Mateo 11:3 - Kulina New Testament Brazil

³ Nazapa iauarri rrauirronaza bacco narronemanazapa Zesoza uati toquenarraride: —Ia maride Zouaopa tiaza uatide ia zosse narronabaqquirrari. Poua attipa: “Tiape arra toui imadirraro Cristo-Mesia tirraqui? Ouahatoui imadiccaniuarrinerane?” nade Zouao atti −quenade.

Culina Mádija

³ Nadsapa iahuaji jahijonadsa bacco najonamanadsapa Jesodsa huati toquinajaride: —Ia maride Huanopa tiadsa huatide ia dosse najonabaqquijari. Pohua attipa: “¿Tiapi aja tohui imadijaro Cristo-Mesia tijaqui? ¿Ohuahatohui imadiccanijinerane?” nade Huano atti −quinade.

Mateo 11:3 Iomraidhean Croise

Mateo 11:10

Arra, Zouao Batistapa maittaccazama poua tezerremacca uima Deo Atti cacomerabote Maraquia dozo inaporraro. Narrarope pina Deopa Cristo-Mesiaza uati taporrarissa narraro: “Taide titauimari touaccade madirra orraria titezerrema zosse onapouitoui. Naui mittemanaza madirra bodidenipa titoui narroremanapouiuarrine, pina tirrauine narroremanaporrarossa inanemananitoui, onarraro” napoui nade Deo Atti −nade Zeso atti.

Mateo 11:4

Nazapa Zouao zosse inarronabaqquirrarideniza Zeso poua cacomerarrari: —Rrehe, ticadaniza Zouaoza uati tinanimanarri. Arri qqui tiquenarraro, arri timittemanarraro pouaza uati tinanimanana −nade Zeso.

Mateo 21:5

—Oza panani Sioza madimanarrarideniza arrima tarri: “Qqui tiquenanarra, ticcadeni tamine bicabote tiadeniuarri bacco naui. Pouapa rrone taui, rrazire toui narraraui. Arrana, borro imehiza uittarirrona-rraraui. Borro namizaza tozepetarri rrorrorede bedi ideza uittarirronaui” −napoui nade Zacaria.

Mateo 21:9

Madirra bazima poua tezerrema rraui torrarra, poua nattiuarri rrauirronarra zanapomanarrari. Pouaza uatizemanaza uaua zanapomanarrari: —Tamine Dabi Potemaui deni torraui, deni torraui! –zanapomanarrari. —Ia Zozossede onima ccarronarrariza biquehera torrana, torrana! Memeuarri Deoza madimanarrarideni pouaza: “Deni tirrani!” quenana, quenana! −zanapomanade.

Maraco 11:9

Madirra bazima poua tezerrema rraui torrarra, poua nattiuarri rrauirronarra zanapomanarrari. Pouaza uatizemanaza uaua uaua zanapomanarrari: —Nirra, Deopa deni torraui, deni torraui! Ia Zozossede onima ccarronarrariza biquehera torrana, torrana! −zanapomanarrari.

Roca 19:38

Attidenipa: —Ia Zozossede onima ccarronarrariza biquehera torrana, torrana! Pouapa ia Izarraeo potemauideni icca tamine! Pouaza biquehera torrana, torrana! −zanapomanarrari. —Memeuarri Deo icca uimaza carroneri canaui, canaui, narraro rronehe torrarizaniuarrine. Memeuarri Deoza madimanarrarideni pouaza: “Tiana deni tirrani!” quenana, quenana! −quenarrari, uaua zanapomanaza.

Huano 11:27

Nezape Zesoza uati tade: —Rrehe oua Zozossede, nauato onani tiaza. Tiape Cristo-Mesia, Deo Bedi tirrani, arri namiuarri ticcarronanitoui quequenanapode −nade Marta.

Huano 12:13

Nazapa poccadeni uatizehe bica taniuarrine birirrari eppe ti quenaza —Zeso bacco irrizana −quenaza rrauirronarrari. Madirra motapa birirrari eppeza rraui bina inarronemanarraro, —Rraui bica taniuarrine –quenaza. Madirra motapa birirrari eppe zorrorro zorrorro canarronaza uaua narronemanarrari: —Deopa deni torraui, deni torraui! Ia Zozossede onima ccarronarrariza biquehera torrana, torrana! −narronemanarrari. —Pouapa ia Izarraeo potemauideni icca tamine! Pouaza biquehera torrana, torrana! −narronemanarraride.

Huano 16:14

Pouaza occa uima auato onaneza tiadeniza auato inananitoui. Nazapa pouarrine ouaza: “Rrehe, Zesopa nauato taui, deni torraui” tiquenanitoui.

Huano 4:21

Naraha manaco Zeso amonerreza uati tarrari: —Amonerre, ouatti timittarri. Niza uimape cacarriqquimeranitoui. Arri ssonouarri Deoza tetetizemana narrarope nebonitoui. Arra Zerozareuarri Deoza uauatizemana nauiuarri naqui nebonitoui −naui nade.

Huano 6:14

Nazapa Zeso canauatori canaui qqui toquenazapa uimahaha canade: —Parrissa arrarraripa Deo Atti cacomerabote. Maittaccazama uima imittaporrarope: “Arrirraro zamaza bacco nauitoui” quequenanapode −quenade bazima.

Huano 7:31

Naraha madirra mota pouaza parrissa quenarraridenipa uimahaha canade: —Zesocca nauatoue deni torrarraro. Pina Cristo-Mesiacca uima imittaporrarossa nani. Narrarina Cristo-Mesia poua. Niza madirra ouaha pina Zeso canauatori canarrarissa narrarauitoui −quenade.

Ebreodenidsa 10:37

Arra Zeso ccanipomauiuarrinecca uimape Deo Atti dozo naniza arrima narraro: —Itoui ccanipomauiuarrinepa parrissa ccanibote naui. Ccanide narro-rrarauitoui.