Mateo 12:46 - Kulina New Testament Brazil

⁴⁶ Rrehe, Zesopa madirraza uatide torraraha amossiniuarripa Zeso imeni, poua imecotedeni tezerre: —Zesoza uati inana −quenaza pouatoui domo uarrari.

Culina Mádija

⁴⁶ Jehe, Jesopa madijadsa huatide tojaraha amossinihuajipa Jeso imeni, pohua imecotedeni tedseje: —Jesodsa huati inana −quinadsa pohuatohui domo huajari.

Mateo 12:46 Iomraidhean Croise

Mateo 1:18

Zeso Cristo tossonauiuarrinecca uimape arrima naporraro. Zeso imeni Mariape Zoze icarriuiuarrine taide imehidenipa rrehe canireporrari. Mariape maqquiderre ssamo taccani. Zozepa pocca ozauarri Maria iaccani-rreraqquezape poniza uada-rraraccaui. Naraha ponipe rriuarraro. Deo Corime uati tazapa poni izoniza erredeni nauatoza uittizarrari.

Mateo 12:47

Naza Zesoza madirra orraria attipa: —Ticca ami, timecotedeni amossiniza domo uaparra. “Tiaza uati inana” quenarrari −narrari.

Mateo 13:55

—Naraha arrarraripa aua nanauatode bediua! Imeni oninipe Maria. Poua imecotedeni naco: Tiaco, Zoze, Simao, Zoda quenarrariparrade.

Mateo 2:11

Nauiza rraui torrezimazapa erredeni qqui, imeni Maria qqui toquenarrari. Pouaza uatizemanazapa pouadeni pitoza rrassi taza: —Tamine deni torraui −quenarrari. Pouadeni zepetarri bau bedeni bicaqquiri narraro itaborizemaneza poccadeni danirri erredeniza da inaqquimanarraro. Oro uatini ccara tanicca da iquenarraro. Aua marricone touessiui marro bica tarrari naco da iquenarrari. Aua ouaha oni mirra marricone marro ocassa tauicca naco da iquenarrari.

Mateo 2:20

—Zoze, nocco tirrarri. Arra erredeni imeni tazarrani Izarraeo potemauidenicca zamauarri tiaccanibaqquirro. Erredeni inanazoqque-manauiuarrine toui quenarraridenipa rricaui −naui nade.

Maraco 2:21

—Uima onihi naqui arrima narraro: Etero ssessequidedenipe etero rradanizape etero zati inauanacossemana nerrerarraro. Etero zati etero rradaniza uanacosseza zotode siqui nezape rroca naqqui tani. Nezape etero rradani sseo tapomezape denima touaidira tani −naui nade. (Arra poua atti nama narraripa pocca marinarra pina zodeodenicca marinarrassa nerrerani. Zeso pocca marinarrape zati.)

Maraco 6:3

—Naraha arrarraripa aua cocobade rraraco? Aua cocobadederra, Maria bediua! Poua imecotedeni naco: Tiaco, Zoze, Zoda, Simao quenarrariparrade. Poua caripenedeni naqui arri imadiniza madimana-rreraqui? Madimanani −quenaui nade. Nazapa poua atti mittade tonacasseremanarrari.

Roca 1:43

—Nazama ouape arrimani orreraha oua Zozossedecca ami ouaza ticcarronarraro.

Roca 2:33

Nazapa Zoze bedimeni tazarrani Simiao atti mittemanazapa uatizemana rrari. Nazapa pouadeni attipa: —A, icca erredeni tauimari nauato taua −quenarrari bedimeni tazarrani.

Roca 2:34

Naraha Simiaopa pouadeniza denima uati uati tarrari: —Deocca biquehe tiadeniza torrazanapona, onarraro −narrari. Nazama Maria poniza naco uati uati tarrari Simiao: —Deopa arrarrari erredeni zosse inaronarrari, Izarraeo potemauideni pouadenira pouadenira narizemanaui toui. Mota uapi taha pouaza nacasseraqquiri naza Deo pouadeni ettarrobaqquizapa ocasserani auemanauitoui. Naraha pouaza nacassaqquiri narraridenipa niza zotodepa uima bicani carrimanauitoui, Deoza madimana-zanapouiuarrine. Rrehe, arrarrari erredenipa Izarraeodeni inassiuauabaqquiuiuarrine Deo zosse inaronaraha madirra motapa pouaza rrara rrara quequenanauitoui. Pocca marinarraza naco uattarrorro tauitoui.

Roca 2:48

Naza imehi imeni tazarrani qqui toquenazapa uatizemanaza —A, arrazana carrimarrariraha −quenarrari. Nanerre imeni attinipe: —Neppe nerrecotoui iaza uatirani tiborrarotte? Iape amossi tarraro nitiderra ineza icappineza titoui qquiqquihihi inarizarraro −narraro.

Roca 2:51

Nazapa pouadeniza toccanirrari, poccadeni oza Nazareti bacco tanimanarrari. Imehideni attiza ibora tarrari. Mariape pocca dacorehe qqui qqui tezape poni bodini nauato tarraro. Poua tauimari uatini rrima nerrerarraro.

Roca 8:10

Naraha Zeso pouadeniza uati tarrari: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Rridapanana Deorrine pocca cacauehe tauimarini zati tiadenizana auato tani. Naraha madirra motapa arrirraro namiza imadinicca uima tazarrani pouadeni mari ocanabaqquizapa mittemana-rrararrariparra. Nama quenarraripa pina Deo Atti cacomerabote Izaia dozo inaporrarossa narraro. Izaia attipa: “Qqui qqui toquenaraha pina qqui toqueraui nauitoui. Pouadeni bodi pina ssamoqquiri narrarissa nauitoui. Deocca zossenirri mimittemana naraha pina mittemaneraui nauitoui” napoui nade Izaia atti −narrari Zeso.

Huano 19:25

Nazama naui Zeso coba zanauizapa Zeso pocca ami, poni imanicotani poni tassani Cleopacca amonerre Maria, Maria Madarenauarricca queneza domoni uarrarode.

Huano 2:1

Uada 3 bacco tezape Canauarri uenauenacca errete torrarraro. Canape zama arobeni onini Carireacca oza panani. Zesocca ami naqui nani errete qquide toccarraro.

Huano 2:12

Nezape coriza inidicca oza panani Capenaouarri rrauirrezippade. Zeso poua, pocca ami, poua imecotedeni, poua uatimadedeni ia bazima rrauirrezippade. Nanizape uada pamehe imadide.

Huano 2:5

Naraha imenipe rrirripa zozorrodedeniza uati tade: —Zeso tiadeniza uati tazapa poua attissa tinanemanarri −nade.

Huano 7:10

Nazapa Zeso imecotedeni erretetoui rraui torrazapa poua naco zotode naui madirra uapi tauiza tocarrima-zanapode. Naraha pina pouadeniza toqqueraui nauiuarrine poua cacomarraride.

Huano 7:3

Nazapa Zeso poua imecotedenipa pouaza uati toquenade: —Arrizape timadi terrerarri. Zodeauarri ticcarri. Nauiuarri madimanarrari titoui quenarrarideniza naqui ticca nauatoue noue noue tarizarri −quenade.

Huano 7:5

Zeso poua imecotedeniraha pouaza parrissa quena-rrarazapa attideni nama quenarrariparra.

Tahimarideni 1:14

Oza tetepiccaza madimanazana uarrirriraza Deoza uatide totoqueriqqui narrari. Zeso imecotedeni, poua imeni Maria, amonerre onihi naqui naui pouadenizama Deoza uatide totoqueriqqui narrari.

1 Corintodeniza 9:5

Nazama amonerre Deoza parrissa narraro ocarriza naqui poni tazarrani Deo Atti maride icadarizani bica taqui? Bica tani. Pina imecotedeni ouaha Zeso Cristocca zozosse tabaqquissa, ia Zozossedecca imecote Pedorossa onani naqui bica teraha.

Carasiadeniza 1:19

Nauiza naco ia Zozossede Zeso poua imecote Tiaco qqui onaporrari. Naraha Zesocca zozosse tabaqqui ouahadenipa qqui onabaqqui-rraraccade.