Mateo 16:8 - Kulina New Testament Brazil

⁸ Naraha Zesopa ibodi nauato taza uati tarrari: —Rraho, ticcadeni rrehenirripe bazira tani. Nerrecotoui ouaza: “Rrehe, Zesopa ia tonarripabaqquiuiuarrine parrireui” tiquenerrerani? Nerrecotoui pao ticappiremananicca uimazara uimahaha ticanarraro?

Culina Mádija

⁸ Naraha Jesopa ibodi nahato tadsa huati tajari: —Jaho, ticcadeni jehenijipi badsira tani. ¿Nejecotohui ohuadsa: “Jehe, Jesopa ia tonajipabaqquihijine pajirahi” tiquinejerani? ¿Nejecotohui pan ticappiramananicca imadsara imahaha ticanajaro?

Mateo 16:8 Iomraidhean Croise

Mateo 14:31

Naza Zesopa amazati Pedoro zepeza dama mari izanazapa uati tarrari: —Pedoro, ticca rrehenirri parrirenissa terrerarrarorrine rraro tizanarraroparri. Nerrecotoui ouaza: “Rrehe, Zesopa passo tetepiza occaniuarrine oua naparrireui” terrerarraro? −nade Zeso.

Mateo 16:7

Poua atti nama nazapa iara orriza uati icanirere canade: —Nerrecotoui poua atti nama narrari? Arri irripaniuarrine pao icappirarrarocca uati tarrarirana –inade.

Mateo 6:30

Rraho, ticcadeni rrehenirripe bazira tani! Nerrecotoui tiadenipe “Deo ia touacaua-baqquiui” tiquenerrerani? Arrina, minape etero uezaniuarrine cappireraha Deorrine poni moueni carrizape pina etero bicani uezarrarossa nani. Minape moueni carrini bica teraha uada uada neza qqueze nezape botta ina tani. Neraha minape arrimanicca. Tiadenipe pina arri minassa tiquenerrerani. Deocca cacatize tabaqqui tiquerrenarraro. Nazama Deopa tezemananiuarrinecca etero naqui denima tiadeniza da inanitoui, onarraro −naui nade Zeso.

Mateo 8:26

Nazapa Zeso pouadeniza uati tarrari: —Nerrecotoui ticappinemanarraro? Tiadenipe ouaza: “Rrehe, Zesopa ia touacaua-baqquiuiuarrine parrireui” tiquenerrerarrarorane? −naui nade. Nazapa totemaza rrorrodeza, passoza uati tarrari: —Peperri tarri! −naui nade. Nezape rrorrode, passo rriba rriba narraro naqui zamarrima narraro. Zamarrima nezape passo pozippanissa tarraro.

Maraco 16:14

Zotode naco poua uatimadedeni 11 quenarrari rripade toquerrenauiza Zeso auatomarrari. Pouadenipa: —Rrehe, Zeso nauatoniuirrine parrireui −quena-rraraza uaribodeni didiqquiri naza Zeso uati icanabaqquirrari: —Nerrecotoui occa madirrapa onauatonini qqui toquenaraha pouadeni attiza parrissa tiquenerrerarraro? −naui nade.

Huano 16:30

—Tiape uima bazima nauatorride tirrirani nauatoqquiri inarraro. Rridapanape tiaza uimatoui uati inerrereza naqui, ibodicca icca uatinarra nauato tinani, inarraro. Narrarorrinea parrissa Deouarri ticcaronani nauatoqquiri inarraro −inade Zesoza.

Ebreodenidsa 4:13

Rrehe, Deo bazima inauatorizarraripa uapima qqui tauissa tarrari. Poua qqui tarrarauiuarrine inarrimaui ssamo tani. Icca uima naqui Pouaza auato tarraro. Niza icca uima ecomeraniuarrinepe Poua baccouarri idomo uanitoui.