Mateo 13:37 - Kulina New Testament Brazil

³⁷ Nazapa ia mari tocanabaqquirrari: —Rrehe, ouape Madirra Bedi orrarraroa pina tirico bicaui uiuiradessa onarraro.

Culina Mádija

³⁷ Nadsapa ia mari tocanabaqquijari: —Jehe, ohuapi Madija Bedi ojajaroa pina trigo bicahi huihuiradessa onajaro.

Mateo 13:37 Iomraidhean Croise

Mateo 10:40

Zesopa pocca zozosse tabaqquiza denima uati tarrari: —Madirrapa pocca ozauarri rraui tirrezimaniuarrine tiadeniza poua attipa: “Rrehe, Zeso tauimari teccarronemanarraro bica tani. Rraui tirrezimarri!” naza narrari madirrapa tiadeniza bica tazapa ouaza naco bica tarrari. Ouaza bica tazapa oua Cazossede Abi Deoza naco bica tarrari −nade Zeso.

Mateo 13:24

Zesopa pocca marinarra arrirraro namiza imadinicca uima tazarrani madirra mari icanabaqquipomarrari: —Rrehe, Deocca cacauehe tauimarini onihi naqui pina uizarra rrinede pocca uizarrauarri zamatapa nocco bicaui uira inarizarraricca uimassa narraro.

Mateo 13:27

Naza uizarra rrinedecca zozosse tabaqqui qqui toquenaza pouadeni zossedeuarri rraui torranizapa uati toquenarrari: “Ia zossede tirico noccora ticca uizarraza uira tarrararrarittaco? Nerrecouarricca mina pocani pina tiricossa narraro nocconi ccarronarrarotte? inarraro” quenarrari.

Mateo 13:4

Nocco zamatapa uira inarizarrari. Naraha motapa rrauiuarri catorrarra narrari. Nazapa ppiriri rrauironaza amazati saca iquenarrari.

Mateo 13:41

Naraha niza ouape Madirra Bedi orrarraroa memeuarri omadipomaza occa zozosse tabaqqui memeuarricca zosse onaronariza-baqquizapa uimasiri mamaridedeni, uimasiri totonanadedeni tezerre bazima icatterrizabaqqui-manauitoui, Deocca cacaueheza toquerrena-rrarauiuarrine.

Mateo 8:20

Naraha Zesopa pouaza uati tarrari: —Ouaza ticcarizaniuarrine tiparrire-rreranitide. Arrana zouazouapa odinedeni carririzemanaui. Ppiriri naco tazarideni carririzemanaui. Arri oua Madirra Bedipe oza ocappirani. Ouadaniuarrinecca uauada ocappirani −nade.

Roca 10:16

Naraha denima pocca mamari tabaqquiza uati uati tarrari: —Tiadenipe otauimari tecomerarizemanezape madirra tettideniza rrehe quenazapa ouaza naco rrehe quenarrari. Nazama madirra ouahadeni tiadeni touattarro-baqquizapa ouaza naco uattarrorro tarrari. Ouaza uattarrorro tazapa arra oua cazosserrariza naco uattarrorro tarrari −narrari Zeso atti, pocca mamari tabaqqui rraui torrarizauiuarrine zosse inabaqquirrariza.

Huano 13:20

—Parrissehera tiadeniza uati onarraro: Madirra occa zossenirriza rrauirizarrarideniza: “Rraui tirrezimarri” quenazapa pina ouaza: “Tiqquezimarri” quenarrarissa narrari. Madirra ouaza rrehe quenazapa oua cazosserrariza naco rrehe quenarrari −nade Zeso.

Huano 20:21

Nazapa Zeso uati tapomade: —Ticappinemana-rrerarri. Deocca biquehera tiadeniza torrana. Pina occa Abi oua zosse naronarrarissa narraro oua naqui tiadeni zosse onarizabaqquina −nade.

Tahimarideni 1:8

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Romanodenidsa 15:18

Ouatizezape arrirraro uimara uati uati onarizanitoui: Cristo oua tonadacorazapa zodeo querrena-rrararrarideni Deoza iboraqquiri onanabaqquirrari. Ouatti mittemanaza, occa madie naqui qqui toquenarrarirrine Zeso Cristoza parrissa quenarrari.

Ebreodenidsa 1:1

Maittaccazama Deopa Poua Atti cacomeraqquiri narraridenizana uati taza narraridenina icca idideniza uati uati ihiqquimemana narraro. Deopa pocca zossenirri, madirra pouadeni tezerremacca uima auato inanarrarope onihi onihi inanarraro. Naraha Poua Attiza uati taui orrari-rrerani. Poua Atti cacomeraqquiri narraridenicca uadaza naqui auato inanarraro, bodideni naco inauattabaqquirrari.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.