Mateo 16:1 - Kulina New Testament Brazil

¹ Zesopa zama Macadaoza bacco taza nauicca Izarraeo potemaui zodeodeni mota marinarra onini parizeoza rrehe quenarrarideni, marinarra onini sadoseoza rrehe quenarrarideni tezerre poua qquide rrauirronarrari. Pouadeni bodipa: —Zeso nattome inana, pocca uima tossamoniuarrine −quenazapa Zesoza uati toquenarrari: —Zeso, parrissa Deocca dacorehe ticarrizape memeuarricca nauatohe bicabote auato tinanarri. Qqui inana −quenade.

Culina Mádija

¹ Jesopa dsama Macadaodsa bacco tadsa nahicca Isaraeri potemahi jodiodeni mota marinaja onini pariseodsa jehe quinajarideni, marinaja onini sadoseodsa jehe quinajarideni tedseje pohua qquide jahijonajari. Pohuadeni bodipa: —Jeso nattome inana, pocca ima tossamonijine −quinadsapa Jesodsa huati toquinajari: —Jeso, pajissa Diocca dacorehe ticajidsapi memehuajicca nahatohue bicabote ahuato tinanaji. Qqui inana −quinade.

Mateo 16:1 Iomraidhean Croise

Mateo 12:14

Naraha parizeodenipa zotode nauizapa rraui torreninezapa uimahaha canarrari: —Nerrecoma inanaza Zeso inanazoqqueuiuarrine? −quenarrari. Nazapa narraro uima uati toquenauiuarrine queriqquimanarrari quenade.

Mateo 15:1

Nazapa uada onihiza oza panani Zerozareuarricca zodeodenicca marinarra parizeoza rrehe quenarrarideni, zodeodenicca marinarra maridedeni tezerre Zesoza bacco narronemanarrari. Zesocca zozosse tabaqqui pouadeni zepe ssauaraui rripemanaui qqui toquenazapa Zesoza uati toquenarrari:

Mateo 16:6

Nazama nani darroniza rrassi izeza Zeso iaza uati tarraride: —Tetideni uatorri. Marinarra onini parizeo, marinarra onihi onini sadoseo naqui pina pao ssarra tauiuarrine cacarrima tauimarissa narraro. Parri, narraro tiadeniza torra-rreraniuarrine tiadenipe dacoco tirrirarri, onarraro −nade Zeso.

Mateo 19:3

Naraha nauizapa Izarraeo potemaui zodeodeni mota marinarra parizeoza rrehe quenarrarideni Zesoza nacasseraqquiri naza pocca marinarra inassamomananiuarrine uima narroremanarrari. Zesoza touarriressimanazapa pouaza uati toquenarrari: —Arra maqquiderre pocca amonerreza nacassera taza inebozape pouaza uima noueraqui? −quenade.

Mateo 22:15

Zotodepa Izarraeo potemaui zodeodeni mota marinarra parizeoza rrehe quenarrarideni touarrimanaui naza pouadenira uimahaha canarrari. —Nerrecoma inanaza Zeso atti inassamoza pouaza uima inassonariniuarrine? −quenaui nade.

Mateo 22:18

Zesoza attideni bica taza uati uati toquenaraha poccadeni uaidirehe pouaza auato teza pouadeniza uati tarrari: —Timaizemanarraro! Nerrecotoui occa uima tossamoniuarrine ouaza uati tiquenarraro?

Mateo 22:23

Narraro uadaza Izarraeo potemaui zodeodeni mota marinarra onini sadoseoza rrehe quenarrarideni Zesouarri bacco quenarrari. Poccadeni marinarrape: —Izoqquezape inauatoniniuarrine nouerani −quequenanarrari. —Narraro uimaza Zeso atti irrine tossamoza icamaiza nana −quenaza Zesoza narraro uima uati toquenade:

Mateo 23:2

—Zodeodenicca marinarra maridedeni, marinarra parizeoza rrehe quenarrarideni tezerrepa Moizecca marinarra nauatoqquiri nazapa timittemananissa taniuarrine tiadeni mari mari totocanabaqquimana narrari.

Mateo 27:62

Nezape uada ssiuarra, rrassinarracca uadaza dada toqquimade taminedeni, marinarra parizeoza rrehe quenarrarideni tezerre tamine Piratoza uatide rraui torrapomarrari.

Mateo 5:20

Tiadeniza uati onarraro: Deocca cacaueheza tiquerrenaniuarrinepe Deo Poua nacassa tarraricca tinanemanezana pocca cacaueheza tiquerrenaniuarrine tiparriremanani. Arra zodeodenicca marinarra maridedeni, marinarra onini parizeoza rrehe quenarrarideni tezerrepa Deocca zossenirri cacauade dameraqquiri narrari. Tiadeni naqui pina narrarideni dameraqquiri narrarissa tiquenana. Naraha tiadenipe denima tinaparriremananissa tana. Nema tiquenezape Deocca cacaueheza tiquerrenanitoui, onarraro −naui nade Zeso.

Mateo 9:11

Naraha zodeodeni mota marinarra parizeoza rrehe quenarraridenipa madirra bicaqquiri narrararrarideni tezerre irripani qqui toquenarrari. Narraro uimaza parramaquenarrari nazapa iaza uati toquenarraride: —A nerrecotoui tiadeni maridepa rromanodenicca taminecca zossenirri ziniro nanaccadedeni tezerre, uimasiri carrimanarrarideni tezerre rriparrari? −quenade. (Arra madirra nama narrarideni tezerrepa rripade oppina tani quequenanarrari, parizeodeni, zodeodenicca marinarra maridedeni tezerre.)

Maraco 10:2

Nauizapa zodeodeni mota marinarra parizeoza rrehe quenarrarideni Zesoza nacasseraqquiri naza pocca marinarra inassamomananiuarrine uima narroremanarrari. Zesoza touarriressimanazapa pouaza uati toquenarrari: —Arra maqquiderre pocca amonerre inebozape pouaza uima noueraqui? −quenaui nade.

Maraco 12:15

Zesoza attideni bica taza uati uati toquenaraha poccadeni maizehe pouaza auato teza pouadeniza uati tarrari: —Nerrecotoui occa uima tossamoniuarrine ouaza uati tiquenarraro? Rrari, ouaza ziniro denario zorro ticanarronemanarri, qqui ocanana −naui nade Zeso.

Maraco 12:18

Nazapa Izarraeo potemaui zodeodeni mota marinarra sadoseoza rrehe quenarrarideni Zesouarri bacco quenarrari. Poccadeni marinarrape: —Izoqquezape inauatoniniuarrine nouerani −quequenanarrari. —Narraro uimaza Zeso atti irrine tossamoza inanarrizona −quenaza Zesoza narraro uima uati toquenarrari:

Roca 10:25

Rrassi nauarraniza arra zodeodenicca marinarra maride poua bodipa: —Zeso nattome onana −naza totemaza uati tarrari: —Mamaride nerrecoma oneza camittehe imadi-zanaponicca bacco onaniuarrine? −narrari.

Roca 11:16

Naraha mota bodidenia: —Zeso nattome inana. Nerrecorraricca dacorehe carrirrari? −quenazapa Zesoza uati toquenarrari: —Rrari, parrissa Deocca dacorehe ticarrizape memeuarricca nauatoue bicabote auato tinanarri. Qqui inana, inarraro −quenarrari Zesoza.

Roca 20:23

Pouaza uima inassonarimananiuarrine uati toquenaraha Zeso poccadeni maizehe nauato tarrari. Nazapa pouadeniza uati tarrari:

Roca 20:27

Nazapa Izarraeo potemaui zodeodeni mota marinarra onini sadoseoza rrehe quenarrarideni Zeso madiuiuarri rrauirronarrari. Poccadeni marinarrape: —Izoqquezape inauatoniniuarrine nouerani −quequenanarrari.

Huano 8:6

Nama quenarraripa pouadeni bodi: —Zeso uima zori inanezape pouaza uima inassonariniuarrine −quenarrari. Naraha Zesopa tocatteza naza ssiquiza poua zepeza dozo dozo nade.

Tahimarideni 4:1

Nazapa Pedoro Zouao tezerre uima uatide toquerrenaccaraha dada toqquimade motadeni bacco narronemanarrari. Dada toqquima cacauadedenicca tamine qquezima, zodeodeni mota marinarra onini sadoseoza rrehe quenarrarideni naco rrauizima narrari.

Tahimarideni 5:17

Naraha arra dada toqquimadedenicca tamine deni torrarraripa pocca madirra tezerre comaqquiri narrarideni tocanomireui uima mittemanazapa boquemanarrari. Arra pouadenipa marinarra onini sadoseoza rrehe quenarra narrari.

1 Corintodeniza 1:22

Arra zodeodenipa canauatori canehe auato tani qqui toquenauiuarrine touini quenarrari. Zama Cresiacca madirradenipa touattehe uapi tani tocauatterauiuarrine touini quenarrari.