Mateo 18:14 - Kulina New Testament Brazil

¹⁴ Narrarossa narraroa ticcadeni Abi Deo memeuarri madirraria pocca madirra orraria pocca cacaueheza amossi nauiuarrinepa nacassera tarrari. Madirrapa Deo Pouaza touarriraha pouaza torranipomauiuarrine nacassa tarrari −nade Zeso.

Culina Mádija

¹⁴ Najarossa najaroa ticcadeni Abi Dio memehuaji madijaria pocca madija ojaria pocca cacahuehedsa amossi nahijinepa jipera tajari. Madijapa Dio Pohuadsa tohuajiraha pohuadsa tojanipomahijine jipa tajari −nade Jeso.

Mateo 18:14 Iomraidhean Croise

Mateo 18:13

Pocca eueue bacco inanizapa uatizeuitoui. Pocca eueue 99 naha amossiuarra-rraraza naco uatize taui. Parrissehera tiadeniza uati onarraro: Eueue rrinedepa pocca eueue amossi narrari bacco inanizapa denima uatize taui.

Mateo 18:15

Zesopa denima uati uati tarrari: —Madirra ouaza rrehe narrari timecote torraraha tiaza uimasiri inanezape poua orrari naza mouaraza uati ticanana: “Ouaza tirrine bica terrerani” tana. Nazapa poua cacomerazapa: “Rrehe, parrissa tiaza nema onanade. Orrine bica terrerani. Rridapanape nema onapoma-rreranitoui” nazapa manaco pouaza: “Rrehe, peperriua, bica tani” tana. Nazapa timecote tezerre ticatizerapomaniuarrine.

Mateo 5:16

Tissiuerrenedenipe pina narraro ssiuarranissa tiquenarraro, madirra bazimaza tossiuarrabaqquiniuarrine. Uima bicani titinanemana narraro, madirra bazima qqui toquenauiuarrine. Nema tinanemanezape Abi Deo memeuarri madirrariza pouaza uatizemanaza: “Deopa bica taui” quenauiuarrine −nade Zeso.

Mateo 6:32

Deoza toquerrena-rrararraridenipa nama nama nanarizemana narrari. Poccadeni rrirripa touira, pouadeni zepetarri touira bodideni uauatome-mana narrari. Naraha ticcadeni Abi Deo memeuarri madirrari ticarrimanani. Pouapa ticappiremananicca bazima nanauato narrari.

Mateo 6:9

—Nazama Deoza uatide tiquerrenaniuarrinepe tettidenipe arrima tiquenarri: “Rrehe Abi Deo, memeuarri timadirraro, tiaza iquerrenarrarope ticca madirra iquerrenarraro. Tiape nauatorride tirrirani orrari tani. Bica tinani! Madirra bazima: ‘Deo, Tiape deni tirrani!’ quenana, inarraro.

Roca 12:32

—Nazama tiadenipe occa eueue, occa cacaua tabaqqui tiquerrenarrarope ticappinemana terrerarri. Arri tiadeni ouacaua-baqquirrarope uapira tineraha occa Abipa tiadeniza: “Arri occa cacauehepe tiadeniza onanarraro” narrari.

Huano 17:12

Arrirraro namiza pouadeniza omadirizezape arri ticca dacorehe ouaza tinanarraroza ouacauabaqquiuissa tarrari. Pouadenipa orraria amossinarra canima-rrararaha orrariana parra amossi nariui nauitoui. Narraripa narrizoue rriquerreraniuarri torrauitoui, pina arri Tetti dozo naporrarossa nehe torranitoui.

Huano 21:15

Narraro ssiuarra izamassa irripehe rriqueza Zesopa Simao-Pedoroza uati tade: —Simao, Zouao bedi tirrani tiana tibodiza denima ouaza teti uana tarraroqui? Titessedenipa ouaza poccadeni touati uanehe arrimani torrarraro tarraroqui? −nade. Nazapa Pedoro: —Rrehe oua Zozossede, tiana nauato tinarraro tiaza nacassa onani −nade. Nazapa Zeso Pedoroza: —Nazama occa eueue bedi tititapabaqqui nana −nade.

2 Timoti 2:10

Nezape orri onerrereza ocasserehe uapima onauanarraroparri. Nema onarrarope Deo icatterriza-baqquiporrarideni Zeso Cristo tauimari icassiuaueraniuarrinecca mittemanaza parrissa quenazapa Deo inassiuauabaqquiuitoui, Deo Poua ssiuerrenema Pouaza madimana-zanapouiuarrine.

Ebreodenidsa 12:13

Rraui bicaniuarrira rraui tirrarri. Nazapa tinattideni rrozi rrozi tamissemanarrarideni rraui torramissauissa tauiuarrine. Amorideni piti toquenapoma-rrarazapa tonomimanauiuarrine. Narraro uimape ticcadeni rrehenirri toccanissa tezape madirra ouahadeni naco pina ticcadeni rrehenirrissa quenauiuarrine.

2 Pedoro 3:9

Ia Zozossede Deopa nama naraha madirra mota attidenipa: —Deo Poua uati taporrarissa inananiuarrine narro taui. Arrana, Zeso Cristo ccaniuicca uada tonarroni −quenarrari. Naraha Deopa narro-rraraui. Mouaraza titouideni madiccarrari. Pouapa madirra bazima parra rricariuiuarrine touini narraraui. Orraria zoqqueuiuarrine naco nacassera tarrari. Pouapa madirra bazima bodideni cacarriqquimeraza Pouaza toquerrenauiuarrine touini narrari.