Mateo 12:15 - Kulina New Testament Brazil

¹⁵ Zesopa poua inanazoqque-manauiuarrine touini quenaui nauato tazapa Deo Atti mamariuarri neboza toccarrari. Ia pocca zozosse tabaqqui ia naqui uarri taniuarri rrauirrarraro. Nazapa pouaza madirra uapi taha rrauirronazapa comaqquiri narrarideni bazima inanomibaqquirrari.

Culina Mádija

¹⁵ Jesopa pohua inanadsoqque-manahijine tohuini quinahi nahato tadsapa Dio Atti mamarihuaji nebodsa toccajari. Ia pocca dodosse tabaqqui ia naqui huaji tanihuaji jaijajaro. Nadsapa pohuadsa madija huapi taha jahijonadsapa comaqquiri najarideni huapima inanomibaqquijari.

Mateo 12:15 Iomraidhean Croise

Mateo 10:23

Neraha tiadeniza nacasseraqquiri narrarideni tiadeni tonarrizo-baqquimanazapa uassinarra oza panani onihiuarri tidomodeni toccana! Tiadeni tonarrizo-baqquimanapomaza naco oza onihiuarri tidomodeni toccapomana! onarraro. Parrissehera tiadeniza uati onarrarope: Niza Izarraeo potemauidenicca oza panani uapimaza maride rraui tirrarizani rriquerreraraha Madirra Bedi oua ouatomani-pomanitoui, onarraro −nade Zeso.

Mateo 19:2

Madirra sibema pouaza rraui torrazapa comaqquiri narrarideni Zeso inanomibaqquirraride.

Maraco 6:56

Zesopa oza onihiuarri toccaza, zotode oza capamaniuarri toccaza, oza pananiuarri toccaza naco madirra pouatoui bacco bacco nanarronemana narrari. Bazima comaqquiri narrari inanomibaqquiuiuarrine pouaza eheccarrona-baqquimana narrari. Poua tezerrema rrauiza, boroniza naco ehequibarizemana narrari. Zesoza uaua uaua quenarrari: —Zeso oua tinanomirri! Ticca etero inidira bara onaniuarrine arriuarri ticcarronarri! −quequenanarrari. Nazapa pocca etero inidi bara quenarrarideni bazimapa tocanomirerizauissa tarrari.

Roca 5:22

Naraha Zesopa pouadeni bodicca uima nauato tazapa pouadeniza uati tarrari: —Nerrecotoui tibodideniza nema tiquenarraro? −narrari.

Roca 6:12

Nazapa narrari abazicoza Zesopa Deoza uati tauiuarrine ssonouarri toqquemorarrari. Nauiza zome Deoza uati uati taha cassiuarra narrari.

Roca 9:11

Nazama madirradenipa Zeso toccaui nauatoqquiri nazapa zotode rraui torramissarrari. Bacco toquenazapa Zeso pouadeniza uati tarrari: —Nirra, bacco tarronemanarraroqui? –narrari. Nazapa Deocca cacauehecca uima mari icanabaqquirrari, arra comaqquiri narrarideni naco inanomiriza-baqquirrari.

Huano 11:54

Zeso uima nema nani mittazapa zodeodeni madimanauiuarri auatoniza ccarizade nacassera tarrari. Nazapa Zodeauarri nebo, oza onini Epraim uarri madiuiuarrine toccarraride. Epraimpe zama uamoni ssono carri, siba carri tani uarrira taniza anirrarode. Nanizana ia poua uatimadedeni Zeso tezerre imadirrarode.

Huano 7:1

Naui zotodepa zama arobeni Carireazana Zeso madiccaza oza onihi, onihiza mari mari narizarraride. Zama arobeni Zodeauarripa zodeodeni Zeso poua zoqqueuiuarrine toui quenazapa nauiuarri madide nacassera tarrari.

Huano 9:4

Nema nezape ssiuarra taqquezama oua cazosserraricca zossenirri izepe irrina, onarraro. Niza zomezape izepe irriniuarrine ssamo tani. Niza ozoqquezape pina zomerrarossa nanitoui.

Carasiadeniza 6:9

Nezape uima bicani inana-zanaponiuarrine rrao iquerrena-rrerana. Irrapari-rrerezape niza zotode bono bicaui bite irrizauitoui. Narrari bonopa Deo pocca biquehe iaza inananitoui.

1 Pedoro 2:21

Deocca madirra tiquerrenezape ocasserehe tiadeniza ssonariraha mouaraza tinauanemananiuarrine Deo tiadeni tocatterrizabaqquirrari. Zeso Cristopa titouideni ocasserani auaporrari. Pocca madieza Deo touini nauicca noue inarraro. Nezape pina pouarrinessa tinanemananiuarrine dameraqquiri tiquenarri.