Mateo 12:28 - Kulina New Testament Brazil

²⁸ —Neraha ouape Deo Corimecca dacorehe ocarrirre narraro Tocorime-Taminecca zozosse tabaqqui zosse zosse ohoninebaqquiriza narrari. Nema onezape tiadeniza auato onanarraro: rridapana Deocca cacauehe tiadeniza bacco narronarraroparri, onarraro −nade Zeso.

Culina Mádija

²⁸ —Naraha ohuapi Dio Corimecca dacorehe ocajije najaro Satanacca dodosse tabaqqui dosse dosse ohoninebaqquiridsa najari. Nema onanadsapi tiadenidsa ahuato onanajaro: jidapana Diocca cacahuehe tiadenidsa bacco najonajaropaji, onajaro −nade Jeso.

Mateo 12:28 Iomraidhean Croise

Mateo 12:18

—Ticattomama canarri! Arrarraripa tiadeni Idinide torrauiuarrine occa Erredeni Ouattiza ibora tauiuarrine ocatterrizaporrari. Pouatoui ouati uana tarraro. Pouapa Oua catizeuissa tarrari. Ocorime pouaza onanezape Ouatti inaparrirenissa tanitoui. Pouapa arra madirra uaidirehe inebomaneza occa biqueheza toquerrenauiuarrine tauimarini zama uapimacca madirraza uati uati narizauitoui.

Mateo 12:29

—Nazama Tocorime-Taminepa dacorehe carriraha ouape deni orrarraro. Pouapa arramani pina arrirraro uima tiadeniza uati onabote narrarossa narraro. Nazama bobotidepa: “Ozacca tozepetarri obotina” narrariraha oza rrinede dacorabote ozaza madizazapa botiuiuarrine parrire-rraraui. Naraha bobotide denima dacorazapa oza rrinede dama inaza rrore inaqquizapa poua zepetarri botiuiuarrine parrireui. Uima narrarossa narraroa arri oua pina bobotide denima dacorarrarissa onarraro. Occa dacorehe deni torrezape pina Tocorime-Tamine rrore onaqquirrarissa naza pocca zozosse tabaqqui zosse zosse ohoninebaqqui narrariparra −nade Zeso.

Mateo 21:31

Poua bedi pamaraha nerrecorrarina imehi attiza ibora tarrari? −nade Zeso. Nazapa dada toqquimade taminedeni, zodeodenicca taminedeni quenaza Zesocca marinarra ecomeremanade: —Taidecca naparra −quenade. Nazapa Zeso pouadeniza uati tarrari: —Parrissehera tiadeniza uati onarraro: rromanodenicca taminecca zossenirri ziniro nanaccadedeni, amonerre zinirotoui ponideni dada quenarrarodeni naqui Deocca cacaueheza toquerrenauiuarrine narroremanaporraro. Neraha tiadenipe tinarroremana-rrerarraro.

Mateo 21:43

—Nezape tiadeniza arrima onarraro: Deopa pocca cacauehe tiadeniza torraniuarrine narroraporaha Poua Bedi tettarromanazapa pocca cacauehepe idininitoui, madirra ouahadenizana da inaniuarrine. Narraridenina Deoza iboraqquiri naza poccadeni madieza uima bicani auato tanitoui.

Mateo 4:24

Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Mateo 6:33

Deocca cacauehecca uimaza tibodideni uatomarizaniuarrine Deotouira tatarizemana narri. Deo Poua nacassa tauiccazara tetetizemana narri, onarraro. Nema tiquenezana Deorrine ticappiremananicca tiadeniza inanarizanitoui, onarraro −naui nade Zeso.

Maraco 1:15

Poua attipa: —Rridapanape Deocca cacauehe iaza bacco narronabote nani. Pina Deo uati tapouissa narraro. Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca uima bicani ticassiuaueraniuarrineccazara rrehe tiquenanissa tarri −naui nade Zeso.

Maraco 11:10

—Pouapa icca idi tamine Dabi Potemaui bicabote! Ia Cacauade torrauiuarrine ccarronaui! Bica taui, bica taui! Memeuarri Deoza madimanarrarideni pouaza: “Deni tirrani!” quenana, quenana! −zanapomanaui nade.

Maraco 16:17

Ouaza parrissa quenarraridenipa oua oniza zepedeni irrimanaza canauatorimana canauitoui. Canauatorimana quenazapa Deocca dacorehe auato tanitoui. Rrehe, oua oniza uati uati toquenazapa Tocorime-Taminecca zozosse tocorime zosse ininebaqqui-manauitoui. Touatti onihiza naco uatide nauatoqquiri nauitoui.

Roca 10:11

“Tiadenipe Deocca cacauehecca uima mittade nacasseraqquiri tiquenezape peperriua rrauirreqquimaniuarrine” tiquenana. “Tizamaridenicca ssiqui emoriza matarraro naqui catorraniuarrine pporo inana, nani ticcadeni iboue tibodideni uatome-mananiuarrine” tiquenana. “Naraha tiadenipe timittemananissa tarri! Deocca cacauehe tiadeniza uarrira teraha…” tiquenana, onarraro.

Roca 11:20

—Naraha ouape Deocca dacorehe ocarrirre narraro Tocorime-Taminecca zozosse tabaqqui zosse zosse ohoninebaqquiriza narrari. Nema onanezape tiadeniza auato onanarraro: rridapana Deocca cacauehe tiadeniza bacco narronarraroparri, onarraro −narrari Zeso atti.

Roca 16:16

—Maittaccazama Moizecca marinarra nemanehe, Deo Atti cacomeraqquiri narraridenicca dozonirri naqui mari mari quenarra narronapoui narraria arra Zouao Batistaparra. Nazana Deocca cacauehecca uima bicani madirraza torraniuarrine Zouao Batistapa taide mari mari narronaporrari. Rridapana oua naqui maride nema onarronarraroa arrirraroparri. Naraha madirrapa Deocca cacauehecca uimaza nacasseraqquiri naza pouadenirrine narrizoue ssonari ssonari narroneraha namanaha madirra Deocca cacaueheza totoquerrena narrariparra.

Roca 9:2

Pouadeni motta rraui torrarizauiuarrine Zesopa pouadeni zosse inabaqquirrari: —Deocca cacauehecca uima tecomerarizemanana. Madirra comaqquiri narrarideni tiadeniza bacco quenaza naco titinanomi-baqquimana nana −narrari.

Romanodenidsa 14:17

Deocca cacauehepe irripanicca, ze inanicca rrerani. Pocca cacauehepe Poua Corime ia acco canaza uimasiri rrirehe imadinissa tarraro, rroneheza imadirraro, etizeri narizarrarona parri.

Corosadeniza 1:13

Ziziniza imadipozape uimasiri iaza dacorapode. Naraha Deo ia rroca toninebaqquiza pocca erredenicca cacaueheza ia tonanabaqquirraride. Deopa Poua Bediza uati uana tarrari.

Ebreodenidsa 12:28

Pocca cacauehe iaza inanarizarrarope rricaquera tanitoui. Narrarotoui Deo Pouaza etizena. Pouaza: —Peperri, tirrine bica tani −inana, onarraro. Pouaza icappineza icca madiema, ibodima Pouaza etizeza: —Bica tinani, deni tirrani! −inana, onarraro. Nema inezana Pouaza bica tarraro.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.