossa narraro. Pouadeni bodi naco: —Deoza iquerrenezape izepe sseqquiri nanitoui −quenaraha narrarope parrissa rrerani.