Mateo 16:21 - Kulina New Testament Brazil

²¹ Zotode Zeso pocca zozosse tabaqqui ia mari tocanabaqquizapa arrama narraride: —Occa Abicca zossenirriza oza panani Zerozareuarri occanitoui. Naniza zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenirrine narrizoue imeni ocasserani onauananitoui. Nezape oua inanazoqque-mananitoui. Neraha oua ppa izemaneraha uada pama torrari nezape Abi Deo oua nauatoniuitoui −nade Zeso.

Culina Mádija

²¹ Dsotode Jeso pocca dodosse tabaqqui ia mari tocanabaqquidsapa ajama najaride: —Occa Abicca dossenijidsa odsa panani Jerosarehuaji occanitohui. Nanidsa jodiodeni ime jocohuideni, dada toqquimade taminedeni, jodiodenicca marinaja maridedeni quinajaridenijine najidsohue imeni ocasserani onahananitohui. Nadsapi ohua inanadsoqque-mananitohui. Naraha ohua ppa idsamanaraha huada huatinimade tojari nadsapi Abi Dio ohua nahatonihitohui −nade Jeso.

Mateo 16:21 Iomraidhean Croise

Mateo 12:40

Narraroa arri Zona pina uatiarrarissa naza aba imehi bodiza uada pama torrari nehe madizarrarissa narrari arri oua Madirra Bedi orrarrarope niza ouatiheza nami bodiuarri uada pama torrari nehe omadinitoui. Pina Zonacca uimassa narraro ouaza torranitoui −nade Zeso.

Mateo 16:22

Naraha Pedoroa Zeso iacca-cca naza uati tarrari: —Rridacca uima uati tinarraro ticca uima nema narraro uimape uati tina terrerarri. Deopa tizoqqueniuarrine nacassera taui. Deo tia cacauaui −naui nade Pedoro.

Mateo 16:28

Ouape parrissehera tiadeniza uati onarraro: Arriza tidomodeni uarraro motadenipe tizoqquemana-rreraccazama arrirraro titezerremadenicca uima qqui tiquenanitoui. Narraroa arri oua Madirra Bedi orrarraroa nizaranibote madirra ouacauabaqquiuiuarrine occa deni torrehema occaronapomanitoui, onarraro −nade Zeso.

Mateo 17:12

Neraha ouattipe: Eriapa ccanipode, onarraro. Arra Eria zoqquerrari ccanipo-rrararaha madirra ouaha pina pouassa narrari ccarronaza uima icattemarizapode. Naraha pouaza noccodeni rrizaqquiri naza nacasserehe pouaza inanemanade. Narrarossa narraro niza oua Madirra Bedi orrarraroa ouaza naco nama quenazapa ocasserani onauananitoui −naui nade Zeso.

Mateo 17:9

Nazapa ssonouarri rrauizippaniza Zeso pouadeniza uati tarrari: —Arri ssono tetepiza qqui tiquenarrarocca uimape tecomemanaccana. Ouape Madirra Bedi orrarraroa niza ozoqqueni nattini onauatonizana narraro uima tecomeremananiuarrine bica tani −naui nade.

Mateo 20:28

Arri oua Madirra Bedi orrarrarope madirra zosse zosse onaniuarrine occarrona-rrerarraro. Madirra acco ocanabaqquiuiuarrinena occarronarraro. Madirra poccadeni uimasiri manaconi pouadeniza ssonari-rreraniuarrine poccadeni uimasiri manaconipe ouana oua ouaccoranitoui −nade Zeso.

Mateo 26:2

—Nauatoqquiri tiquenani uada pama nezape errete Pascoa torranitoui. Ouape Madirra Bedi orrarraroa niza narraro errete torrezape tozepe orranitoui. Aua porimacossaniza oua inanazoqque-mananiuarrine −nade.

Mateo 26:47

Zeso uati uati naccaraha Zoda bacco narronarrari. Zodapa Zesocca zozosse tabaqqui 12 quenarrarideni orraria. Pouana madirra uapi taha eccarronabaqquirrari. Rrazirecca massito eccarronemana, uauacca eccarronemana narraro. Pouadenipa dada toqquimade taminedenicca zossenirri, ime rrocouidenicca zossenirri rrauirronarrari.

Mateo 27:12

Naraha dada toqquimade taminedeni, ime rrocouideni tezerre Piratoza poccadeni maizehe uati toquenarrari. Naraha Zesopa zamarrama narrari.

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Mateo 28:6

Naraha arraza poza-rraraui. Pouapa nauatonipa. Pina poua zoqque-rraraccazama “onauatoninitoui” nanarra naporrarissa narrari. Rrari, poua pozauiuarri qquide ticadezimarri.

Maraco 8:31

Zesopa poua uatimadedeni mari icanabaqquizapa arrama narrari: —Arri ouape Madirra Bedi orrarraroa niza zotode narrizoue imeni ocasserani ouanitoui. Zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenipa oua ettarromananitoui. Nezape oua inanazoqque-mananitoui. Naraha oua ppa izemaneraha uada pama torrari nezape Abi Deo oua nauatoniuitoui −naui nade Zeso.

Maraco 9:12

Nama quenazapa manaco Zeso pouadeniza: —Parrissa, taidepa Eria ccanipouitoui, uima bazima icattemarizaponiuarrine. Naraha oua Madirra Bedi otauimaripe Deorrine Poua Atti cacomeraqquiri narrarideni dozo iquenaporraro. Narraroa arri nanarrizo orrezape ocasserani ouanitoui. Madirra naco oua rrarra icanemananitoui −naui nade Zeso.

Roca 17:25

Naraha ouape Madirra Bedi orrarraroa taide uima onihi, onihi narraro ocasserani onauanaponitoui. Rridapana madirra madimanarrarideni naco oua ettarromanaponitoui −narrari Zeso.

Roca 24:46

Poua atti naco: —Rrehe, Deo Atti dozo nanizape otauimari. Narraroa arri madirra Idinide Cristo-Mesia quequenanarrari ccarronazapa ocasserani imeni inauananitoui. Madirra inanazoqque-manaza ppa izemanaraha uada 3 naza nauatoniuitoui.

Roca 9:31

Pouadeniuarri tossiuarrabaqqui narraro, Deo madiuiuarricca ssiuarrani pouadeniza auatouarranirraro. Zesopa madirra bazimacca uaidirehe manaconi torrauiuarrine Zerozareza inanazoqque-manauiuarrinecca uima uimahaha canarrari Moize, Eria, Zeso quenaza.