Mateo 12:25 - Kulina New Testament Brazil

²⁵ Naraha Zesopa pouadeni bodi nauato tarrari. Bodideni uatomanauiuarrine pouadeniza arrirraro uima uati uati tarrari: —Zama uapimacca taminepa madirra ecauabaqquiraha zotode pocca madirra cauadiremanaza arrauarri atti arrauarri atti quenazapa pocca cacauehe inassamomanarraro. Nazapa pocca madirra domo tocca taui. Narrarossa narraro oza pananicca madirra cauadirezapa torraribaqqui taui. Uima onihi naqui narrarossa narraro madirra orraria pocca ozacca madirra cauadirezapa poccadeni uima tossamonitoui.

Culina Mádija

²⁵ Naraha Jesopa pohuadeni bodi nahato tajari. Bodideni huatomanahijine pohuadenidsa ajijaro ima huati huati tajari: —Dsama huapimacca taminepa madija ecahuabaqquiraha dsotode pocca madija cahadiremanadsa ahuaji atti ahuaji atti quinadsapa pocca cacahuehe inassamomanajaro. Nadsapa pocca madija domo tocca tahi. Najarossa najaro odsa pananicca madija cahadiredsapa tojaribaqqui tahi. Ima onihi naqui najarossa najaro madija ojaria pocca odsacca madija cahadiredsapa poccadeni ima tossamonitohui.

Mateo 12:25 Iomraidhean Croise

Mateo 9:4

Naraha Zesopa pouadeni bodidenicca uima nauato tazapa pouadeniza uati tarrari: —Nerrecotoui ouaza uima uaidira taniccara tibodideni uatomanarraro? −naui nade.

Maraco 2:8

Nama quenaraha Zesopa pouadeni bodidenicca uima nauato tazapa pouadeniza uati tarrari: —Nerrecotoui tibodideniza nema tiquenarraro? −narrari.

Huano 21:17

Naraha Zesopa pouaza uati tapomade: —Simao, Zouao bedi tirrani tiape ouaza nacassa tinarraroqui? −napomade. Zesopa Pedoroza uati tarrari, uati nimanirrari, uati nimanipomarrari nazapa Pedoro pouaza tocasserani naza bodi qquezarrari. Nazapa poua cacomerade: —Oua Zozossede tiana nauato tinehe rricarraro. Nauato tinarraro tiaza nacassa onani −nade. Nazapa Zeso uati tade: —Occa eueue tititapabaqqui nana, onarraro. (Arra Zeso atti nama narraripa “Occa madirra mari mari titicanabaqqui nana” narrari.)

1 Corintodeniza 2:11

Madirra uapi taraha nerrecorrarina madirra bodideni qquide nauato tarrari? Noueraui. Madirrapa poua bodicca uatouena nauato taui orrari naui. Narrarossa narraro madirrapa Deo bodi qquide nauato tarrarico? Noueraui. Deo Corimena Deo bodi qquide nauato taui orrari narrari.

Carasiadeniza 5:15

Arri timecotedeni tezerre tatamasso ticanarizereza pina cca cca ticanarizerarrarossa nezape parri, tirrinedeni Zeso Cristoza titiqueriqqui narrarope tossamorana, onarraro.

Ebreodenidsa 4:13

Rrehe, Deo bazima inauatorizarraripa uapima qqui tauissa tarrari. Poua qqui tarrarauiuarrine inarrimaui ssamo tani. Icca uima naqui Pouaza auato tarraro. Niza icca uima ecomeraniuarrinepe Poua baccouarri idomo uanitoui.

Apocalipsis 16:19

Nezape namiza dacorarrarorrine oza panani deni torranicca Babironia nocconiza uacca nezape arobeni 3 nehe torrarraro. Zama onihi onihi narizarrarocca oza panani naqui touedimarizarraro. Deopa Babironiacca uima uati rrama-rraraza pocca narrizoue dacorarraro poniza inanarraro. Pocca uadie poni ze inanarrarossa narraro.