Mateo 13:57 - Kulina New Testament Brazil

⁵⁷ Nazapa poua atti mittade tonacasseremanarrari. Nazapa Zeso attia: —Ouaza parrissa tiquenerrerezape pina Deo Atti cacomeraqquiri narrarideni tauimarissa tinanemanarraro: Madirra bazimapa arra Deo Atti cacomeraboteza: “Parrissa Deocca zossenirriua” quequenanaraha arra poua zamariccapa nama quena-rraraui, pocca ozacca naco poua attiza nacasseraqquiri naha nama narronemanarrari −nade.

Culina Mádija

⁵⁷ Nadsapa pohua atti mittade tojiperamanajari. Nadsapa Jeso attia: —Ohuadsa pajissa tiquinejeradsapi pina Dio Atti cacomeraqquiri najarideni tahimarissa tinanamanajaro: Madija huapimapa aja Dio Atti cacomerabotedsa: “Pajissa Diocca dossenijia” quiquinanaraha aja pohua dsamariccapa nama quina-jarahi, pocca odsacca naco pohua attidsa jiperaqquiri naha nama najonamanajari −nade.

Mateo 13:57 Iomraidhean Croise

Mateo 11:6

—Arra madirra mota attidenipa: “Zesopa Cristo-Mesia rraraui, pocca uimape onihi, Cristo-Mesiacca uimassa nerrerani” quenaraha madirra mota nama quena-rrararrari attidenipa: “Parrissa Zesopa icca Mesia” quenaza pouadenizana Deo pocca biquehe inananitoui. Arrirraro uima bazima Zouaoza uati tinanimanana −nade Zeso atti.

Mateo 13:58

Nazapa nauiuarricca madirra Zesoza parrissa quena-rrarazapa poua canauato-uarrapoui canauicca uapi terrerani. Madirra pamahara inanomibaqquirraride.

Maraco 6:1

Nazapa Zeso poua madiuiza nebo poua napiuiuarrina toccanirrari. Poua uatimadedenima rraui torranirrari.

Maraco 6:14

Nazama zama arobeni Carireauarricca tamine Erodipa Zesocca uima uati toquenaui mittarrari. Zeso canauatori canarizauicca uima naqui torraribaqquirre narraro. Nazapa Erodi attia: —Zesopa Zouao Batista zoqqueraha nauatonirrari. Narraro nauatoniherrine canauatori canaui −naui nade.

Maraco 6:3

—Naraha arrarraripa aua cocobade rraraco? Aua cocobadederra, Maria bediua! Poua imecotedeni naco: Tiaco, Zoze, Zoda, Simao quenarrariparrade. Poua caripenedeni naqui arri imadiniza madimana-rreraqui? Madimanani −quenaui nade. Nazapa poua atti mittade tonacasseremanarrari.

Maraco 6:4

Nazapa Zeso attia: —Ouaza parrissa tiquenerrerezape pina Deo Atti cacomeraqquiri narrarideni tauimarissa tinanemanarraro: Madirra bazimapa arra Deo Atti cacomeraboteza: “Parrissa Deocca zossenirria” quequenanaraha arra poua zamariccapa nama quena-rraraui. Poua imecotedeni, pocca ozacca naco poua attiza nacasseraqquiri naha nama narronemanarrari −naui nade.

Roca 4:24

Nazapa denima uati zanaporrari: —Parrissehera tiadeniza uati onarraro: Maittaccazamacca uimape arrima narronarraro: Deo Atti cacomerabote pocca zamaza bacco naniza naco pocca madirrapa poua attiza nacasseraqquiri narrari. Pina rridapana tiadeni naqui oua arri occa zamauarri bacco onanirraroraha ouaza parrissa tiquenerrerani.

Roca 7:23

—Arra madirra mota attidenipa: “Zesopa Cristo-Mesia rraraui, pocca uimape onihi, Cristo-Mesiacca uimassa nerrerani” quenaraha madirra mota nama quena-rrararrari attidenipa: “Parrissa Zesopa icca Mesia” quenaza pouadenizana Deo pocca biquehe inananitoui. Arrirraro uima bazima Zouaoza uati tinanimanana −narrari Zeso.

Huano 4:44

Nauizana Zeso Deo Atti cacomeraqquiri narrarideni tauimarideni uati tarraride: —Poccadeni madirrapa pouadeniza: “Deni tirrani” quena-rraraha nama narronemanarrari −narraride Zeso.

Huano 6:61

Pouadenira attitti cosseri naui Zeso nauato tazapa pouadeniza uati tade: —Arri uima uati uati onarrarope tiadeniza ocassera tarraroqui?