Mateo 13:11 - Kulina New Testament Brazil

¹¹ Naraha Zeso iaza ecomerade: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Neraha rridapanana Deo Pouarrine pocca cacauehe tauimarini zati tiadenizana auato tani. Naraha madirra motapa Deo Pouarrine pouadeniza auatora teza mittemana-rrararrari −nade.

Culina Mádija

¹¹ Naraha Jeso iadsa ecomerade: —Jehe maittaccadsama Diocca cacahuehecca ima dsati najoraporaha madija inahattabaqqui-jaraccade. Naraha jidapanana Dio Pohuajine pocca cacahuehe tahimarini dsati tiadenidsana ahuato tani. Naraha madija motapa Dio Pohuajine pohuadenidsa ahuatora tadsa mittamana-jarajari −nade.

Mateo 13:11 Iomraidhean Croise

Mateo 13:10

Nazama ia, pocca zozosse tabaqqui iquerrenarrarope Zeso pouauarri uarrirrira icaneza arrima inade: —Nerrecotoui titauimari arrirraro namiza imadinicca uima tazarrani pouadeni mari mari titicanarizabaqqui narraritta? −inade.

Mateo 16:17

Nazapa Pedoroza Zeso attipa: —Rrehe Simao, tiape Zouaocca erredeni tirrarraro. Deopa tiaza uima bicani inanarraro. Arri otauimari nauato tinarrarope madirrarrine rrerani. Occa Abi memeuarri madirrarina otauimari Cristo-Mesia orrani tiaza auato inanarraro.

Mateo 19:11

Nazapa Zeso iaza uati tade: —Rrehe, naraha madirra bazimapa amonerre rriraha parriremana-rraraui. Deorrine madirra motana narraro uimaza parriremanarrari.

Mateo 20:23

Nazapa pouadeniza Zesoa: —Rrehe, parrissa ocasserani tinauanemananitoui. Arri oua narrizoue onauanezape tiadeni naqui niza zotode narrizoue tinauanemananitoui. Neraha memeuarri occa cacaueheza madirra cacauade ouazama pamariuiuarrinepa oua zosse zosse onerrerani. Abi Deo icatterriza-baqquirraridenina ouinoriza pamariuiuarrine −nade Zeso.

Maraco 10:40

Naraha memeuarri occa cacaueheza madirra cacauade ouazama pamariuiuarrinepa oua zosse zosse onerrerani. Abi Deo icatterriza-baqquirraridenina ouinoriza pamariuiuarrine −naui nade Zeso.

Maraco 4:11

Naraha Zeso pouadeniza uati tarrari: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Rridapanana Deorrine pocca cacauehe tauimarini zati tiadenizana auato tani. Naraha madirra motapa arrirraro namiza imadinicca uima tazarrani pouadeni mari ocanabaqquizapa mittemana-rrararrariparra.

Roca 8:10

Naraha Zeso pouadeniza uati tarrari: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Rridapanana Deorrine pocca cacauehe tauimarini zati tiadenizana auato tani. Naraha madirra motapa arrirraro namiza imadinicca uima tazarrani pouadeni mari ocanabaqquizapa mittemana-rrararrariparra. Nama quenarraripa pina Deo Atti cacomerabote Izaia dozo inaporrarossa narraro. Izaia attipa: “Qqui qqui toquenaraha pina qqui toqueraui nauitoui. Pouadeni bodi pina ssamoqquiri narrarissa nauitoui. Deocca zossenirri mimittemana naraha pina mittemaneraui nauitoui” napoui nade Izaia atti −narrari Zeso.

Huano 6:65

Nazapa denima uati tarrari: —Narraroa ouattipe: Occa Abi madirra ouaza inanabaqqui-rrarazapa ouaza toquerrena-rraraui. Naraha occa Abi ouaza inanabaqquirraridenina ouaza totoquerrena narrari −nade Zeso.

Huano 7:17

—Arri tibodidenipe: “Pocca marinarrape Deocca zossenirriqui? Poua motta poua attirane?” tiquenarraro nitide. Naraha Deo Poua nacassa tauiccara tinanemanezape otauimari tiadeniza auato tanitoui: Occa marinarrape Deocca.

Tahimarideni 16:14

Ponideni tassani orrariepe oza panani Tiatirauarricca. Oninipe Ridia. Ponipe etero zorrorani uatini ccara tanicca dadade. Narraro etero cocoro tozippape pina mappara tarrarossa narraro. Narraro amonerrepe Deo Attiza ibora tarraro. Ia Zozossede Zeso poni bodini acco icanezape Paorocca marinarra poniza bica teza mittanissa tarraro.

Romanodenidsa 11:25

Ouimecotedeni, arrirraro uimape taide madirraza auatora taporaha timittemananiuarrine uati onana, nani tibodideniza: —Iape deni iquerrenani −tiquenerreraniuarrine. Narraro uimape Izarraeo potemaui zodeodeni mota uapi taha Deoza touibomanarrari. Naraha zodeo querrena-rrararrarideni touapiuissa tazana zodeodeni poccadeni iboue nebomanauitoui.

Romanodenidsa 16:25

Deoza etizena. Pocca uima bicani icassiuaueraniuarrinecca mari mari ohonanarrarope tiadeni tonadacora-baqquirraro. Narrarope Zeso Cristo tauimari timittemanarraroparri. Maittaccazama zama nauatopo-rreraccazama Deorrine narroraporaha auatora taporraro.

1 Corintodeniza 13:2

Arri Zeso Cristo tauimari ouacomera-rizarraro naqui nemanehe nauato onezape, otezerremacca uima uapima nauato, touattehe bazima nauato onezape occa uima Deoza bica taniuarrineraha madirraza ouati uanera tezape ponima nauatoue ocarrirraro. Occa uima Deoza bica terrerani. Occa rrehenirri Deoza dacoreza ssono parrimaraniuarri toccaniuarrine naqui uati oneza toccaniuarrine oparrirezape occa rrehenirri bica taniuarrineraha madirraza ouati uanera tezape occa uima Deoza bica terrerani.

1 Corintodeniza 15:51

Naraha arrirraro uima tiadeniza uati onaniuarrinepe madirra mittemanapo-rrarauicca. Auatora taporaha rridapana tiadeniza uati onarraro. Madirra ia motape izoqque-rreranitoui. Naraha rricaporrari assiredeni, ia mota izoqque-rrerarraro essire bazima cacarriqquimera-rizanitoui.

1 Corintodeniza 2:14

Naraha Deo Corime cappiremanarraridenipa Poua Corimecca marinarratoui quena-rraraui. Poua Corimecca marinarrape pouadeniza pina ponima narraro. Mittemanauissa tarraraui. Deo Corime carrimanarraridenizana pocca marinarra auato tarraro.

1 Corintodeniza 2:7

Arri mari mari inarrarocca nauatouepe Deo pocca. Pouarrine madirraza auatora taporraro. Nami nauato-rreraccazama Deo touini nazapa pocca uima inanarroraporraro, pocca deni torreheza iquerrenaniuarrine.

1 Corintodeniza 4:1

Tiadenipe icca uima tibodideni uatome-maneza arrima tiquenarri: —Paorodenipa Cristocca zozosse, pocca zozosse tabaqqui toquerrenarrari. Deo pocca uima bicani auatora taporraro maride icazossebaqquirrariua −tiquenarri, onarraro.

1 Corintodeniza 4:7

Naraha nerrecorrarina titessedeni arramani inanabaqquiza tiadeni deni tonanabaqquirrari? Naraha tiadeni bazimape pina titessedenissa tiquenarraro. Bazima ticarrimanarrarope Deo tiadeniza da inarizarraro. Pouarrine ticarrimanezape: —Ia motta nauatoqquiri inarrarorrine icarrirraro −tiquena terrerarri.

Epesodeniza 1:18

Deoza ouatti onihi naqui: —Abi Deo, pouadeni tezerremacca uima bicani bodideniza auato tinanarri −ohonanarraro. Deopa pocca madirra tiquerrenaniuarrine tiadeni uaua tabaqquirrari. Itezerremacca uima bicani iaza torraniuarrine touini imadirrarope parrissa iaza torranitoui. Narraro nauatoqquiri tiquenaniuarrine Deoza uati uati ohonanarraro. Deo Pouaza toquerrenarrarideniza pocca danirri bicani da inani nauatoqquiri tiquenaniuarrine naqui Pouaza uati uati ohonanarraro.

Epesodeniza 1:9

Deopa iaza uima bicani inananiuarrine ecauaporrarope taide auatora taporaha rridapana iaza auato inanarraro. Narraro uimape Poua touini napoza: —Occa erredeniza arrima onananitoui −napode.

Epesodeniza 5:32

Narraro uimape assiredeni pamaraha pina assire orrarirrarissa naha toquerrenarrari. Narraro carricarricca uimape imittaporaha auatora taccade. Naraha rridapanana omittezape Zeso Cristoza irrariqquirrarocca uimape pina carricarricca uimassa narrarona parri, onarraro. Narraro uimape ouaza bica tarraro.

Epesodeniza 6:19

Otoui naqui Deoza uati uati titiquena narri. Nani ocappine-rrereza Zeso Cristo tauimari icassiuaueraniuarrinecca maride orreza touatti parrirenissa taniccaza madirra mari ocanabaqqui-rizauiuarrine. Narraro uima bicanipe taide Deorrine auatora taporaha rridapana Pouarrine touatorraro.

Corosadeniza 2:2

Deo tibodideni tonauatizebaqquiuiuarrine, pocca touati uanehema tibodideni orrariqquinissa taniuarrine naqui touini onarraro. Deocca uima bicani auatora taporaha rridapape auato tarraro timittemananissa taniuarrine naqui damera onarraro. Narraro uima bicanipe Cristona parra. Pouaza tinoccodeni torrizera-zanapozape pouaza parrissa tiquenanissa taniuarrine titouideni Deoza uatide damera onarraro.

1 Timoti 3:16

Rrehe, pocca parrissehepe bica tani, deni torrani, inarraro. Taidepe iaza auatora taporaha rridapanana iaza auato tarraro. Narrarope Zeso Cristo tauimariparri. Narraroza parrissa inarraro. Pina rriri rriri inarrarossa narraro: Pouapa assire torrazapa pina madirra iassa naha torrarrari. Iaza Deo Corime Attipa: —Deo Bedipa Imehi Attiza ibora tarrari. Pouapa Imehiza pocca uima inaparrirenissa tarraro −narrari. Deocca zozosse tabaqqui memeuarricca naco Deo Bedi qqui toquenaui. Narrari tauimari madirra bazimaza ecomerarizarraro. Nazama arrirraro zamaza madimanarrarideni poua tauimariza parrissa quenarrari. Poua naco Deorrine memeuarri toccamacossanirrari.

1 Timoti 3:9

Pouadeni bodi uissoqquiri naza Deocca parrisseheza parrissa quenauissa tana. Narraro parrissehecca uimape taide ssamoqquiri inaporaha rridapanana Deorrine auato inanarizarraro.

Satiacocca 1:5

Tibodideni ssamoqquiri tiquenezape Deocca nauatouetoui Pouaza uati tiquenarri. Deopa tiadeniza da inanitoui. Pouapa bazimaza accora tarrari. Tiadeniza: —Poni. Ssamoqquiri tiquenani −narrarauitoui.

1 Zouao 2:20

Naraha tiadenipe pina pouadenissa tiquenerrerani. Cristo tiadeniza Deo Corime da inarizazapa tibodideniza madirrari. Narrari Deo Corimerrine Deocca parrissehe nauatoqquiri tiquenarraroparri.

1 Zouao 2:27

Naraha Zeso Cristopa tiadeniza Deo Corime da inarizarraripa tiadeniza madiuiparra naui. Narraria arra tiadeni mari tocanabaqquirrariparra. Nerrecotoui madirracca marinarra onihi timittemananiuarrine? Deo Corimena uima bazima tiadeni mari tocanabaqquirrari. Parrissehera uati uati tarrari, maiza-rrararrari. Arra Deo Poua Corime tiadeni mari tocanabaqquiporraricca marinarraza dameraqquiri tiquenarri, Cristoza timadimana-zanaponiuarrine.