Mateo 11:30 - Kulina New Testament Brazil

³⁰ Occa marinarra tiadeniza torraniuarrinepe orrine parrirenissa tani. Ouaza parrissa tiquenezape pina ppaua taniccassa nani −nade Zeso.

Culina Mádija

³⁰ Occa marinaja tiadenidsa tojanijinepi ojine pajiranissa tani. Ohuadsa pajissa tiquinadsapi pina ppahua taniccassa nani −nade Jeso.

Mateo 11:30 Iomraidhean Croise

Mateo 12:1

Nezape zotode naqui rrassinarracca uada bacco teza Zeso, pocca zozosse tabaqqui tezerre uizarra nocconi rrauirreqquimeza ipemizape arroi rrizaza tirico bono qqui inarrari. Dize ippirizaza zorro zorro icarrizeri naza pore siqui apa pore siqui apa inade.

Huano 16:33

Arri uima uapima tiadeniza uati onarrarope tibodideni uatoto cane-rreraniuarrine. Ouaza tiquerrenezape rronehe, uatizehe parrissehecca ticarrimananitoui. Arrirraro zamaza timadimanaqquezape ocasserani temaneraha dacoco tirrirarri. “Peperri inana” tiquenerrerana. Arrirraro namicca zozossedepa arramani torraui. Ouana pouaza deni orrani −nade Zeso.

Tahimarideni 15:10

Naraha tiadenipe nerrecotoui tibodideniza: “Deo Pouarrine bica terrerani” tiquenarraro? “Deo nattome inana, ettiza uadi-rrarauitide” tiquenarraroqui? Arri tettidenipe: “Zodeo querrena-rrararrarideni Zesoza parrissa quenazapa Moizecca marinarra nemaneheza iboraqquiri nana” tiquenarraro. Naraha icca ididenipa Moizecca marinarraza iboraqquiri nauiuarrine parriremana-rrararrari. Ia naqui narraro marinarraza iboraqquiri inanissa taniuarrinepe iparrire-rrerani. Nazapa imecotedeni zodeo querrena-rrararrarideniza: “Moizecca marinarra nemaneheza iboraqquiri tiquenarri” tiquenezape pina madirra mirrira tarrariza: “ccanarrabote tinauanarro” tiquenarrarossa narraro.

Tahimarideni 15:28

Deo Corime ibodi acco canazapa etti arrima inarraro: Arri Moizecca marinarra nemanehe tibodideniza ccanarra tezape Moizecca marinarra mota deni torraniccazara iboraqquiri tiquenarri, inarraro. Narrarope arrima narraro:

2 Corintodeniza 4:17

Arrirraro namiza ocasserani errarope bazira tani, rricaca tani. Naraha narrarorrine Deocca biquehe, pocca deni torrehe rricaquera tanicca denima denima iaza torrazanaponitoui.

Carasiadeniza 5:1

Zeso Cristopa Moizecca marinarraza imadizanapo-rreraniuarrine ia tappa tabaqquirrari. Nezape Zeso Cristo tauimarizara dameraqquiri tiquenarri. Moizecca marinarrape tinebomanana, narrarocca zozosse tiquerrenanipoma-rreraniuarrine.

Carasiadeniza 5:18

Deo Corimepa timadimananissa taniuarrine tiadeni zosse zosse nauitoui. Pocca zossenirriza iboraqquiri tiquenezape Moizecca marinarraza timadimana-rrerani.

Piripodeniza 4:13

Cristo oua tonadacorarra narrarirrine uima onihi onihi ouaza torrazape oparrireni.

1 Zouao 5:3

Deoza eti uanaqquiri nezape pocca zossenirrissa inana tani. Pocca zossenirripe narro terrerani.