Mateo 12:3 - Kulina New Testament Brazil

³ Nazapa Zeso pouadeniza uati tarrari: —Neraha tiadenipe arri Deo Atti maittaccazama dozo naniccaza Dabicca uima ua ua titiquena neraha tetideni rrimemanarrarorane? Narraro uimape Dabipa poua tessedeni tezerre pemimanazapa pao Deoza da tauicca oppina taraha rripemanarrari.

Culina Mádija

³ Nadsapa Jeso pohuadenidsa huati tajari: —¿Naraha tiadenipi aji Dio Atti maittaccadsama dsodo naniccadsa Dabicca ima hua hua titiquina naraha tetideni ajimamanajarorane? Najaro imapi Dabipa pohua tessedeni tedseje pemimanadsapa pan Diodsa da tahicca oppina taraha jipamanajari.

Mateo 12:3 Iomraidhean Croise

Mateo 12:2

Naraha zodeodeni mota marinarra parizeoza rrehe quenarraridenipa ia qqui toquenaza Zesoza attidenipa: —Arrana! Rrassinarracca uadazape izepe irriniuarrine oppina teraha ticca zozosse tabaqquipa tirico bono dize ippirizemanazapa pina rrassinarracca uada rrerarraroza zepedeni irrimanarrarissa quenaua −quenade.

Mateo 12:4

Deoza dada toqquimauarri toqquezimaza cacauadeza pao toui uati tarrari. Pao ouaha noueraza Deoza da tauiccaraha Dabi rriparrari, poua tessedeniza naco da inabaqquiza rripemanarrari. Narrari pao Deoza da tauipa dada toqquima cacauadedenira rrirripemana narrariraha Dabideni pemimanaza rripemanarrari oppinera taui −narrari Zeso.

Mateo 12:5

—Nazama Moizecca marinarraza naqui dada toqquima cacauade tauimarideni ua ua titiquena neraha tetideni rrimemanarrarorane? Arri, maittaccazama Moizecca marinarrape: Rrassinarracca uadaza dada toqquima cacauadedenipa zepedeni irrimanaraha pouadeniza narraro uadape oppinera tani, napoui nade Moize.

Mateo 19:4

Naraha Zeso pouadeniza uati tade: —Deo Atti dozo nani ua ua titiquena neraha arrirraro uima tetideni rrimemanarrarorane? Maittaccazama Deo zama inauatoponipe Pouarrinena madirra toquerrenapozapa arrima narraro: “Maqquiderre, amonerre tazarrani inauatobaqquirrari.

Mateo 21:16

Erredeni attideni pouadeniza ocassera taza Zesoza uati toquenarrari: —Arrarrari erredeni attideni timitte-rrerarraroqui? −quenade. Naraha Zesopa: —Rrehe, omittani. Attideni omitteraha tiadenina Deo Atti dozo nanicca ua ua titiquena neraha narraro uima tetideni rrimemanarrarorane? Uimape arrima narraro: “Erredenideni, erredeni tobaccocca naco tiaza uatizemanaza rriri rriri quenauitoui: ‘Bica tinani! Bica tinani!’ quenauitoui” naponi nade Deo Atti dozo naniza −nade Zeso.

Mateo 22:31

—Nazama Deorrine madirra nauatonimanauicca uimape Deo Poua Atti dozo naniza dozo naporraro. Poua Atti dozo nani ua ua titiquena neraha narraro uimape tetideni rrimemanarraroqui?

Maraco 12:10

Nazapa Zeso poua tauimari pouadeniza auato taniuarrine Deo Atti dozo nanicca uati tarrari: —Tiadenipe Deo Atti dozo nanicca ua ua titiquena neraha siba uauattarro torrarraro tauimarini tetideni rrimemanarraroqui? Uimape arrima narraro: “Oza sibaza icanauatomananiuarrinepe nanauatodedenipa siba orrariepe ettarromanani nade. Naraha zotodepe narraro sibana oza daco carriraniuarrine torrarraro.

Maraco 12:26

—Nazama Deorrine madirra nauatonimanauicca uimape Poua Atti cacomerabote Moize dozo inaporraro. Narraro Deo Atti dozo nani ua ua titiquena naraha narraro uimape tetideni rrimemanarraroqui? Arri aua dirri taniza Deopa Moizeza uati tarrari: “Ouape Deo, ticca idideni Abarahao, poua bedi Izaqui, poua bedi Zaca quenarraridenicca Deo orrani” naui nade.

Roca 10:26

Naraha pouaza Zeso uati tarrari: —Nerreco uima ua ua tatte Deocca zossenirri dozo naniza? Ua tezape nerreco uimara tiaza auato tatte? −narrari Zeso.

Roca 6:3

Naraha Zeso pouadeniza uati tarrari: —Naraha tiadenipe arri Deo Atti maittaccazama dozo naniccaza Dabicca uima ua ua titiquena neraha tetideni rrimemanarrarorane? Narraro uimape Dabipa poua tessedeni tezerre pemimanazapa pao Deoza da tauicca oppina taraha rripemanarrari.