Mateo 15:10 - Kulina New Testament Brazil

¹⁰ Zotodepa Zeso madirra pouauarri rrauirronauiuarrine touideni uaua narrari. Pouauarri bacco narronemanaza Zesopa: —Rrari, ouatti titauaribobo canarri timittemananissa taniuarrine −nade.

Culina Mádija

¹⁰ Dsotodepa Jeso madija pohuahuaji jahijonahijine tohuideni huahua najari. Pohuahuaji bacco najonamanadsa Jesopa: —Jari, ohuatti titaharibobo canaji timittamananissa tanijine −nade.

Mateo 15:10 Iomraidhean Croise

Mateo 13:19

Nocco uira inarizarrari mota rrauiuarri catorrarraripa pina madirra Deocca cacauehe tauimarini mittemanaraha rra quena-rraraza pina mittemaneraui nazapa bodideniza Deo Atti toqquezima-rrerarrarossa narraro. Arra ppiriri nocco saca inarizarraripa pina maizehe rrinede Tocorime-Tamine ccarronaza bodideni inassamobaqquirrarissa narraro. Nazapa Deo Atti pouadeniza nouerarraro.

Mateo 15:11

—Tiadenizape rrirripa oppina tauicca carri taui. Madirra nama nauicca rripazapa tettidenipe: “Deoza bica terrerani, Moizecca marinarraza naqui oppina tani” titiquena narraro. Naraha ouattipe arrima narraro: Uapima itaparipa dappi inaza ibodiza torrazapa uimasiri torra-rrerani. Neraha ebenoza uati uati ihinanarrarorrinena madirraza uimasiri ihinanemana narraro −nade Zeso.

Mateo 15:9

Pouama ouaza rriri rriri quequenanarrari. Pouadeni maride naco: ‘Deo Atti mari mari inarraro’ quequenanaraha madirracca marinarrara mari mari nanarizemana narrari” napoui nade Deo Atti −nade Zeso.

Mateo 24:15

Zesopa zama rricanicca uima denima ia mari tocanabaqquirrari. Pocca marinarra ua tiquenezape timittemananissa tarri. Poua attipa: —Niza zodeo querrena-rrararraridenirrine Deoza dada toqquimauarri oppinabote corime uezazapa toppinanitoui. Nezape pouadenirrine icca madirra zodeodenipa icappinaqquimanaza Deoza dada toqquima parri inebomanarinitoui. Narraro uimape maittaccazama Deo Atti cacomerabote Danieo dozo inaporraro. Narraro uima torrani qqui tiquenezape tidomo toccarri, onarraro.

Roca 24:45

Nazapa Deo Atti dozo naponicca mittemanauissa tauiuarrine bodideni acco icanabaqquirrari.

Epesodeniza 1:17

Deopa ia Zozossede Zeso Cristocca Abi bica tarrari. Pouaza uati oneza naqui: —Abi Deo, pouadeniza Ticorimecca touattehe, nauatoue tinanarizarri −ohonanarraro. Pocca nauatoue tibodideniza ani inezape Deocca parrissehe tiadeniza auato taniuarrine. Deo naco tiadeniza torrizerara zanapouiuarrine.

Corosadeniza 1:9

Nezape titauimarideni imittaponizama titouideni Deoza uatide inebo-rrerarraroparri. Deo Poua nacassa tauicca nauatoqquiri tiquenanissa taniuarrine ineza Pouaza uati uati ihizanapo narraro. Tiadeniza Poua Corimecca nauatoue, pocca touattehe bazima da inaniuarrine ineza Pouaza uati uati ihizanapo narraro.

Satiacocca 1:5

Tibodideni ssamoqquiri tiquenezape Deocca nauatouetoui Pouaza uati tiquenarri. Deopa tiadeniza da inanitoui. Pouapa bazimaza accora tarrari. Tiadeniza: —Poni. Ssamoqquiri tiquenani −narrarauitoui.