Mateo 15:32 - Kulina New Testament Brazil

³² Nezape ia pocca zozosse tabaqqui iquerrenarraro Zeso itoui uaua napomazapa iaza uati tarrari: —Madirra bazimatoui ouati cauanariri canani. Uada 3 nehe ouaza rrauirizazapa pouadeni tapari rricarrari. Nema nanipe pouadeniza: “Rraui tirranirri” onaniuarrine nacassera onarraro. Pouadenipa pemi uatiacossarra quenarana −nade Zeso.

Culina Mádija

³² Nadsapi ia pocca dodosse tabaqqui iquejenajaro Jeso itohui huahua napomadsapa iadsa huati tajari: —Madija huapimatohui ohuati cahanariri canani. Huada 3 nehe ohuadsa jahiridsadsapa pohuadeni tapari jicajari. Nema nanipi pohuadenidsa: “Jai tijaniji” onanijine jipera onajaro. Pohuadenipa pemi huatiacossaja camarana −nade Jeso.

Mateo 15:32 Iomraidhean Croise

Mateo 12:40

Narraroa arri Zona pina uatiarrarissa naza aba imehi bodiza uada pama torrari nehe madizarrarissa narrari arri oua Madirra Bedi orrarrarope niza ouatiheza nami bodiuarri uada pama torrari nehe omadinitoui. Pina Zonacca uimassa narraro ouaza torranitoui −nade Zeso.

Mateo 14:13

Zesopa —Zouao Batista zoqqueui −quenaui uima mittazapa poua motta madiuiuarrine madirra madide nouerauiuarri darroniza rrauirrarraro ia bazima. Naraha madirra bazimapa —Zeso toccaui −quenaui uima mittemanaza oza onihi onihi narizanicca madirra Zeso pouatoui coriza uapi rraui torrabacossarrari. (Zotoriniuarri rraui uarranirrari).

Mateo 15:33

Naraha pocca zozosse tabaqqui iquerrenarraro ettipe: —Neraha iape madirra madide nouerauiuarri iqueriqquizape nerrecouarri madirra bazima rripemanauiuarrine zamatapa mitta inapazarra? −inarrarode.

Mateo 20:34

Nazapa Zeso touideni uati uana taza noccodeni bara inabaqquizapa amazati noccodeni ssire-re nade. Nazapa Zesoza touedade.

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Mateo 9:36

Zeso madirra pouatoui rrauirronana canaui qqui inabaqquizapa pouadenipa pina eueue pouadeni cacauade rriraha pouama mamadiri narizemanarrarissa quenarrari. Nama quenazapa Zeso poua bodiza: —A, touati nauanaqquiri naui −naza pouadenitoui uati cauanariri canarizarrari. Madirra bazimapa pouadeni acco canade, pouadeni maride cappiremanazapa pina eueue pouadeni cacauade noueraza nanarrizo toquerrenarrarissa quena taui.

Maraco 9:22

—Uarrirriraza quiza inanazapa zippoza naco ihinassonizana narrari. Passoza naco ihinassonippa nanarra narrari, inanazoqqueuiuarrine. Nezape Zeso tiana nauato tinanitide. Iaza teti uana tarri, ia acco ticanabaqquiniuarrine −naui nade Zesoza.

Roca 7:13

Naraha Zesopa poniza uati uana tazapa: —Orri terrerarri −narrari.

Tahimarideni 27:33

Nezape ssiuarrabote naza rripemanauiuarrine Paoro ua inabaqquide: —Rrehe, rridapana uada 14 nehe tossoniqquimaraha oppina tezape ticattomama canarrarorrine tirripemananissa terrerani.

Ebreodenidsa 4:15

Arra icca uima Deoza uauati toqquimade deni torrauicca Zeso pina iassa naha namiza madizapa uimasiri totonanade nattome inarrari. Pina ia nanattome narrarissa narrari. Uimasiri totonanade attia: —Zesopa ouattiza ibora taco? Ibo tarana? −naraha Zesopa Imehi Deozara ibora taza uimasiri inana-rrerarraro. Nama nazapa iaza uati uana taui. Ibodi mirrira tani nauato taza ia acco canade nacassa taui.