Mateo 13:52 - Kulina New Testament Brazil

⁵² Nazapa iaza Zeso attia: —Nema nezape zodeodenicca marinarra maridedeni Deocca cacauehe tauimarini zatiza toquerrenazapa pina oza rrinedessa quenarrari. Oza rrinedepa poua zepetarri oza bodiuarri ecauarrari. Tozepetarri rradaui carri, tozepetarri zati naco carri narrari. Nazapa poua bodi nauato taza tozepetarri rradaui zorro inine taui. Tozepetarri zati naco zorro inine tani. Nazama arra Deo Atti maridedeni madirra maride toquerrenazapa Deo Atti dozo naporrarocca, Deocca cacauehe tauimarini zati tazarrani maride nauatoqquiri narrari −nade Zeso.

Culina Mádija

⁵² Nadsapa iadsa Jeso attia: —Nema nadsapi jodiodenicca marinaja maridedeni Diocca cacahuehe tahimarini dsatidsa toquejenadsapa pina odsa jinedessa quinajari. Odsa jinedepa pohua dsepetaji odsa bodihuaji ecahuajaro. Todsepetaji jadani caji, todsepetaji dsati naqui caji najari. Nadsapa pohua bodi nahato tadsa todsepetaji jadani dsojo inine tani. Todsepetaji dsati naqui dsojo inine tani. Nadsama aja Dio Atti maridedeni madija maride toquejenadsapa Dio Atti dsodo napojarocca, Diocca cacahuehe tahimarini dsati tadsajani maride nahatoqquiri najari −nade Jeso.

Mateo 13:52 Iomraidhean Croise

Mateo 12:35

Nazama madirra bica tarraripa poua bodiza uima bicani ecauezape uima bicanira uati uati tatarra nauitoui. Naraha madirra bica tarrararraripa poua bodiza uima uaidira tani ecauezape uima uaidira taniccara uati uati tatarra nauitoui.

Mateo 13:51

Nazapa Zeso iaza uati tarrari: —Nirra? Occa uima arri tiadeni mari mari ohocanabaqqui narraro timittemananissa taqui? −nade. Nazapa: —Rrehe, imittani −inade, ia bazima.

Mateo 13:53

Nazama Zesopa pocca marinarra arrirraro namiza imadinicca uima tazarrani uatide rricazapa nauiuarri neboza

Mateo 23:34

Nema nezape tiadeniza Deo Atti cacomeraqquiri narrarideni, Deorrine nauatoqquiri narrarideni, Deo Atti parrissehecca mamaridedeni zosse onarizabaqquiuitoui. Naraha motapa tinanazoqque-baqquimanauitoui. Motapa aua porimacossaniza tinanazoqque-baqquimanauitoui. Motapa zodeodenicca Deo Atti mamariuarri titacossimanaza biqueremanauitoui. Motapa oza onihiuarri oza onihiuarri moua tinabaqquimana-rizauitoui.

Mateo 28:19

Nema nezape zama bazimaza otauimari maride rraui tirrarizarri. Madirra ouaza toquerrenauiuarrine maride dameraqquiri tiquenarri. “Rrehe, Zesoza iquerrenana” quenazapa Abi Deo onima, oua Deo Bedi oua onima, Deo Corime onima passo dopaniza niqui niqui titizanabaqquimana nana, onarraro.

Roca 11:49

—Nazama Deopa Poua bodi nauato tapozapa arrama narrari: “Madirradeniza Ouatti cacomeraqquiri narrarideni zosse onabaqquiuitoui. Occa zozosse tabaqqui naco pouadeniza zosse onabaqquiuitoui. Naraha motapa inarriquemanauitoui. Motana rricauiuarrine itaqquizo-rizemanauitoui” napoui nade Deo.

Huano 13:34

Nazama arrirrarope occa zossenirri zati: Tiadenipe tetideni cauanerara canana. Pina arri oua tiadeniza ouati uana tarrarossa narraro tiadeni naqui ouaza parrissa quenarrarideniza tetideni uanaqquiri nana, onarraro.

2 Corintodeniza 6:10

Pina orri inarrarossa naraha nema nehe Deoza etizerraro. Pina icappirarrarossa naraha Deocca danirri uima bicani icarrirraro. Irrine naqui Deocca danirri madirra bazimaza torrarizarraro.

Epesodeniza 3:4

Narraro ua timanimanezape timittemananissa tanitoui. Nazana: —Parrissa, Paoropa Deocca uima bicani Zeso Cristo tauimari nauato tarrari −tiquenanitoui.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.

Corosadeniza 1:7

Imecote bicabote Epafra pouana Zeso Cristo tauimari tiadeni mari tocanabaqquirraride. Poua naco Zeso Cristocca zozosse torrarrari, iazama zepe irrirrari. Epafrapa Zeso Cristoza damera tazapa tiadeni tonauattabaqquiuiuarrine zepe ihirri narraride.

Corosadeniza 3:16

Zeso Cristocca marinarra bicabote tibodideniza madi-zanapona. Arri tiadeni bazima Deocca touattehema titessedeni tezerre arriuarri mari, arriuarri mari titicanabaqquimana narro. Deocca touattehema naqui titessedeni tezerre arriuarri nauatize, arriuarri nauatize titiquena narri. Deoza tetizemaneza naqui rriri rriri titiquena narri. Arri Dabicca rrirriricca rriri rriri titiquena narri. Arri Deo Atti dozo nanicca rrirriri torraniza naqui rriri rriri titiquena narri. Deo Corimerrine rrirriri ticanauatomanaza naqui rriri rriri titiquena narri. Rriri rriri titiquena neza naqui tibodideni: —Rrehe Abi Deo, peperri. Ticca danirri iaza bica tani −titiquena narri.

1 Timoti 3:6

Zesoza rrehe quenarrarideni cacauade torrauiuarrinepa madirra Zesoza rrehe zatipa poua. Nama nazapa poua atti: —Ouana deni orrani −narana. Nama nazapa manaco Deopa inarrizorana. Pina maittaccazama Deoza Tocorime-Tamine attipa: —Ouana deni orrarraro, tiape arrimani tirrani −naporrarissa narrarauiuarrine.

Titodsa 1:9

Nazama Zesoza rrehe quenarrarideni cacauade torrauiuarrinepa arra Zeso tauimari parrissehecca poua mari icanemanaporrariza damera tarrarina bica taui. Naui pouarrine pocca marinarra Deo Atti parrirenissa tezape pocca mamari tabaqquicca rrehenirri todacorani naniuarrine. Naui pocca marinarra ettarromanarrarodeni naco pocca marinarraza: —Rrehe, parrissa −quenauiuarrine.