Mateo 13:20 - Kulina New Testament Brazil

²⁰ Madirra ouaha bodidenicca uimape pina arri siba ccababa tarrarocca uimassa narraro. Deo Atti mittemanaza amazati uatizemanarrari.

Culina Mádija

²⁰ —Madija ohuaha bodidenicca imapi pina aji siba ccababa tajarocca imassa najaro. Dio Atti mittamanadsa amadsati huatidsemanajari.

Mateo 13:20 Iomraidhean Croise

Mateo 13:19

Nocco uira inarizarrari mota rrauiuarri catorrarraripa pina madirra Deocca cacauehe tauimarini mittemanaraha rra quena-rraraza pina mittemaneraui nazapa bodideniza Deo Atti toqquezima-rrerarrarossa narraro. Arra ppiriri nocco saca inarizarraripa pina maizehe rrinede Tocorime-Tamine ccarronaza bodideni inassamobaqquirrarissa narraro. Nazapa Deo Atti pouadeniza nouerarraro.

Mateo 13:21

Pouadenipa Deoza rrehe zanapomanauiuarrineraha Deo Atti pouadeni bodiza torra-rrerarrarope pina siba ccababa taniza nocco moro taraha rrabo uapiuarrira toccabaqquirraricca uimassa narraro. Nazama arra marri ppoconerrine boterraricca uimape Deo Attiza rrehe quenarrarirrine pouadeniza narrizoue ssonariza, ocasserani auemanazapa rrehe quezati attidenia: “Peperriua, Deo Attipe inebona” quenarrari.

Mateo 7:8

Parrissa! Madirra Deoza uati tazapa Deopa pouaza pocca uatinarra da inanitoui. Madirra naco Deoza uatide damera tazapa Deo Pouarrine pocca uatinarra inaparrirenissa tanitoui. Madirrapa pina Deocca totoqquezima uaua narrarissa naza Deopa pouaza totoqquezima icataborrizanitoui, onarraro.

Maraco 6:20

Erodi cappinaza: —Zouaopa bica taui. Deocca zossenirri –nanarra nazapa ecauauissa tarrari. Nazapa Zouaocca marinarra mittazapa pouaza bica taraha ibo tazapa: —Nerrecoma onapazerre? −narrari. Naraha nama naha Zouaocca marinarra mittauiuarrine pouatoui uaua uaua zanaporrari.

Huano 5:35

Zouao Batistapa pina rrorrororo toqueuessiza rrororo canaporrarissa narrari. Poua rrororonepa arra pocca uatinarra tiadeniza bica tade. Pouaza tetetizemana neraha amossi nazapa peperri tiquenade.

Tahimarideni 8:13

Nazapa Simao naco Zeso tauimari mittaza rrehe nazapa passo dopaniza niniqui carrirrari. Nazapa Piripiza ccarizarrari. Piripi canauatori canarizaui Simao qqui tazapa: —A… bica taui −narrari.