Mateo 13:25 - Kulina New Testament Brazil

²⁵ Zome bazima cauadirrazapa poua uauadide ccarronarraria arroi rrizaza tirico bicaui tetepiza mina nocconi pina tiricossa narraro uira inarizarraro. Uira inarizehe rriquezape arra uizarra rrinedeza uadi tarraripa toccanirrari.

Culina Mádija

²⁵ Dsome huapima cahadijadsapa pocca huadi ccajonajaria aroso jidsadsa trigo bicahi tetepidsa dsero nocconi pina trigossa najaro huira inaridsajaro. Huira inaridsaha jicadsapa aja huidsaja jinededsa huadi tajaripa toccanijari.

Mateo 13:25 Iomraidhean Croise

Mateo 13:24

Zesopa pocca marinarra arrirraro namiza imadinicca uima tazarrani madirra mari icanabaqquipomarrari: —Rrehe, Deocca cacauehe tauimarini onihi naqui pina uizarra rrinede pocca uizarrauarri zamatapa nocco bicaui uira inarizarraricca uimassa narraro.

Mateo 13:26

Nazapa tirico bicaui moro tarrari, bono carrirrari. Mina pocani pina tiricossa narraro naqui moro tarraro.

Mateo 13:27

Naza uizarra rrinedecca zozosse tabaqqui qqui toquenaza pouadeni zossedeuarri rraui torranizapa uati toquenarrari: “Ia zossede tirico noccora ticca uizarraza uira tarrararrarittaco? Nerrecouarricca mina pocani pina tiricossa narraro nocconi ccarronarrarotte? inarraro” quenarrari.

Mateo 13:29

Naraha rrinede attipa: “Poni! Narraro mina pocani pore tiquenerrerana. Tirico naco zoppa tiquerana” narrari.

Mateo 13:30

“Paparraccaua, pamaha napimanaccana. Niza tirico bono rradazana auato tauitoui. Nazana bonotoui edema ti tiquenarizauiuarrine bica taui. Nazapa titidedeniza arrima onanitoui: Rrari, taide mina pocani ti tiquenapona, onanitoui. Tide rricaza ponira ua naqquizape rrore nacossezana botta tiquenarri, onanitoui. Naraha tirico bicaui bonotoui edema ti tiquenazapa occa ozauarri ouaza torrauiuarrine rrore rrore tanimanarro, onanitoui” narrari uizarra rrinede atti. Rrehe, Deocca cacauehepe narraro uimassa narraro −nade Zeso.

Mateo 13:39

Naza mina pocani nocconi uiuiradepa uizarra rrinedeza uauadide Tocorime-Tamine. Nazama niza tirico bono rradaza ti nauiuarrinecca uada bacco tarrarope pina niza zama rriqueza Deo Pouaza toquerrenarrarideni icatterriza-baqquiuiuarrine tauimarissa narraro. Arra tirico titidedenipa Deocca zozosse tabaqqui memeuarricca.

Mateo 25:5

Nezape rraui torrarraro, boroniza bacco toqueneraha zabisso uenabote narrari narrozapa zouatodeni cauadirrabote nezape naniza cauadirrarraro.

Carasiadeniza 2:4

Narraro uissinarracca uimape nouereraha zodeodeni motapa narrarotoui dameraqquiri narrari. Narraridenipa Zeso Cristoza parrissa quenaraha maizemanarrari. Pouadenipa iqueriqquiniza rrauizimarrari, ia noccozade. Zeso Cristo tauimarirrine Moizecca marinarraza imadi-rrereraha narraridenina Moizecca marinarraza ia tonananibaqquiuiuarrine touini quenarrari.

Ebreodenidsa 12:15

Timecotedeni Deoza rrehe quenarrari acco ticanabaqquimanana, Deoza paparra quena-rrarauiuarrine. Paparra quenazapa Deocca danirri touati uanehe zori tocanireuitoui. Deo Attiza bodi nacassera tarraripa tiadeniza carrima-rrarana. Narraripa pina aua bidabote rrabo bidenessa narrari. Pocca nacasserehe tiadeniza torrerana.

1 Pedoro 5:8

Parri, tinoccodeni panarri! Deoza uauadide, tiadeniza uadide naco Tocorime-Taminepa pina zomarri imehibotessa narrari. Ia quino nauiuarrine totororo narizarrari. Tibodideni uatome-mananissa tarri, Tocorime-Tamine tiadeni tonauaidirabaqqui-rrarauiuarrine.

2 Pedoro 2:1

Maittaccazama Izarraeo potemauideni madimanapozapa maizehe uauatidedeni pouadeniza animanaui quenade. Pina Deo Atti cacomeraqquiri narraridenissa quenaraha mamaizadedeni. Rridapana timadimaneza naco tiadeniza maizehe mamaridedeni bacco quenauitoui. Tiadeni mari tocanabaqqui-manazapa pina marinarra parrisseheccassa neraha maizehe carrimarraro. Poccadeni marinarra uaidira tarrarorrine ticcadeni rrehenirri touaidiranitoui. Ia Zozossede Zesopa pouadeni inassiuauabaqquiuiuarrine zoqquerrari. Naraha pouaza: —Ia tonassiuauabaqquiuiuarrine parrireui −quena-rrararrari. Nama quenazapa pouadeniza narrizoue amazati bacco tanitoui.

Apocalipsis 12:9

Nazapa daragao imehibote cco inaronemanarrari. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaiza-baqquiporrari.) Poua oni ouahapa: Deoza uauadide Tocorime-Tamine, quequenanarrari. Poua, pocca zozosse tabaqquima namiuarri ua inaronemanazapa namiza catorraronarrari. Nama nazapa zama bazimacca madirraza maiza maiza nanariza narrari.

Apocalipsis 13:14

Namiuarricca madirra icamaizabaqquiuissa tarrari. Taidecca bani siri rrizabote cattade uauiuarri canauatoriri canaza madirra bazima pocca maizeheza parrissa quenarrari. Pouadeni icazossebaqquizapa taidecca bani siri rrizabote corime sibaza inauatomanarraro. Narrari bani siripa massito rrazireccaza uatidiporaha camitta tauiparranarrari.

Apocalipsis 2:20

—Naraha ticcadeni uima motape nacassera onani. Narrarope amonerre Zesabeocca uima. Poni attinipe: “Ouape Deo Atti cacomerabote” neraha maizarraro. Ponicca marinarrarrine occa madirra uananeheza toquerrenarizarrari. Ponirrine siba nauatoniza da tauicca bani naco rrirripemana narrari.