Mateo 12:14 - Kulina New Testament Brazil

¹⁴ Naraha parizeodenipa zotode nauizapa rraui torreninezapa uimahaha canarrari: —Nerrecoma inanaza Zeso inanazoqqueuiuarrine? −quenarrari. Nazapa narraro uima uati toquenauiuarrine queriqquimanarrari quenade.

Culina Mádija

¹⁴ Naraha pariseodenipa dsotode nahidsapa jai tojeninedsapa imahaha canajari: —¿Nejecoma inanadsa Jeso inanadsoqquehijine? −quinajari. Nadsapa najaro ima huati toquinahijine queriqquimanajari quinade.

Mateo 12:14 Iomraidhean Croise

Mateo 26:4

Nauiza uimahaha canarrari: —Nerreco maizeheza Zeso tozepe torraza zoqqueuiuarrine? −quenaui nade.

Mateo 27:1

Ssiuarrezape dada toqquimade taminedeni, ime rrocouideni tezerre queriqquimanaza pouadenira uimahaha canarrari. Rrehe canirezapa Zeso zoqqueuiuarrine uima narroremanarrari.

Maraco 14:1

Zodeodenicca errete pamehe touarrirarronarraro. Taidecca uadazape Pascoa torraporraro. (Ettizape: Deo tossoniqquimarrari, inarraro.) Zotodepe Pao ssarra tarraraui rripemanarraricca errete torrapomarraro. Narraro errete torraniuarrinecca uada pamehe zori taqquezape arrirraro uima torrarraro. Dada toqquimade taminedeni, zodeodenicca marinarra maridedeni quenarraridenipa Zesoza nacasseraqquiri narrari bazima queriqquiza: —Nerreco maizeheza Zeso tozepe torraza zoqqueuiuarrine? −quenaui nade.

Maraco 3:6

Naraha parizeodeni rraui torrenazapa tamine Erodicca madirra tezerre queriqquimanarrari. Nauiza uima idimemanarraro, Zeso zoqqueuiuarrine.

Roca 22:2

Dada toqquimade taminedeni, zodeodenicca marinarra maridedeni quenarraridenipa Zesoza nacasseraqquiri naza attidenia: —Zeso nerrecoma inanaza zoqqueuiuarrine? −quenarrari. Naraha pocca madirra noppine cappinemanarrari. —Zeso dama inaui qqui toquenazapa moua moua quenarana −quenarrari.

Roca 6:11

Naraha rrassi nauarranirrarideni motapa parizeodeni. Pouadenina Zesoza uadimanarrari. Nazapa pouadenira uimahaha canaza: —Nerrecoma inanaza Zeso inanazoqqueuiuarrine? −quenarrari.

Huano 10:31

Nazapa zodeodeni siba nacca-cca quenapomade Zeso iquenaqqui-manauiuarrine.

Huano 10:39

Nazapa Zeso dama iquenapomauitouiraha toqquenaza zori tarraride.

Huano 11:53

Nezape narraro uadaza, arra Caipa atti: —Rrehe zoqqueui bica taui −naza uima cacattemadedeni bazima Zeso zoqqueuiuarrinecca uima idimemanapomezape uima narroraniuarrine uimahaha uimahaha cazanaporrari.

Huano 11:57

Naraha parizeodenipa dada toqquimade taminedeni tezerre attideni narroremanaporra narrari: —Zeso qqui tiquenazapa iaza uati tiquenana, naui dama inauiuarrine −quenarrari nade.

Huano 5:18

Zeso atti nama naui mittemanazapa zodeodeni parra icauadimanariui nade. Attidenipa: —Sabadope oppina tani inarraroza ibora tarrarazapa madirra inanomiui −quenarrari. Zeso poua atti onihi naqui: —Deopa occa Abi −naui mittemanazapa pouadeniza pina Deossa naui quenaza Zeso zoqqueuiuarrine toui inacomemanarrari.

Huano 7:30

Nazapa nauiza Zeso pouadeni zepeza torrauiuarrine dama iquenauitouiraha dama iquena-rrarade. Zeso zoqqueuiuarrinecca uima Deorrine narro taccarraro.

Huano 7:32

Madirra —Zesopa Cristo-Mesia −quenarrari uimahaha canaza zodeodeni mota marinarra onini parizeoza rrehe quenarrarideni mittemanazapa dada toqquimade taminedeni tezerre nauiuarricca cacauadedeni Zeso dama iquenauiuarrine zosse inabaqquimanarrari: —Zeso dama tiquenaza teccanimanana −quenarrari.

Huano 7:44

Madirra motapa: —Toponi cocorouarri Zeso iaccana −quenaraha cappinemanaza dama iquena-rrarade.

Huano 8:59

Nazapa zodeodeni uadimanaza siba nacca-cca quenade, Zeso iquenaqqui-manauiuarrine. Naraha Deoza dada toqquimauarri madirra uapi tarra narrari. Zesopa narrari madirradeniza carrimaza amossi narraride. Deoza dada toqquimauarri toqquenarrari.