Mateo 12:44 - Kulina New Testament Brazil

⁴⁴ Nazapa: “Rrehe, occa mamadi boteuarri occanipomana” narrari tocorime atti. Nazapa ccanipomarrari. Bacco naniza madirra poua bodi touissoni qqui tazapa pina oza rroue tocanehe uisso tocanarrarossa neraha tomadirarraro.

Culina Mádija

⁴⁴ Nadsapa: “Jehe, occa mamadi botehuaji occanipomana” najari tocorime atti. Nadsapa ccanipomajari. Bacco nanidsa madija pohua bodi tohuirehi qqui tadsapa pina odsa johue tocanehe huisso tocanajarossa naraha tomadirajaro.

Mateo 12:44 Iomraidhean Croise

Mateo 12:29

—Nazama Tocorime-Taminepa dacorehe carriraha ouape deni orrarraro. Pouapa arramani pina arrirraro uima tiadeniza uati onabote narrarossa narraro. Nazama bobotidepa: “Ozacca tozepetarri obotina” narrariraha oza rrinede dacorabote ozaza madizazapa botiuiuarrine parrire-rraraui. Naraha bobotide denima dacorazapa oza rrinede dama inaza rrore inaqquizapa poua zepetarri botiuiuarrine parrireui. Uima narrarossa narraroa arri oua pina bobotide denima dacorarrarissa onarraro. Occa dacorehe deni torrezape pina Tocorime-Tamine rrore onaqquirrarissa naza pocca zozosse tabaqqui zosse zosse ohoninebaqqui narrariparra −nade Zeso.

Mateo 12:43

Zesopa uima onihiza mari icanabaqquirrari. Poua attipa: —Nazama tocorime orraria madirra bodiza madizaraha qquenazapa toccarrari. Arri zama uamo taniuarri, passo noueraniuarri poua madiuiuarrine qquide toccaza qqui qqui narizaraha poua madiuiuarrine bacco tarrararrari.

Mateo 12:45

Nazapa tocorime toccapomaza poua tessedeni tocorime 7 quenaha rrina inanibaqquirrari. Narraridenipa denima uaidiraqquiri naraha poua tezerre rraui torrezimarrari, madimanauiuarrine. Nazama uima nema narraro madirraza torrezape pocca madie uaidira taporaha zotodepe denima touaidirarraro. Tiadeniza narrarossa narraro torranitoui. Rridapana uaidiraqquiri tiquenehe timadimanarrarodeni otauimariza parrissa tiquenerrerezape ticcadeni madie denima touaidiranitoui −nade Zeso.

Roca 11:25

Nazapa ccanipomarrari, bacco naniza madirra poua bodi uisso taui qqui tazapa pina oza rroue tocanehe uisso tocanarrarossa narraro.

Huano 12:6

Zoda atti nama nazapa pina cappiremanarrarideniza uati uana tarrarissa naraha pouapa zinirotouira bodi uatorrari. Pouana botirride rarrari. Pouadeni bazimacca ziniro pouana ecaueraha motape pouaza ihinana narraro.

Huano 13:2

Zome irripaniuarrine inarroreraha taide uimasiri mamaride Tocorime-Taminerrine Simao Iscariote bedi Zoda bodi narrorarrari, Zeso tozepe inanauiuarrine.

Huano 13:27

Nazapa Zoda pao arobe idirra, poua bodiza Tocorime-Tamine rraro nade. Nazapa Zeso Zodaza uati tade: —Arri “uima onanana” tarrarope amazati tinanarri −nade.

1 Corintodeniza 11:19

Rrehe, nazama tiadeni mota tiadenira titiqueriqquimaneri narizani bica terrereraha nema tiquenezape Deo nacassa tauicca tinanemanehe timadimanani bazimaza auato tanitoui.

Epesodeniza 2:2

Ticcadeni madie pina Deoza toquerrenarrararraridenissa tiquenarrarode. Arrirraro namicca uimatoui dameraqquiri tiquenezape Deoza uauadide Tocorime-Tamine attizana iboraqquiri tiquenarrarode. Narraripa arra qqui inabaqqui-rrararrarideni zossede torrarrariparra. Pouapa Deoza iboqquiri narrarideniza naco zosse zosse narrari.

1 Zouao 2:19

Pouadenipa iaza quequeriqquimana naraha ia tonebobaqquirrari. Rridacca iazama Zeso Cristocca toquerrenazapa iaza quequeriqquimana-zanapouitouiraha iaza carrimemana-rrarazapa poccadeni uima iaza auato tarraro: Pouadenipa imecote querrena-rraraui.

1 Zouao 4:4

Ouimecotedeni, occa erredenissa tiquenarraro. Tiadenipe Deocca tiquerrenarrarorrine mamaizadedeniza deni tiquerrenani. Arra tiadeniza Deo madirrarina dacorarrari. Arrirraro zamacca madirrapa arramani toquerrenaui.