Mateo 18:10 - Kulina New Testament Brazil

^10-11 —Tibodideni tettidenima tiadeni tecauemananissa tarri. Madirra ouaza parrissa narrariza tettidenipe: “Ssamo tinani!” tiquena terrerarri. Occa madirra arramani tinanabaqquimana tarrararro, onarraro. Occa Abi Deo memeuarri madiuizapa pocca zozosse tabaqqui memeuarricca occa madirra cacauade madimanarrari. Narraridenipa Abi Deo Poua pano naco qqui qqui zanapomanarrari −nade Zeso.

Culina Mádija

^10-11 —Tibodideni tettidenima tiadeni tecahuamananissa taji. Madija ohuadsa pajissa najaridsa tettidenipi: “¡Ssamo tinani!” tiquina tejeraji. Occa madija ajamani tinanabaqquimana tajarajo, onajaro. Occa Abi Dio memehuaji madihidsapa pocca dodosse tabaqqui occa madija cacahuade madimanajari. Najaridenipa Abi Dio Pohua pano naco qqui qqui dsanapomanajari −nade Jeso.

Mateo 18:10 Iomraidhean Croise

Mateo 1:20

Poua bodi nama naraha pocca uadaza Deocca zozosse Poua Atti ccaccaronade auatoza uati tarrari: —Zoze, tiape tamine Dabi potemaui tirrani. Ticappina-rrerarri. Maria rriuaporaha ticarriniuarrine oppinera tani. Arra, Maria poni izoniza erredeni uittizarraripa madirrarrine rraraui. Deo Corime uati taza erredeni carrirraro −narrari.

Mateo 12:20

Pouapa boba ede rrai taui parra rrai inanari-rrarauitoui. Naparina rrororone cauiza rrami-mi naza naco pouapa parra icanauiri-rrarauitoui. Narraro uimape pina arra madirra pouaza rrehe nauissa tarrararrari ettarro-rrarauitoui. Madirra pocca rrehenirri tomirrireraha pouapa narrari acco icanauitoui. Nama zanapozapa niza zotode pouarrine occa biquehe deni torrezape uaidirehe inarricanitoui.

Mateo 18:14

Narrarossa narraroa ticcadeni Abi Deo memeuarri madirraria pocca madirra orraria pocca cacaueheza amossi nauiuarrinepa nacassera tarrari. Madirrapa Deo Pouaza touarriraha pouaza torranipomauiuarrine nacassa tarrari −nade Zeso.

Mateo 18:6

Zesopa denima uati uati tarrari: —Nazama madirrapa pouarrine ouaza rrehe quenarrarideni uimasiri inanemanezape pouaza narrizoue oppina tanicca ssonarinitoui. Erredeni ouaza rrehe quenarrarideni naco madirra uimasiri mamariderrine uimasiri tocauatterazapa arra uimasiri mamaride pouaza narrizoue oppina tanicca ssonarinitoui. Pina arrirraro uimassa narraro: Siba ccanarrabote poua mattoza ssoque zaneza ueni imehi zarra taniuarri rre tauiuarrine cco tozippazapa oppina teraha narrizoue denima oppina tanicca pouaza ssonarinitoui.

Mateo 2:13

Nazapa amoua tauimari nauatoqquiri naporrarideni rraui torrania rricaui. Zotodepa Zoze pocca uadaza Deocca zozosse Poua Atti ccaccaronade auatoza atti arrama narrari: —Zoze, nocco tirrarri. Uassinarra arra erredeni imeni tazarrani zama Ezitouarri tiaccabaqquirro. Tamine Erodicca zossenirri erredenitoui qqui narizemanabote naui, inanazoqque-manauiuarrine. Nani Ezitouarri timadi-zanapoccana. Niza tiaza uati onapomezana ticcanipomaniuarrine bica tani −narrari.

Mateo 2:19

Nazapa zotode tamine Erodi zoqqueui nattipa zama Ezitouarri Deo Atti ccaccaronade Zoze pocca uadaza auatopomaza uati tarrari:

Mateo 24:31

Nazapa occa zozosse tabaqqui memeuarricca zosse onarizabaqquiza rrazirema rrori rrori quenaza Deo icatterriza-baqquiporrarideni inequeriqquinibaqqui-manauitoui. Zama nemaneheza madirizemanarrarideni bazima auarricca, auarricca inequeriqquinibaqqui-manauitoui −nade Zeso.

Roca 1:19

Naraha Deo Atti ccaccaronade attipa: —Ouape Cabirieo Deo madiuiuarricca orrani. Deo acco acco ohocana narrari. Deo oua zosse naronarrari tiaza uima bicani uati onaniuarrine.

Roca 10:16

Naraha denima pocca mamari tabaqquiza uati uati tarrari: —Tiadenipe otauimari tecomerarizemanezape madirra tettideniza rrehe quenazapa ouaza naco rrehe quenarrari. Nazama madirra ouahadeni tiadeni touattarro-baqquizapa ouaza naco uattarrorro tarrari. Ouaza uattarrorro tazapa arra oua cazosserrariza naco uattarrorro tarrari −narrari Zeso atti, pocca mamari tabaqqui rraui torrarizauiuarrine zosse inabaqquirrariza.

Roca 16:22

Nazapa touati nauana tarraripa zoqquerrari. Zoqquezapa Deocca zozosse tabaqqui memeuarricca iaccamacossanimanarrari. Nauiuarripa Izarraeo potemaui zodeodeni bazimacca idi Abarahaouarri bacco tarrari. Nazapa Abarahao tezerre memeuarricca zama bicaniza madimanarrari. Zotode zepe sse tarrari naco zoqqueza ppa izemanarrari. Naraha pouapa parra rriquemanarirrarideniuarri bacco tarrari.

Tahimarideni 10:3

Nazapa marri touenarronaza pina 3'za Conerio pocca uadassa neza Deo Atti ccaccaronade auatorrari. Conerioza qquezimaza uaua narrari: —Conerio! −narrari.

Tahimarideni 12:15

Naraha bodideni parrissa quena-rraraza: —Timaizarraro, ccani-rraraui −quenarrari. Naraha Rode attinia: —Parrissa narraripa! −narraro. Naraha: —Narrari rrarauitide. Poua cacauade Deocca zozosse memeuarricca uitide −quenarrari.

Tahimarideni 12:23

Tamine Erodipa pocca madirra pouaza uatizemanaza nama quenaraha: —Nema tiquenerrerarri, ouape deo orrarrerani −narrararrari. Nazapa Deocca zozosse memeuarriccarrine Erodi amazati quiza narrari. Poua ime meqquene rrine ssari quenazapa uatiarrari.

Tahimarideni 27:23

—Arra Deo oua zosse narizarraripa oua Zozossede. Narraria arra zome Poua Atti ccaccaronade ouaza zosse inaronaza auatopa.

Tahimarideni 5:19

Naraha zome nocconi torraza Deocca zozosse memeuarricca auatozapa toponi cocorocca totoqquezima icataborrizeza iaqquenabaqquizapa zosse inanibaqquirrari.

Romanodenidsa 14:10

Nerrecotoui timecoteza: —Ticca uima uaidira tani −tiquenarraro? Nerrecotoui poua arramani tinanemanarrari? Iape uapima Deo tezerrema idomo uanitoui. Naniza icca uima bazima Pouana icattemanitoui.

Romanodenidsa 14:21

Icca uima bica taniuarrinepe imecote ineuedima-rrarazana bica tani. Pouaza bani rripauiuarrine oppina tazapa narrari bani irripa-rrerana. Zeze inocco rrano tanicca naqui ze inerrerana. Imecote ineuedimauiuarrinecca uima onihi aniza naqui narraro inana-rrerana.

Romanodenidsa 15:1

Imecotedeni motapa Deo rripa tauicca ssamoqquiri narrarirrine poccadeni rrehenirri rrapari tarraro. Naraha ia icca rrehenirri dacoraza pina acco icanabaqquina. Poccadeni ssamoue mouaraza inauanana. Ia ia inauatizenira orrari-rrerana.

1 Corintodeniza 11:22

Arri rripehetoui zenirri toui tiquenezape ticcadeni ozauarrina rripanirri tiadeni idimana, zenirri tiadeni idimana nanerre narri. Tiadenipe pina Deoza quequeriqquimana narrarideni arramani tinanabaqquimanarrarissa tiquenarraro. Cappiremanarrarideni naco tirrinedeni cacappinemana narrari. Nezape tiadeniza nerrecoma onapazerre? Tiadeniza: —Rrehe, bica tani −onaniuarrinequi? Nema onerreranitoui!

1 Corintodeniza 16:11

Timecotedeni mota naco pouaza: —Ponima ticcarronarraro −quena-rrarana. Pina acco ticanemanana, ouaza bacco narronauissa tauiuarrine. Ouape arriza ouimecotedeni tezerre pouatoui imadiccani.

1 Corintodeniza 9:22

Nazama arra imecotedeni Zeso Cristoza rrehe quenaraha poccadeni rrehenirri rrapari tarrarodeniza occarizeza naqui pina pouadenirrinessa onanarrarode, Zeso Cristoza toquerrenauissa tauiuarrine oneza. Arri occa uima pina pouadenirrinessa onanani onarrarope arra madirra bazima bodideni acco ocanariza-baqquiuiuarrine. Madirra mota tocassiuauerarra quenauiuarrine touini oneza.

2 Corintodeniza 10:1

Oua Paoro ouatti bica teza tiadeniza uati onana, ouattissa tinanemananiuarrine. Arra tiadeni mota ouaza uima ponimacca uati uati quenaui omittarraro. Attidenipa: —Paoro ibaccoza uazapa inoppine cappina tade. Naraha uarri taniza madizapa poua atti dacoranicca dozode cappinera tarrari −quenarrari ttarana. Nezape pina Cristo rrone tarrari, bica tarrarissa oneza tiadeniza uati onana:

2 Corintodeniza 10:10

Arra ouaza parrima onani quenarrarideni attidenipa: —Paorocca marinarra pocca uima teppeza dozo inarrarope dacorani. Naraha poua assire ibaccouarri uazapa atti rrapari taui. Uatide ssamo taui −quenarrari.

Carasiadeniza 6:1

Rrehe ouimecotedeni, Deo Corimecca zossenirriza iboraqquiri tiquenarrarodenipe timecote orraria uimasiriza touedimazapa acco ticanemanarro, onarraro. Deocca touati uanehema mouaraza timecote pina tinatememani-manapomarro. Tiadeni naqui tiadeni tecauemanarri. Tibodideniza: —Ia naqui uaidira tanicca inanerana −tiquenana, onarraro.

1 Tesaronicadeniza 4:8

Arrirraro marinarra madirra ettarromanezape madirra atti ettarromanarrerani. Deo Attina ettarromanarraro. Pina Deo Poua Corime iaza da inarrari uauattarro inanemanarrarissa narraro.

1 Timoti 4:12

Naraha madirra attideni tiaza: —Zabisso tirrani. Ssamo tinani. Tettiza iboraqquiri inaniuarrinequi? −quenazapa ticappine-rrerarri. Attideniza naqui rrehe terrerana, onarraro. Manaco ticca madiera denima bica tinaneza Zeso Cristoza rrehe quenarrarideni qqui toquenazapa pina ticca madiessa inanemananitoui. Uima bicanira uati uati tinezape pouadeni naco uima bicani uatide tocauatterauiuarrine. Madirra bazimaza teti cauanari canezape pouadeni naco touati uanehe tocauatterauiuarrine. Deoza ticca rrehenirri dacorani qqui toquenazapa poccadeni rrehenirri todacoraniuarrine. Uimasiri tinane-rreraniuarrine tia cacauade nauato tinezape pouadeni naco pouadeni cacauade tocauatterauiuarrine.

Ebreodenidsa 1:14

Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.

Ebreodenidsa 9:24

Zeso Cristopa arri namiuarricca —Deo aniuiuarri bica tanicca −quequenanarrariza toqquezima-rrararrari. Narrarope madirra icanauatomanarraro. Deo tazari parrissehecca corimanira. Pouapa memeuarri parrissa Deo madiuiuarrina toqquezimarrari, nauiza icca uima Imehiza uati tazapa Imehi: —Peperriua, ouati rrimani −nauiuarrine.

Apocalipsis 8:2

Zotodepa Deo Poua tezerrema pocca zozosse tabaqqui memeuarricca 7 quenaha domo uauarraniui qqui onabaqquirrari. Pouadeniza rrorro trobeta 7 naha da inarizarrari.