Mateo 12:32 - Kulina New Testament Brazil

³² —Arri oua Madirra Bedi orrarraroza madirra atti atti quenaza oua itamassomaneraha niza zotode: “Icca uima inebona” quenazapa poccadeni uimasiri, poccadeni tamassohe Deoza ecomeremaneza Deopa poccadeni uimasiri peperri inananitoui. Naraha Deo Corime itamassomanaza pouarrine torrarraroza maizehe uaua quenaza naco Deopa pouadeni atti uati rrama-rrarauitoui. Rridapana imadiccazama poccadeni uimasiri peperri inana-rreranitoui. Niza zotode Deo pocca cacauehe torreza naqui peperri inana-rreranitoui, onarraro −nade Zeso.

Culina Mádija

³² —Aji ohua Madija Bedi ojajarodsa madija atti atti quinadsa ohua itamassomanaraha nidsa dsotode: “Icca ima inebona” quinadsapa poccadeni imasiri, poccadeni tamassohue Diodsa ecomeramanadsa Diopa poccadeni imasiri epeje inananitohui. Naraha Dio Corime itamassomanadsa pohuajine tojajarodsa maidsehe huahua quinadsa naco Diopa pohuadeni atti huati ajama-jarahitohui. Jidapana imadiccadsama poccadeni imasiri epeje inana-jeranitohui. Nidsa dsotode Dio pocca cacahuehe tojadsa naqui epeje inana-jeranitohui, onajaro −nade Jeso.

Mateo 12:32 Iomraidhean Croise

Mateo 11:19

Nani zotode oua Madirra Bedi orrarraroa erretecca rripaqquiecca rrirripa orripa, zeze ze onazapa ouaza rroua rroua quenarrari attidenipa: “Rraho, madirraza rripa narizarride raui, zezerride raui. Rromanodenicca taminecca zossenirri ziniro nanaccadedeniza ccarizarrari. Madirra uimasiri carrimanarrari tezerre naco ccarizarride raui” quequenanarrari ouaza. Attidenipa Zouaoza, ouaza nama quenaraha niza uimasiri carrimanarraridenipa ettiza iboraqquiri naza bodideni cacarriqquimera, uimarideni cacarriqquimera nazapa Deocca nauatohe, pocca parrissehe auato tanitoui −nade Zeso.

Mateo 12:31

—Nama nazapa tiadeniza ouattipe: Madirra uimasiri inanemaneraha niza zotode: “Icca uima inebona” quenazapa poccadeni uimasiri, poccadeni tamassohe Deoza ecomeremaneza Deopa poccadeni uimasiri uapima peperri inananitoui. Naraha Deo Corime itamassomanaza, pouarrine torrarraroza maizehe uaua quenaza naco Deopa pouadeni atti uati rrama-rrarauitoui. Poccadeni uimasiri peperri inana-rreranitoui −nade Zeso.

Mateo 12:8

Arri Madirra Bedi orrarraroa rrassinarracca uadape ouana rrinede orrani. Rrassinarracca uima cacauadepe ouana parri −nade Zeso.

Mateo 13:22

—Madirra ouaha bodidenicca uimape pina namiza cotiui carri tarraricca uimassa narraro. Pouadenipa Deo Atti mittemanaraha pouadeni zepedeni ihirrimana narrarotouira dameraqquiri nazapa Deo Atti tocauatterauissa tarrararrari. Ziniro touira quenaza naco narraro uimarrine Deo Atti uatideni rramemanarrari. Poccadeni rrehenirri pina arra nocco moro taraha cotiuirrine tosehizapa bono-rrararrarissa narrari. Deo Atti mittemanaraha pouadenirrine Deo Atti madirra ouahadeniza torra-rreranitoui.

Mateo 13:39

Naza mina pocani nocconi uiuiradepa uizarra rrinedeza uauadide Tocorime-Tamine. Nazama niza tirico bono rradaza ti nauiuarrinecca uada bacco tarrarope pina niza zama rriqueza Deo Pouaza toquerrenarrarideni icatterriza-baqquiuiuarrine tauimarissa narraro. Arra tirico titidedenipa Deocca zozosse tabaqqui memeuarricca.

Mateo 13:40

Arri mina pocani uanaqquiza botta iquenaniuarrinecca uimape niza arrirraro zama rriqueza madirraza narrarossa narraro torranitoui, onarraro.

Mateo 13:55

—Naraha arrarraripa aua nanauatode bediua! Imeni oninipe Maria. Poua imecotedeni naco: Tiaco, Zoze, Simao, Zoda quenarrariparrade.

Mateo 8:20

Naraha Zesopa pouaza uati tarrari: —Ouaza ticcarizaniuarrine tiparrire-rreranitide. Arrana zouazouapa odinedeni carririzemanaui. Ppiriri naco tazarideni carririzemanaui. Arri oua Madirra Bedipe oza ocappirani. Ouadaniuarrinecca uauada ocappirani −nade.

Maraco 10:30

Nazapa niza zotode bazima poua ineborizarrarossa nehe Deo pouaza da inarizazapa carripomauitoui. Rridapana arrirraro namiza poua madiccaza uemani carriuitoui. Pouaza pina pocca oza touapirrarossa nanitoui. Poua imecotedeni naco touapirizauitoui, pouaza pocca amissa narraro carririzanitoui. Erredeni ouahadeni pina pocca erredeni toquerrenarrarissa narizauitoui. Zama naqui pina pocca zamassa narraro pouaza torrarizanitoui. Naraha otauimari pouaza torrarrarorrine pouaza narrizoue ssonarinitoui. Nema nanitouiraha niza zama zati torrezape camittehe rriquerreraniccaza madi-zanapouitoui. Parrissa −naui nade Zeso.

Maraco 3:28

Nazapa Zeso zodeodenicca marinarra maridedeniza denima uati uati tarrari: —Parrissehera tiadeniza uati onarraro: Madirra uimasiri inanemaneraha niza zotode: “Icca uima inebona” quenazapa poccadeni uimasiri Deoza ecomeremaneza Deopa poccadeni uimasiri bazima peperri inananitoui. Poccadeni tamassoue uapima naqui Deo peperri inananitoui.

Maraco 3:29

Naraha Deo Corime itamassomanaza, pouarrine torrarraroza maizehe uaua quenaza naco pouadeni atti uati rrama-rrarauitoui. Poccadeni uimasiri peperri inana-rreranitoui. Poccadeni uima oppina tarrarope pouadeniza nema zanaponitoui −naui nade Zeso.

Roca 12:10

—Arri oua Madirra Bedi orrarraroza madirra uati uati quenaza oua itamassomaneraha niza zotode: “Icca uima inebona” quenazapa poccadeni uimasiri, poccadeni tamassoue Deoza ecomeremaneza Deopa poccadeni uimasiri peperri inananitoui. Naraha Deo Corime itamassomanaza, pouarrine torrarraroza maizehe uaua quenaza naco Deopa pouadeni atti uati rrama-rrarauitoui. Poccadeni uimasiri peperri inana-rreranitoui.

Roca 16:8

—Naraha zepe ssebotepa poua birri accoderrine pouaza dirri quenarraridenicca dirrinarra arrimani inanarizani uima mittazapa poua attia: “Rrehe, obirri accodepa poua tezerremacca uima maizeheza narrorapouiuarrine bodi nauato tarrari” narrari. Rrehe uimape nema narraro. Madirrapa pouadeni tessedeniza maizemanauiuarrine bodideni nanarroremanapo narrari. Naraha Deocca madirrapa pouadeni tessedeniza maizemanauiuarrine narroremanapouiuarrine ssamoqquiri naui −narrari Zeso.

Roca 18:30

Nazapa niza zotode bazima poua ineborizarrarossa nehe Deorrine carripomauitoui. Rridapana arrirraro namiza poua madiccaza uemani carriuitoui. Niza Deorrine zama zati torreza naqui camittehe rriquerreraniccaza madi-zanapouitoui −narrari Zeso.

Roca 23:34

Nazapa Zeso Imehiza uati tarrari: —Abi, pouadenipa ouaza ssamoqquiri naza oua inanazoqque-maneraha peperriua. Arri ocasserani ouarraro manaconipe pouadeniza tinana-rrerana, onarraro −narrari Zeso. Nazapa isso teppeppedeni Zesocca eterotoui siba bedeniza coro coro quenarrari, —Pocca etero nerrecorrarizana torraniuarrine? −quenaza. Narraro sibaza ittomemanazapa pocca etero pouadeniza orrari orrari narizarraro.

Roca 7:34

Zotodepe oua Madirra Bedi orrarraroa erretecca rripaqquiecca rrirripa orripa, zeze ze onazapa ouaza rroua rroua quenarrari attidenipa: “Rraho, pouapa rriparride raui, zezerride raui. Rromanodenicca taminecca zossenirri ziniro nanaccadedeni, madirra uimasiri carrimanarrarideni naco poua tesse toquerrenarrari” quequenanarrari ouaza.

Huano 7:12

Nazapa madirra bazima Zeso poua tauimari uimahaha canade. Madirra motapa: —Narraripa maqquiderre bicabotea −quenade. Naraha madirra ouahadenipa: —Iazapa bica tarraraui. Pouapa toponi mamaizade −quenade.

Huano 7:39

Arra Zeso uati tarraripa pouaza madirra parrissa quenarraridenina Deo Corime carrimanauitoui, narrari. Naraha Zesopa zoqque, nauatoni, toccamacossani narraraccazapa Deo Corime torrariza-rraraccarrariparrade.

Huano 7:52

Naraha Nicodemoza uati toquenarrari: —Tia naqui Carireauarricca tirrarraro nitiderra? Carireacca uimatoui Deo Atti ua timaninissa tarri. Carireauarripa Deo Atti cacomeraqquiri narrarideni qquenarra canima-rraraui −quenaui nade Nicodemoza.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

Epesodeniza 1:21

Nauizapa memeuarricca, namiuarricca bazima zossede torrarrari. Pocca dacorehe deni torrarraro. Pocca cacauehe rriquerrerarraro. Rridapana arrirraro zamaccaza deni torrarrari. Niza zotodecca zama zati ccarronarraroza naco nama zanapouitoui. Pocca deni torrehe rriquerreranitoui.

1 Timoti 1:13

Ouape taide pouaza uaidira oneraha nema nehe pocca touati uanehe ouaza auato inanarraro. Taide Zeso Cristoza orrarreraqquezape poua tauimari rricaniuarrine touini oneza ouatti uaidira taniccaza uati uati onade. Pocca madirra naco ohonarrizobaqqui naccade. Poua oniza tatamasso ohonanaccade. Bica onerrereraha Deopa ouaza uati uana taza occa uaidirehe manaconi oua narrizo-rrararrari. Zeso Cristoza rrehe onarreraqqueza uaidirehe onanarizani ssamo onaqqueza Deo ouaza nama narrari.

1 Timoti 1:15

Arrirraro uimape parrissa torrani. Narraro uimaza madirra bazima parrissa quenazapa bica tani. Narraro uimape arrima narraro: Zeso Cristopa arrirraro namiza ccaronarrari, madirra uimasiri tonanemanarrarideni inassiuauabaqquiuiuarrine. Madirra bazimapa uimasiri inanarizemanaraha ouana denima orrine uaidira tani onanarrarode.

1 Timoti 4:8

Arrana madirra tarabaiade damera tazapa poua assire todacora, poua birri todacora, poua isso naco todacora taui. Ccanarrabote zorrode naco parrireuitoui. Narrarossa narraro uima denima bica tarrarope Deoza damera ineza Pouaza icca rrehenirri todacoraniuarrine. Narraroa icca madie arrirraro namiza bica taniuarrine. Niza memeuarri Deoza imadiza naqui icca madie denima bica taniuarrine.

1 Timoti 6:17

Nazama Zesoza toquerrenarrari zepedeni sseqquiri narrarideni naco arrirraro zamacca tozepetarri carrimana, ziniro carrimana nazapa: —Iape bicaqquiri inani, deni iquerrenani −quena-rrarauiuarrine uati ticanabaqquirro. Pouadenipa uemani carrimanazapa: —Narrarozana imadi-zanaponiuarrine iparrireni −quena-rrarauiuarrine naco uati ticanabaqquirro. Arrana pouadeni zepetarri amazati amossi nani carri tani. Naraha: —Deona ia touacauabaqqui-zanapouiuarrine parrireui −quenauiuarrinena bica tani. Ia bazimape Deocca danirriza imadirraro. Icappira-rreraniuarrine iaza accora tarrari. Nema nezape madirra zepedeni sseqquiri narrarideni Deo Pouazana uatizemanaui orrari nana, onarraro.

2 Timoti 4:10

Otessedeni ouaza madimanaraha Cresetepa zama arobeni Carasiauarri toccarrari. Otesse Tito naco zama arobeni Daomasiauarri toccarrari. Demapa otesseraha arrirraro namicca uima touini naza oua nebozapa oza panani Tesaronicauarri toccarrari.

Titodsa 2:12

Deo iaza uati cauanari canarraricca uimape ia mari canarraro, arri ibodicca uimasiri ineboniuarrine, arrirraro namicca uima touini inarraro ineboniuarrine. Arrirraro namiza imadiza icca madie bica taniuarrine naqui ia mari canarraro. Ibodi uatomanissa teza uima bicanira tocatterrizade icauattera, icca uima Deoza parrirenissa taniuarrine icauattera, Deo Poua touira damera inaniuarrine icauattera narraroparri.

Satiacocca 1:27

Naraha madirra Deoza rrehe nauissa tarraripa arrirraro zamacca uimasiriza carrima-rrararrari. Erredeni meze toquerrenarrari, amonerre tobaccopero ocasserani auemanezape acco canade nacassa tarrari. Madirra nama narraripa icca Abi Deoza bica tarrari.