Mateo 14:2 - Kulina New Testament Brazil

² pocca zozosse tabaqquiza uati tarrari. Erodi attipa: —Arra canauatori canarraripa Zouao Batista zoqqueraha nauatonirrari. Narraro nauatoniherrine canauatori canaui −naui nade tamine Erodi.

Culina Mádija

² pocca dodosse tabaqquidsa huati tajari. Herode attipa: —Aja canahatori canajaripa Huano Baotista dsoqqueraha nahatonijari. Najaro nahatonihejine canahatori canahi −nahi nade tamine Herode.

Mateo 14:2 Iomraidhean Croise

Mateo 11:11

—Nazama parrissehera tiadeniza uati onarraro: Arri namiza madimanarizarrarideniza naco madirra ouaha pina Zouao Batistassa narrari noueraui. Zouao Batista pouarrinena madirra bodideni otauimaritoui Deocca cacauehecca uima zati inanarrorabaqquiporrari. Narrarorrine Zouaopa namiza madimanarizarrarideni bazimaza deni torrarrari. Naraha niza zotode madirrapa Deocca cacauehecca uima zati torrani qqui toquenaza narraroza toquerrenazapa pouadenipa Zouao Batistaza deni toquerrenauitoui. Madirra arramani torrarrari pina touati nauana tarrari poua naco Deocca cacaueheza torrazapa poua naco Zouao Batistaza deni torrauitoui −nade Zeso.

Mateo 16:14

Naraha ettipe: —Tiaza madirra motapa: “Zouao Batista tirrani” quequenanarrari. Ouahadenipa: “Maittaccazamacca Deo Atti cacomerabote Eria tirrani” quequenanarrari. Ouahadeni naco: “Maittaccazamacca Deo Atti cacomerabote Zeremia tirrani” quequenanarrari. Madirra ouaha attideni naco: “Maittaccazamacca Deo Atti cacomerabote ouaha tirrani” quequenanarrari −inade Zesoza.

Mateo 3:1

Uarrano toccaui uapi taza madirra oni Zouaopa zama arobeni onini Zodeacca uamoni ssono carri, siba carri taniuarri madirra maride torrarrari. Pouaza: Batista, quequenanarrari. (Ettizape: Passo dopaniza niniquide, inarraro.)

Maraco 6:14

Nazama zama arobeni Carireauarricca tamine Erodipa Zesocca uima uati toquenaui mittarrari. Zeso canauatori canarizauicca uima naqui torraribaqquirre narraro. Nazapa Erodi attia: —Zesopa Zouao Batista zoqqueraha nauatonirrari. Narraro nauatoniherrine canauatori canaui −naui nade.

Maraco 8:28

Naraha pouadeni attipa: —Tiaza madirra motapa: “Zouao Batista tirrani” quequenanarrari. Ouahadenipa: “Maittaccazamacca Deo Atti cacomerabote Eria tirrani” quequenanarrari. Ouahadeni naco: “Maittaccazamacca Deo Atti cacomerabote ouaha tirrani” quequenanarrari −quenaui nade Zeso uatimadedeni attidenipa.

Roca 9:7

Nazama zama arobeni Carireauarricca tamine Erodipa Zesocca uima uati toquenaui mittarrari. —Zesopa canauatori canarrari −quenaui mittazapa Erodi poua bodiza: —Uima nerrecoma narrarona parri? −narrari. Madirra motadeni attidenipa: —Arra canauatori canarraripa Zouao Batista nauatonirrari −quequenanarrari.

Huano 10:41

Nauiza madizapa madirra uapi taha Zeso qquide rraui torrarrari. Nauizana Zouao Batista tauimari bodideni uatome-manaza uimahaha canarraride: —Rrehe, parrissa. Zouaopa canauatori cana-rrararaha pocca uatinarrape Zeso tauimari uati tapouissa naderra −quenade.