Mateo 13:36 - Kulina New Testament Brazil

³⁶ Nazapa nauiza Zeso madirra bazima inebobaqquizapa toqquemoranirrari. Ozauarri toqquezimanizapa nauiza pocca zozosse tabaqquideni iape pouauarri uarrirrira ineza uati inarraro: —Rrari, rridacca uizarracca arroi rrizaza tirico tezerre mina pocani carrimani tauimarini uati tinaporraro iaza uati timanipomarri, imittanissa taniuarrine, inarraro −inade.

Culina Mádija

³⁶ Nadsapa nahidsa Jeso madija huapima inebobaqquidsapa toqquemoranijari. Odsahuaji toqquedsimanidsapa nahidsa pocca dodosse tabaqquideni iapi pohuahuaji huajijira inadsa huati inajaro: —Jari, jidacca huidsajacca aroso jidsadsa trigo tedseje dsero quejemani tahimarini huati tinapojaro iadsa huati timanipomaji, imittanissa tanijine, inajaro −inade.

Mateo 13:36 Iomraidhean Croise

Mateo 13:1

Zotodepa narraro uadaza Zeso ozaza qquenazapa coriza inidicca ssiquiuarri toqquezippaza uittarrari.

Mateo 13:11

Naraha Zeso iaza ecomerade: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Neraha rridapanana Deo Pouarrine pocca cacauehe tauimarini zati tiadenizana auato tani. Naraha madirra motapa Deo Pouarrine pouadeniza auatora teza mittemana-rrararrari −nade.

Mateo 13:18

Nazama Zesopa pocca marinarra arrirraro namiza imadinicca uima tazarrani mari icanabaqquipomaza naco poua attipa: —Rrari, titauaribomananissa tarri! Uizarra ppappadecca uimape arrima narraro:

Mateo 13:25

Zome bazima cauadirrazapa poua uauadide ccarronarraria arroi rrizaza tirico bicaui tetepiza mina nocconi pina tiricossa narraro uira inarizarraro. Uira inarizehe rriquezape arra uizarra rrinedeza uadi tarraripa toccanirrari.

Mateo 14:22

Nazapa canauatori canauicca pao rripemanaui nattipa Zeso pocca zozosse tabaqqui ia coriza rrippeuarri ia zosse tabaqquiporrari: —Rrari, darroniza rraui tirrezeza taide rrippeuarri rraui tirraporri, onarraro −nade. Naraha Zeso pouapa nauiza iboccarrari. Nazapa madirra bazimaza uati tarrari: —Peperri, bazima rraui tirranina −nade.

Mateo 15:39

Zotode madirra bazimaza Zeso attipa: —Rrehe, rridapanana rraui tirraninissa tana −narrari. Nazapa Zeso darroniza toqquezanipomarrari. Coriza rrippeuarri rrauirrezape zama Macadaouarri bacco inarraro.

Mateo 9:28

Nazapa Zeso oza bacco tazapa toqquezimarrari. Naraha nocco siri pamaha uedarronarraripa Zesoza touarriressimanaza Zeso pouadeniza uati tarrari: —Rrari, ouaza tibodidenipe nerrecoma tiquenani? “Ia tonanomibaqquiuiuarrine parrirerrari” tiquenarraroqui? −nade. Nazapa: —Rrehe ia Zozossede, ia tinanomibaqquiniuarrine nauato tinani, inarraro −quenade.

Maraco 4:34

Pouadeniza uati tazapa arrirraro namiza imadinicca uimazara mari mari ihicanabaqqui narrari. Naraha zotode pocca mamari tabaqquizana pocca marinarra inauattabaqquirrari.

Maraco 6:45

Nazapa canauatori canauicca pao rripemanaui nattipa Zeso poua uatimadedeni coriza rrippeuarri zosse inabaqquiporrari: —Rrari, darroniza rraui tirrezezape taide oza panani Besaidauarri rraui tirraporri, onarraro −naui nade. Naraha Zeso pouapa iboccarrari. Nazapa madirra bazimaza naco uati tarrari: —Peperri, rraui tirranina −naui nade Zeso.

Maraco 7:17

Nazapa Zeso madirra inebobaqquizapa ozaza toqquezimarrari. Nauiza poua uatimadedeni pouaza uati toquenarrari: —Ia Maride ticca marinarra nerrecoma narraro? −quenaui nade.

Maraco 8:9

Naza madirra rripemanarraridenipa 4 mil quenarrari. Rripemanaha rricazapa Zeso zosse inanibaqquirrari nade.