Mateo 17:23 - Kulina New Testament Brazil

²³ Nezape oua inanazoqque-mananitoui. Oua ppa izemaneraha uada pama torrari nezape Abi Deo oua nauatoniuitoui −nade Zeso. Narraro uima uati tazapa ibodi qqueza nade.

Culina Mádija

²³ Nadsapi ohua inanadsoqque-mananitohui. Ohua ppa idsamanaraha huada huatinimade tojari nadsapi Abi Dio ohua nahatonihitohui −nade Jeso. Najaro ima huati tadsapa ibodi qquedsa nade.

Mateo 17:23 Iomraidhean Croise

Mateo 16:21

Zotode Zeso pocca zozosse tabaqqui ia mari tocanabaqquizapa arrama narraride: —Occa Abicca zossenirriza oza panani Zerozareuarri occanitoui. Naniza zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenirrine narrizoue imeni ocasserani onauananitoui. Nezape oua inanazoqque-mananitoui. Neraha oua ppa izemaneraha uada pama torrari nezape Abi Deo oua nauatoniuitoui −nade Zeso.

Mateo 17:9

Nazapa ssonouarri rrauizippaniza Zeso pouadeniza uati tarrari: —Arri ssono tetepiza qqui tiquenarrarocca uimape tecomemanaccana. Ouape Madirra Bedi orrarraroa niza ozoqqueni nattini onauatonizana narraro uima tecomeremananiuarrine bica tani −naui nade.

Mateo 20:19

Zotodepe madirra ouaha zodeo querrena-rrararrarideniza oua da iqueneza narraridenina oua rrarra icanaqquimanarraro, oua cossi inaqquimanarraro nanitoui. Nezape aua porimacossaniza oua inanazoqque-maneza oua ppa izemananitoui. Naraha uada pama torrari neza onauatoninitoui −nade Zeso iaza.

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Maraco 8:31

Zesopa poua uatimadedeni mari icanabaqquizapa arrama narrari: —Arri ouape Madirra Bedi orrarraroa niza zotode narrizoue imeni ocasserani ouanitoui. Zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenipa oua ettarromananitoui. Nezape oua inanazoqque-mananitoui. Naraha oua ppa izemaneraha uada pama torrari nezape Abi Deo oua nauatoniuitoui −naui nade Zeso.

Maraco 9:30

Nazama nauiza nebomanazapa rraui torranirrari. Zama arobeni Carireauarri rraui torreqquimarrari. Naraha Zesopa poua toqqueqquimaui madirra nauatoqquiri nauiuarrine touini narraraza poua cacomaza toqqueqquimarrari.

Huano 16:6

Naraha occanini onani timittemanezape orri tiquenabote neza tibodideni uanacossarraro.

Huano 2:19

Naraha pouadeniza Zeso uati tade: —Rrari, arrirraro Deocca oza ticanarrizomanehe carricanerre uada 3ʼpe ocanauatomanie carricanitoui −nade.