Mateo 16:14 - Kulina New Testament Brazil

¹⁴ Naraha ettipe: —Tiaza madirra motapa: “Zouao Batista tirrani” quequenanarrari. Ouahadenipa: “Maittaccazamacca Deo Atti cacomerabote Eria tirrani” quequenanarrari. Ouahadeni naco: “Maittaccazamacca Deo Atti cacomerabote Zeremia tirrani” quequenanarrari. Madirra ouaha attideni naco: “Maittaccazamacca Deo Atti cacomerabote ouaha tirrani” quequenanarrari −inade Zesoza.

Culina Mádija

¹⁴ Naraha ettipi: —Tiadsa madija motapa: “Huano Baotista tijani” quiquinanajari. Ohuahadenipa: “Maittaccadsamacca Dio Atti cacomerabote Eria tijani” quiquinanajari. Ohuahadeni naco: “Maittaccadsamacca Dio Atti cacomerabote Jeremia tijani” quiquinanajari. Madija ohuaha attideni naco: “Maittaccadsamacca Dio Atti cacomerabote ohuaha tijani” quiquinanajari −inade Jesodsa.

Mateo 16:14 Iomraidhean Croise

Mateo 14:2

pocca zozosse tabaqquiza uati tarrari. Erodi attipa: —Arra canauatori canarraripa Zouao Batista zoqqueraha nauatonirrari. Narraro nauatoniherrine canauatori canaui −naui nade tamine Erodi.

Mateo 16:15

Nazapa Zeso iaza uati tarrari: —Neraha tiadenizape nerrecorrari orrani? −nade.

Mateo 17:10

Nazapa Zesoza uati toquenarrari: —Nerrecotoui zodeodenicca marinarra maridedeni attipa: “Cristo-Mesia ccarrona-rraraccazama Deo Atti cacomerabote Eriana taide ccanipouitoui” quequenanarrari? −quenaui nade poua uatimade 3 quenarrarideni.

Mateo 3:1

Uarrano toccaui uapi taza madirra oni Zouaopa zama arobeni onini Zodeacca uamoni ssono carri, siba carri taniuarri madirra maride torrarrari. Pouaza: Batista, quequenanarrari. (Ettizape: Passo dopaniza niniquide, inarraro.)

Maraco 6:15

Naraha madirra ouaha attidenipa: —Zesopa maittaccazamacca Deo Atti cacomerabote madiporrari Eria ccanipomarrari uitiderra −quenaui nade. Madirra ouaha attideni naco: —Arra Zesopa pina maittaccazamacca Deo Atti cacomeraqquiri narraridenissa narrari −quenaui nade.

Maraco 8:28

Naraha pouadeni attipa: —Tiaza madirra motapa: “Zouao Batista tirrani” quequenanarrari. Ouahadenipa: “Maittaccazamacca Deo Atti cacomerabote Eria tirrani” quequenanarrari. Ouahadeni naco: “Maittaccazamacca Deo Atti cacomerabote ouaha tirrani” quequenanarrari −quenaui nade Zeso uatimadedeni attidenipa.

Roca 9:8

Madirra ouaha attideni naco: —Maittaccazamacca Deo Atti cacomerabote Eria nauatonirrari −quequenanarrari. Madirra ouaha attideni naco: —Maittaccazamacca Deo Atti cacomerabote ouaha nauatonirrari uitide −quequenanarrari.

Huano 1:21

Naraha pouaza uati toquenapomade: —Nezape nerrecorrari tirrani? Maittaccazamacca Deo Atti cacomerabote Eria tirraqui? −quenade. Naraha Zouaopa: —Ouape Eria orrarrerani −nade. Nazapa: —Moizecca dozonirriza arra Deo Atti cacomerabote zotode ccarronauitoui quequenanarrari tirraqui? −quenade. Naraha Zouaopa: —Ouape narrari orrarrerani −nade.

Huano 7:12

Nazapa madirra bazima Zeso poua tauimari uimahaha canade. Madirra motapa: —Narraripa maqquiderre bicabotea −quenade. Naraha madirra ouahadenipa: —Iazapa bica tarraraui. Pouapa toponi mamaizade −quenade.

Huano 9:17

Nazapa nocco ssire nimaniuiza uati toquenapomade: —Tiape nerrecoma tani tinocco ssire tonanadezape? −quenade. Naraha nocco ssire nimaniui attipa: —Ouattipe Deo Atti cacomerabote, onarraro −nade.