Mateo 12:7 - Kulina New Testament Brazil

⁷ —Maittaccazama Deo Atti cacomerabote Ozea dozo inaporrarope: “Touati uanehe, acco canehe touini onani. Ouaza ticcadeni bani bedi ono torrauiuarrine da da titiquena naraha madirra ouahaza tetideni uaneraqquiri nezape ticcadeni danirriza nacassera onani. Madirra bazimaza tetideni uanaqquiri naniuarrinena nacassa onani. Pouadeni acco acco titicanabaqquimana zazanapo neza naqui nacassa onani” napoui nade Deo. Neraha narraro dozonirripe timittemana-rrerarraro. Rridacca timittemanezape uima cappiremanarrarideni rroua ticanabaqquimana-rrarauitouiraha.

Culina Mádija

⁷ —Maittaccadsama Dio Atti cacomerabote Osea dsodo inapojaropi: “Tohuati huanehe, acco camehe tohuini onani. Ohuadsa ticcadeni bani bedi ono tojahijine da da titiquina naraha madija ohuahadsa tetideni huaneraqquiri nadsapi ticcadeni daniji jipera onani. Madija huapimadsa tetideni huanaqquiri nanijinena jipa onani. Pohuadeni acco acco titicamabaqquimana dsadsanapo nadsa naqui jipa onani” napohui nade Dio. Naraha najaro dsodonijipi timittamana-jerajaro. Nassa timittamanadsapi ima cappiramanajarideni johua ticanabaqquimana-jarahitohuiraha.

Mateo 12:7 Iomraidhean Croise

Mateo 22:29

Naraha Zeso attipa: —Ticcadeni marinarrape zori tarraro. Deo Atti nauatoqquiri tiqueneraha parrissa tiquenanissa terrerarraro. Deopa pocca dacorehema madirra inauatonibaqquiuiuarrine parrireui naco ssamoqquiri tiquenarraro.

Mateo 9:13

Naraha madirrapa: “Iape bicaqquiri inani” quequenanarraridenicca uima onanabicaniuarrine occarrona-rrerarraro. Uimasiri totonanadedenicca uima onanabicaniuarrinena occarronarraro. Rrari, arrirraro uima ticauatterarri. Maittaccazama Deo Atti cacomerabote Ozea dozo inarraro: “Touati uanehe, acco canehe touini onani. Moizecca marinarrassa tinanemanezape ouaza ticcadeni bani bedi ono torrauiuarrine da da titiquena naraha madirra ouahaza tetideni uaneraqquiri nezape ticcadeni danirriza nacassera onani. Madirra bazimaza tetideni uanaqquiri naniuarrinena nacassa onani. Pouadeni acco ticanabaqquimanaza naco nacassa onani” napoui nade Deo −nade Zeso.

Maraco 12:33

Nazama Deozara eti uanaqquiri naniuarrine. Ibodi uatonissa teza dacoco irrireza Pouazara dameraqquiri izanapozape Pouaza eti uanaqquiri naniuarrine. Inoriccaza naqui eti uanaqquiri naniuarrine pina arri iaza eti uanaqquiri narrarossa inaniuarrine. Narrarona denima bica tarraro. Arri icca bani bedi ono torrauiuarrine Deoza dada toqquimauarri da da ihinanarrari, icca danirri onihi naqui dada toqquimauarri ihinebo narrari bazimapa Deoza bica taraha arri touati uanehe pameheccaza deni toquerrena-rrerani −naui nade zodeodenicca marinarra maride atti.

Tahimarideni 13:27

Naraha arra Zerozareza madimanarraridenipa poccadeni taminedenima Zeso qqui toquenaraha bodideni ssamoqquiri narrari. “Zesopa Deocca zossenirri ia Idinide” quena-rrararrari. Narraro uimape Deo Atti cacomeraqquiri narrarideni dozo iquenaporaha mittemana-rrararrari. Poccadeni Deo Atti mamariuarri rrassinarracca uadaza Deo Atti cacomeraqquiri narraridenicca dozonirri mittemana mittemana naraha: “Zeso zoqquena, zoqquena” quenarrariparra. Nama quenazapa pina Deo Atti cacomeraqquiri narrarideni dozo iquenaporrarossa nehe inanemanarraro.

Satiacocca 5:6

Tiadenipe madirra uima cappiremanarrarideniza tetideni uaneraqquiri narraro. Pouadenipa rroneqquiri narrari, pouadeni acco canemanauiuarrine cappiremanaraha pouadeniza ponima uima tinassonarimaneza tinarriquemanarrari.